اقتباس المشاركة الأصلية كتبت بواسطة mem مشاهدة المشاركة
السلام عليكم ورحمه الله وبركاته

امبارح كنت فى مشوار انا واقاربى فى وسط المدينه
وفى رجوعى عن طريق الاتوستراد
تحت الكوبرى الدائرى عند المعادى ( قبل طلعه الدائرى مباشره ) اللى توديك اتجاه كارفور
فى كشك بيبيع عصائر وماكولات
فوقفت اجيب مياه وعصائر لينا وكانت الساعه فى حدود تقريبا 10.30 الى 10.45
واللى يعرف الحته ده الحته ده حيويه وبيبقى فى ناس كتيير واقفه منتظره مواصلات فيها
المهم اشتريت اللى انا عايزه والحمد لله ما كملتش دقيقه ومفتاح السياره كان معايا
وركبت العربيه وافاجا بعربيه اوبترا نبيتى متفيمه بتقفل عليا بهدوء جدا
انا فى اللحظه ده ما عرفش انتبهت للعربيه
وحسيت بحاجه مش طبيعيه ودورت بسرعه وفى لحظه التدوير
كان نزل اللى سايق الاوبترا وجى عليا وده اللى خلانى انتبه اكتر
لانه لو نازل يشترى حاجه كان راح الجهه التانيه
وبيقولى اقف اقف اقف بصوت فيه خشونه
لكى يخيفنى ويربكنى
ولكن الحمد لله ربنا الهمنى انى اكسر الدريكسيون على الاخر فى هذه اللحظه
واجيب الاول واكبس بنزين واطير من امامهم لان كان فيه اتنين بينزلوا من البابين التانيين
واول ما عديت اللى كان عندى حدف مش عارف طوبه ولا ايه على العربيه
وجت فى السقف والشنطه
وخلوا اولاد اقاربى الصغيريين يتفزعوا (حسبى الله ونعم الوكيل فيهم)
بس انا ولا سالت طرت
والحمد لله ان ربنا نجانى
وياريت تخدوا بالكم وما تقفوش فى اى حته على الطرق السريعه
الا فى اماكن ان جربتها قبل كده وتكون امان امان امان لابعد الحدود وانت واثق فى كده
وخصوصا لو معاكم احد من اسركم
واياكم وترك مفتاح السياره عند نزولكم فى السياره
وبردك وانت نازل تشترى حاجه ما تخدش معاك اطفال
على شان لو ياقدر الله حصل حاجه تقدر تتصرف بسرعه ومش يعطلك الطفل
والحمد لله على كل شى
أولا .. حمدا لله علي سلامتك و أنا مقدر الموقف اللي كنت فيه و طبعا قلبي مع الاطفال اللي كانوا معاك , حاول تهديهم و تنسيهم اللي حصل ده بأسرع مايمكن لأنه سيظل عالق بأذهانهم لفترة طويلة

ثانيا .. أتفق معاك تماما في الاجراء الذي قمت به و أنا منذ أحداث يناير 2011 و أنا أتبع الاجراءات الامنية الاتية :
- عند وجود أسرتي معي بالسيارة لا أتوقف نهائيا الا عند البيت في الرحاب أو داخل السوق التجاري
- أثناء توقفي (حتي داخل الرحاب) بأسحب المفتاح من العربية و اقفل الابواب بالريموت
- أذا أضطررت للتوقف في محطة بنزين أو أي مكان يجب أن أغلق السيارة تماما و أؤمن الابواب من الخارج و أكون قريب قدر المستطاع من السيارة كي لاتغيب عن نظري
- اثناء السير سواء معي اسرتي او لوحدي أتأكد من أغلاق الابواب من الداخل و أغلاق الزجاج ألا من فتحة صغيرة لدخول الهواء أو تشغيل التكييف

- طبعا في السفر بأكون ماشي بسرعات عالية و خاصة بالليل
- بأراقب في المرايات السيارات التي خلفي للتأكد من عدم تتبع اي سيارة لي
- عند ملاحظة وجود اي سيارة متوقفة علي جانب الطريق بأتوخي الحذر و أبدأ في الابتعاد عنها قدر المستطاع و محاولة استكشاف الموقف جيدا قبل الاقتراب منها (ليلا بأستخدام النور العالي - نهارا بأستخدام الكلاكس لتنبيهه)

طبعا ربنا هو اللي بيستر