السلام عليكم
نويت ان شاء الله اجيب عربية جديدة محتار جدا بين سيراتو وفلونس رجاء النصيحة
عرض للطباعة
السلام عليكم
نويت ان شاء الله اجيب عربية جديدة محتار جدا بين سيراتو وفلونس رجاء النصيحة
فلونس
لو مش هاتبيع قريب هات فلوينس ،،،
لو من النوع اللى بيغير كل سنتين تلاتة هات سيراتو
سيراتو الجديدة تقريبا نفس اوبشن الفلوينس،،، اتكلم عن full option
سيراتو اشيك وشبابي اكتر وفيها حاجات زيادة زي فتح بالبصمة ونظام تغيير وضع القيادة Comfort - Normal - Sport وشاشة تاتش كبيرة وكاميرا خلفية وانا افضلها عن الفلوينس
انصحك تستنا لشهر نوفمبر عشان السيات ليون الجديدة نازلة
السيراتو اكثر شبابا
الفلوانس عايزه حد كبير في السن شويه
كلام الاستاذ هوجن وبرنس الليالى مية مية الله ينور عليكوا
الفلونس سيارة بمواصفات اوروبية للامان وبها كل ما تتمنى
فلوانس طبعا .. عربية اوروبى فيها كل عوامل الامان .. والموديل الجديد منها خلى شكلها افخم
فاكس سيراتو
فلوانس طبعا
اعتقد الفلونس افضل
الكيا خصوصا والكورى عموما بيهتموا بالشكل والديزاين والاوبشن علي حساب قوة العربية والموتور
مش عارف الفلونس اللى بتنزل مصر تقفيل كورى ولا تركي بس برضه فى الاخر عربية اوروبي
هو حضرتك شغال معاهم هناك عشان تقول انهم بيهتمو بالاوبشنز على حساب قوة المحرك ؟ إزاي مش فاهم حضرتك ؟!
محرك الفلوينس 115 حصان والنيو سيراتو 130 حصان والمعروف عن السيراتو والالنترا انهم من افضل العربيات اللي تحت الـ200 الف (من ناحية التسارع وقوة الموتور)
إنما الاوروبي اللي تحت الـ200 الف قوي وكل حاجة بس موتور قوته اقل وتسارع اضغف عموماً هو يشوف اللي يناسبه
يعني لو هو عايز عربية تسارع وحركة وريسبونس عالي من اول حركة فمفيش غير النيو سيراتو الالنترا
إنما لو سواقته سلسة جداً وعادية يبقى الفلوينس واهي افضل من حيث عوامل الامان إنما كتجهيزات داخلية وموتور لصالح النيو سيراتو
نغمه اوروبي وكوري
اظن انتهت من كل دول العالم
مش موجوده غير في مصر
صديقي المواطن
قولا واحدا كل فلوانس تساويلها كركوبة 3 سيراتو بالمستريح ولكن في مصر كلام تاني فعند البيع سيراتو أبيع والخلاصة
لو حتركب 3 سنين فما فوق خد فلوانس
لو بتغير كل ساعتين تلاتة خد سيراتو
والتصيحة الصادقة خد فلوانس كسر زيرو حتكون نزل من ثمنها بتاع 20 ألف إنت أولى بيهم وبالتوفيق وإلى اﻷمام
ومن نصر إلى نصر
ودمتم للنضال
سيراتو هاي لاين ركبتها مع واحد معايا في الشغل لسه شاريها مختلفه تماما عن السيراتو الشكل اللي قبليها وكمان العفشه كويسه جدا وتنك كماليات بجد حاول تركب العربيتين وتجربهم و تشوف انت مستريح لايه اكتر ومتصدقش اللي يقولك عوامل امان الاتنين لو هتشتري الهاي. لاين ٢ ايرباج وفرامل abs ومنضحكش علي بعض فلونس ايه بس اللي اوروبي العربيه في الاصل كوري ومتجمعه في تركيا ومحطوطلها موتور وفتيس ياباني يعني تقريبا تشكيله من كل قارات العالم الا اوربا بس عشان محططوط عليها علامة رينو بقت اوربي انا مبعبش في العربيه انا بتكلم علي اللي ماسك في اوروبي اوروبي مع تمنياتي لك بالتوفيق في الاختيار
سيراتو الجديده رائعة و ناعما جدا مقارنتا بالشكل اللي قبليها و فيها كميه اوبشن كتير جدا :tumb: غير خامتها الداخليا من اول فئة sx ممتازه و تسارع و اداء عالي جدا. :tumb: كمان شبابيه جدا عن الفلوينس
السيراتو sx تتميز عن الفلوينس
ماتور و تسارع قوي - تكييف ثلاجة - اوبشن اكتر - اعتماديا اعلي - شكل داخلي و خارجي اجمل بالفوانيس الليد - فتيس افضل - صيانه اسهل - سعر اعاده بيع افضل - شكل احدث و قدامه ٤ او ٥ سنين
الفلوينس تتميز عن السيراتو
للاسف مش لاقي حاجه واحده حتي الخامات السيراتو sx تتفوق!!!
تصميم اجمل و احدث interior and exterior و لمسات جماليه بالنواكل و اوبشن اكتر و كل حاجه لصالح السيراتو و عذرا للفلوينس
الصراحة انا شايف شوية تحيز ناحية السيراتو في المقارنة دي
يعني
السيراتو sx تتميز عن الفلوينس
ماتور و تسارع قوي : تمام
تكييف ثلاجة : تكييف الفليوينس كل الناس بتشكر فيه
اوبشن اكتر : احتمال , لو تعرف تاخد فئة من دي و فئة من دي يكونوا بنفس السعر و تقول لنا اكتر في ايه يبقى تمام اوي , او تجيب التوب لاين هنا و التوب لاين هنا و تقارن و تقول لنا فرق السعر قد ايه لصالخ مين
اعتماديا اعلي : السيراتو دي لسه ما بانتش , و الفلوينس اعتماديتها كويسة جدا
شكل داخلي و خارجي اجمل بالفوانيس الليد : اذواق , انا لا عاجبني دي ولا دي خارجيا بالمناسبة , و داخليا الاتنين معقولين , و ما شفتش خامات السيراتو , و خامات الفليوينس حلوة
فتيس افضل : من ناحية ايه و ليه ؟
صيانه اسهل : لو بتتكلم على التكلفة فلا اظن , اسعار قطع الغيار اظنها لصالح الفليوينس
سعر اعاده بيع افضل : مفروض , بس رأيي انه لسه ما بانش
شكل احدث و قدامه ٤ او ٥ سنين : دي تمام
حاسك بتقارنها بفلوينس ما قبل الفيس ليفت
السيراتو دي اعلى منها في كل اللب قلته فعلا
باالنسبة لاعتمادية السيراتو باقول ما بانتش على اساس العربية لسه جديدة، مش هينفع نحسب على اساس الشكل السابق
بالنسبة للتكييف هو اتغير مش عارف في2012 ولا2013 و بيقولوا بقى احسن كتير
طب جميل يعني اتكلمتوا عن الاوبشن والمواتير طب بالنسبة للثبات !! اية الكلام !؟
يا جماعة من غير تحيز ... الحمد لله أنا معايا فيس ليفت الفلوانس .. تكييف لو شغلته على fast بيتلج العربية فى 3 دقايق بالعدد وبعد كدة بيهدى لوحده ... لو بتتكلم عالبصمة والترحيب والكلام دة مش هقولك غير إن الكﻷم دة فالميجان ال 2006 مش هقول أكتر من كدة .. أنا شايفكم بتقارنوا بين السيراتو الجديدة والفلوانس القديمة ودة مش عدل طبعا .. الفلوانس القديمة سابقة السيراتو القديمة بسنين ضوئية .. نتكلم عالجديد بقا .. الفلوانس الجديدة اتزان خزعبلى مع ارتفاع عن اﻷرض مفروغ منه طبعا مانا مش هجيب عربية أنزل منها الناس كل مطب .. عدادات ديجيتال أضواء صالون ورا وقدام أضواء سفلية فاﻷبواب غلق ذاتى لﻷضواء والكاسيت مع فتح الباب غلق ذاتى لﻷبواب بلوتوث طبعا ومثبت ومحدد سرعة و بصمة. .. والله العظيم مفيش حاجة اسمها نتشة بين اﻷول والتانى فى الفتيس ال cvvt ﻷن ببساطة مفيش حاجة اسمها أول وتانى أساسا ... خلاصة الكلام اﻷتنين حلوين اركب دى الجديدة واركب دى الجديدة واختار وسيبك من كل كلامنا دة وربنا يباركلك اﻷتنين مفهموش عيوب تقريبا الحمد لله .... وحاجة كدة صغيرة ... السيراتو الجديدة من ورا تيبيكال نفس شكل الفلوانس الى نازلة من 3 سنين
هو حضرتك لازم ابقي شغال معاهم هناك فى كوريا عشان اكون رأى خاص بي ممكن يبقى صح وممكن يبقى غلط انهم يهتموا بالحاجات دى علي حساب القوة والكفائة بناءا على مشاهدات للموديلات والانواع وتجربة البعض وحالة العريبات الكورى بعد مرور فترة من الاستعمال
لو حضرتك راجعت ردي تاني هتلاقى اني بتكلم على العربيات الكيا والكورى عموما
ومقارنتش بين قوة موتور السيرواتو والفلونس وكمان قوة الموتور مش كام حصان بس من وجهه نظري فى كمان كفائة الموتور مع الاستعمال وقوته مقارنة بوزن وحجم العربية
وتاني حاجة حضرتك انا قلت الشكل والديزاين والاوبشن يعني الشكل والديزاين قبل الاوبشن وبرضه كلامي بصورة عامة يعني لو حضرتك شفت الديزاين بتاع الالنترا والسوناتا والسنتافي فى الهيونداي والاوبشن اللى جوة العربية هتلاقيه عالي جدا ولو جربت العربيات دي هتلاقي ان معظمها لا يتناسب قوة الموتور بحجم العربية والديزاين العالي وفى الكيا السيراتو الاوبتيما والاسبورتاج
انا كان معايا سبورتاج 2000 cc وكنت حاسس ان الموتور ضعيف جدا على حجم ووزن العربية وبعتها بعد 5 شهور وطبعا كان فى عيوب تانية بس ده احد العيوب ومش عارف بصراحة الاسبورتاج اللى بتنزل مصر ازاي 1600 cc ومتوقع ان اللى هيشتري اسبورتاج هيحس بضعف الموتور بعد مرور سنتين او ثلاثة على استعمالة للعربية
اخيرا فى رد لاحد الاعضاء هنا ان الفلونس تصنيع وتجميع مش اوروبي لذلك انا سألت فى اخر ردي علي تجميعها على اساس انها تصنيع فرنسي وتجميع كوري او تركي كان هيبقى فيها ميزة كبيرة عن الاسيوي اللى مش بيعمر زى الاوروبي
انما كده الاتنين زى بعض يبقى الاخ اللى بيسأل على الاتنين يقارن بين الاوبشن والسعر وقوة الوكيل فى مصر
يا باشا اللفليونس الهاي لاين فيها 6 أيرباج مش 2 بس....
و للعلم رينو تمتلك حصة فى نيسان و سامسونج و داتشيا..........لو مش هتستفيد من الكلام ده يبقى شركة فاشلة.
زي بالظبط كده فولكس فاجن جروب......بتلاقي شاسيه معين فى أكتر من موديل فى شركات مختلفة........و موتور الأساس بتاعه هو هو........بس كل شركة عاملة فيه شوية شغل علشان يناسب موديلها........دي حاجة طبيعية دلوقتي.
الأوروبي فى الموضوع هو ال standards و ال quality control و ال quality assurance .
يا باشا مش هتنتهى طالما الكوري بينزل فى مصر حسب مواصفات الشركة اللى واخدة التوكيل.
شيل الأيرباج يشيل الأيرباج.............شيل ال ABS يشيل ال ABS الخ.
الميجان كانت بتنزل فى كل دول العالم ب 6 أيرباج ABS تجهيز أساسي......مفيش وكيل يجرؤ يفتح بقه و يقول نزلوهالي ب 4 أيرباج بس.
أنا هرد عليك فى الموضوع ده......
دي كماليات الفليوانس من على موقع رينو ( أعلى فئة)
1- جنوط 17 رياضية
2- أنظمة الفرامل التالية ABS, EBD & BAS ( Brake assist system)
3- طنابير خلفية سكاكين
4- 6 أيرباج ( راكب أمامي - سائق - ستائر جانبية للراكب الأمامي و السائق - ستائر جانبية للركاب الخلفيين)
5- أموبيليزر ( بيغني عن جهاز الأنذار)
6- تكييف ديجيتال ديوال زون مع مخارج تكييف خلفية
7- 4 أزاز كهرباء بلمسة واحدة
8- فتحة سقف كهرباء ( مع ملاحظة أن الأزاز و فتحة السقف فيها خاصية ال anti-Pinch اللى بتخلى الأزاز أو الفتحة يقف تلقائي لما يكون فيه حاجة بتعوقه ( أيد طفل صغير مثلاً)
9- مفتاح زكي ( بصمة كما يقال عنه ) و ممكن تفتح العربية أو تدورها و تسوق و المفتاح فى جيبك.
10- باور كهربائي متعدد المستويات ( بيتقل مع السرعات)
11- إمكانية تحريك الدركسيون فى 4 إتجاهات....فوق و تحت و ورا و قدام
12- أنوار زينون أمامية مع ليدات ( الأنوار بخاصية auto height adjustment 9)
13- خاصية أضاءة الأنوار أوتوماتيكياً فى الليل أو عند الدخول فى المناطق المظلمة.
14- خاصية تشغيل المساحات تلقائياً عند هطول الأمطار
15- خاصية follow me home اللى تخليك تقدر تسيب النور العالى منور لمدة دقيقة على ما افتكر بعد ما تقفل العربية لحد ما تنزل و تشيل حاجاتك و تدخل بيتك ( مفيدة فى المناطق المظلمة أو عند إنقطاع النور)
16-خاصية تشغيل الأنورا عن طريق الريموت
17- فوجات أمامية مع ليدات.
18- مراية جانبية طي كهربائئ مع خاصية أذالة الرطوبة
19- مراية صالون ذاتية التعتيم.
20- مثبت و محدد سرعة ( المثبت بيفرق عن المحدد)
21- باركنج سيسنور خلفى
22- كمبيوتر رحلات بيعرض 6 شاشات معلومات ( غير شاشة التحذيرات و مواعيد الصيانة)
23- راديو و سي دي و MP3 و بلوتوث مع 6 سماعات مع مخرج AUX و تحكم فى النظام الصوتي من عجلة القيادة.
24-درج تابلوه ثلاجة.
ده اللى أنا اعرفه.....و إحتمال يكون فيه حاجات تانية أنا مش فاكرها.
معلش لو حد حاسس أن ردي غلس شوية..........أنا أكتر حاجة أكرهها في حياتي أنك تبنى تقييم المفروض أنه يفيد حد أو على الأقل هياخد قرار على أساسه بناء على ذوق شخصي و ده بيختلف من شخص للتاني أو مجرد علشان أنت سمعت حاجة أو علشان أنت مجربتش.
أنا متفرقش معايا العربية خالص حتى لو طلعت صفيحة زبالة متنقلة.....بس يكون عن حق مش عن تحيز أو عدم معرفة.
سيراتو
بص يا باشا......مبدأياً كده أنا ركبت السيراتو من أكتر من شهر........واحد صاحبي شاريها.
رأيي بدون أى تحيز......سيراتو تكسب فليونس القديمة......فليونس فيس لفت تكسب سيراتو......ده بالنسبة للشكل اللى هو المفروض مبنيش عليه تقييمي لعربية و نصيحة بديها لحد.
ثانياً أنت مجاوبتش على سؤالي........على كونتاكت كارز مفيش سيراتو ب 179.......فيه ب 168 أو 185...........مين فيهم اللى أنت بتقارن بيها ؟
سؤال كمان.........تسمية e3 فى الفليونس فيها 3 تجهيزات مختلفة ب 3 أسعار مختلفة.
عندك e3>>>>e3 s>>>>es3 sl
مين فيهم اللى أنت تقصده ؟
أسعارهم 170 و 178 و 188 على حد علمي.
ثالثاً بقى...........الأيرباجز مش واو بمعنى أيه ؟
مش مفيدة ؟ مضرة ؟ ملهاش لازمة ؟
و برضه مجاوبتش على أسئلتي بخصوص تكييف التيدا و الفتيس ال cvt.
باشا انا جاوبت علي اسئلتك كلها و وضحت انا ليه شايف السيراتو افضل حاجه بسيطه من الفلوينس و الفلوينس بجد عربيه محترمه فعلا و انا كتير جدا فكرت فيها و لسه بتلعب في دماغي بس شكلها شويه مش شددني و هي ازواق فعلا و هي عربيه محترمه فعلا و افضل من الاسترا
عايز بس اسئلك كام سؤال و يا ريت ترد عليا بامنه ذي ما رديت عليك
انت ركبت انهي فئه في السيراتو اللي بتقول الفلوينس الجديده افضل منها؟؟ لو اي فئه اقل من sx يبقي معاك حق لان خامات ال interior في lx - ex - ex fo كلهم رديئه جدا و لو حد بيفكر في سيراتو مش sx انا اول واحد بقلوا بلاش و اصرف نظر لان الدلع و الشياكه و الرفاهيه و جوده الخامات موجوده من اول فئه sx
بتقول الشكل اذواق ... طب لما ركبت السيراتو ايه رايك في اضائه الكنسول و التاره و الفتيس و احساسك و انت قاعد في الانتريور ده بالليل مقارنتا بانتريور الفلوينس ...يا ريت تقول رايك بمنتهي الامانه من غير تحيز ... يا راجل بصيت علي شكل و تصميم و خامات فتيس السيراتو و اضائته مقارنتا بفتيس الفلوينس؟؟؟ مفكركش بفتيس الجيتا بجماله؟؟ انا بصراحه معرفش عدادات الفلوينس الجديده الديجتال عملا ايه لاني مسوقتهاش و سوقت مره واحده بس الفلوينس الشكل القديم بس لما سوقت السيفك بالعدادات الديجتال مستريحتش للعداد الديجتال لان كل ما بيتغير بيخلني كل شويه ابصله و تركيزي في الطريق كان بيقل رغم ان شكله كان تحفه طبعا بس انا بميل اكتر للعدادات العاديه
خدت بالك نظام التعليق اتغير اذاي و العربيه بقت ناعما اذاي مقارنتا بالشكل السابق؟؟؟ فرق كبير جدا بصراحة!!! السيراتو الجديده جنط ١٧ انعم من السيراتو القديمه جنط ١٥ و الله بدون مبالغا!!! العربيه بجنط ١٧ و ناعما جدا!!! انا كنت مستغرب جدا و مش مصدق!!!
جربت تجيب الباور عل وضع كمفورت و شوفت النعومه عملا اذاي!!! نعومه غير عاديه و متعه لاقص درجه و كل ما تزود سرعه يتقل بشكل تدريجي في منتهي الجمال ... هاتها بقي علي وضع سبورت بضغطه زرار من التاره و عيش حياتك!!!
جربت تقفل الازاز و تسمع صوت الماتور؟؟؟ اتحدي انك تكون سمعته؟؟ صوت الماتور هادي جدا و عزل العربيه رائع :tumb: والله لما سوقتها فكرني بعزل الليكزس و صوت ماتورها بدون مبالغا بس الليكزس افضل طبعا ...هاهاها
بشكل عام السيراتو الشكل الجديد فرقت كتير جدا عن الشكل القديم في كل حاجة بس لازم تجبها sx او بلاش منها خالص و قلتها احسن
اكبر مشكله بقي ان فانوس السيراتو sx الامامي الواحد سعره ٦١٨٠ جنيه قبل الضريبه يعني بعد الضريبه و التركيب يبقي ٧٠٠٠ جنيه!!! فانوس كوري و بالسعر ده نصب عالني!!! كمان الفانوس الخلفي القطعتين مع بعض معدين ٤٥٠٠ جنيه للفانوس الواحد!!! طب الواحد يركبها اذاي او يشتريها اذاي في البلد دي؟؟؟ العربيه رائعه لكن اسعار قطع الغيار في منتهي النصب ... قال و يقولك الكوري اسعار قطع غياره رخيصه!!!
انا عن نفس مبفكرش في السيراتو بسبب الاسعار الهبله دي و حشتري النترا فولي لودد موديل ٢٠١٢ عاملا ١٥ الف كيلو فقط من صاحبي ان شاءرالله و متفقين علي السعر خلاص بس هو مستني يجيب bmw 316 و ربنا يسهل
الله ينور
انا باحب المقارنات العمليه
عربيه امام عربيه
مش كوري واروبي
العربيه الجيده تكسب
طلعت كوري ياباني اوروبي هندي صيني
ايا كانت
واحد من اﻹخوة هنا جاب الزتونة فعلا .. العؤبية بتنزل هنا على مزاج الوكيل ... شيل abs ماشي ... شيل ايموبلايزر ميضرش ويا عالم بيشيل منها أيه كمان ... عشان كاميرا خلفية أنزل الصبح ألاقى عربيتى مسروقة بسبب ناس شغالة بدون مبدأ ﻷ شكرا .... انا كنت بخلص فى سبورتاج ورجعت فكلامى للسبب دة ... العربية الى تنزل على مزاج الوكيل متلزمنيش وأقعد ألف عالمنتديات أسأل يا ولاد الحلال فيها ايموبلايزر ولا ﻷ خصوصا فى بلد مش هتعرف تاخد فيها حقك لو بعد 100 سنة ... ربنا يباركلنا كلنا ويحفظ أموالنا وأنفسنا
انا افضل الفلونس لانها عربية اوربي وتكنولوجيتها عاليا جدا وعربية جميلة وتستحمل بس لو بتدور علي عربية تعيش معاك اما لو كنت هتبيع يعد فترة هات السيراتو
فلوانس اكيد
اوربي تاني!!! انا مش فاهم ايه علاقه الاوربي بالجوده و الاعتماديه ومين قال ان الاوربي احسن من الياباني و الكوري!!! طب ما انت عندك الميجان اوربي و اوبشن عاليا جدا و خامات كويسه و اعتماديه سيئه و مشاكل بالعبيط!!!
دا الفلوينس بقت افضل من الميجان بكتير لما بدات اللمسات الكوري تبقي فيها من شركه سامسونج و الفيس ليفت بنقول عليه احسن من الفلوينس القديمه علشان حطوا فيه ماتور و تكييف و فتيس مش اوربي :eek: سبحان الله !!! و كمان مجمعه في تركيا يعني لا حصلت اوربي و لا ياباني و لا كوري :Ka_che1[1]:
من الاخر اوربي يعني وجع دماغ و اعتماديه وحشه في جميع السيارات ما عدا الالماني و تحديدا مرسيدس و bm والامثله كتير:
الميجان اوربي و مشاكلها كتير و اعتماديه وحشه و الكليو مثله
الجيتا و الباسات اوربي و مشاكلهم كتير و اعتماديتهم وحشه
البيجو اوربي و مشاكله كتير و اعتماديته وحشه
بص من الاخر مفيش عربيه اوربي تقدر تديك ضمان ٥ سنين ذي الكوري ... عارف مبيعات الجيتا وقعت و كان ممكن التوكيل يرجع ثقه الناس فيها لو خلي ضمان الفتيس بس ٥ سنين مش العربيه كلها لكن التوكيل مقدرش يعمل اللي عملته توكيلات الكوري !!! حيفلس لو عمل كده و اخره سنتين و بس ... حتي ال bm ضمنها سنتين و مع نفسك :mahf(5):
لما كنت في قطر هوندا كانت عملا ضمان مدي الحياه علي الماتور و الفتيس لاي عربيه هوندا :tumb: !!! ايوه مدي الحياه مش سنتين ولا ثلاثه و لا خمسه!!! فهمت بقي يعني ايه اعتماديا؟؟
و احلي سلام للاوربي مدرسه التطوير و المشاكل و الاعطال.
عموما انا حوجع دماغي ليه!!! الاوربي احلي و يولع الكوري اللي حيجبلنا وجع القلب!!! :fun_36_3_4[1]:
الاوروبي اجدع نس
والله ياخي الكريم انا اعرف ناس
امكانيتهم الماديه ماشاء الله
ومنهم شخص كان معاه فولكس جيتا
بيقسم ان الانوس اللي كانت معاه قبل الجيتا
انه مش عارف يركب عربيات بعدها
طب ليه
يقولي تكييف والااروع من كده
عربيه مشاكلها بسيطه
مصاريف تشغيل لاتذكر
كانت بالنسبه ليه مكسب
لما ركب لجيتا قرفته في حياته بسبب الفتيس الخزعبلي
مصاريف صيانه رهيبه
وفي الاخر باعها بخساره
وركب النترا الجديده
الموضوع بالنسبه لناس كتير
مش انا راكب عربيه بلد صناعتها ايه
القكره العربيه يتقدم ليا ايه مقابل اللي اندفع فيها
طب ما الشاهين اوروربي
بلد الاصل ايطاليا
بلد المنشاء تركيا
وتجميع مصري زيها زي مرسيدس
من الاخر البلد دي مينفعش تكون فيها فكرة مظبوطة عن اى عربية
البلد اللى تخلي توكيل يغير اسم موديل من اكسنت لفرينا
البلد اللى طرقها تمنع اى عربية كويسة تبقى كويسة
البلد اللى الميكانيكية اللى فيها بيولفوا اى حاجة ويلعبوا فى اى حاجة
على فكره الراجل مجبش سيرة إعتمادية خالص و اللى يقولك الأوروبي فيه أعتمادية يبقى مركبش أوروبى، الراجل قال أوروبى و تكنولوجيا و عربية جميلة
طبعا لو هنتكلم على إعتمادية يبقى اليابانى و خصوصا هوندا و بعدين الكورى و لكن ليس الأوروبي....يمكن الحاجة الوحيدة الأعتمادية فى الأوروبي هى قطع غياره أنك لما بتركب الأصلى بتقعد كتير فى العربية
الأوروبي فيه ميز لا يستطيع عاقل أن يغفلها زى الثبات و العفشة و عوامل الأمان و التصميم و التكنولوجيا اللى سابقة الأسيوى بمراحل....يعنى الميجان لما نزلت فى ٢٠٠٥ كنت بقارنها بالألنترا و التويوتا و كأنك بتقارن كابينه طياره بكابينه توك توك و لكن رغم كل هذا لا تحدثنى عن الأعتمادية و أنا متفق معاك و بأدفع تمن الرفاهية اللى أخترتها بصدر رحب زى أى واحد أختار يركب أوروبى للأسباب دى....إلا لو مكنش فاهم هو راكب أيه و سواقته مش على طرق محتاجه كل هذا و لا فارق معاه الرفاهية يبقى أكيد زى ما زميلنا وضح هيفضل اللانوس على جيتا علشان أعطالها بسيطة و مصاريف إصلاحها بسيطة.......
لا حظ أن كيا و نتيجة ضعفهم فى التصميم الخارجى للسيارات (أفتكر شكل السيراتو القديمة اللى هى شكلين قبل الموجود هتفهم قصدى) أستعانوا بمصمم أوروبى من شركة أودى و ده اللى عملهم طفره فى التصميم و خلا شكل السيراتو الجديد منافس و خلوه رئيس قسم التصميم فى الشركة و هو كمان اللى صمم الألنترا الجديدة....
أهم حاجة كل واحد يفهم هو عايز أيه و يشترى الحاجة اللى تناسب متطلباته و مصاريفه...مش مسألة أوروبى و أسيوى
الفلونس ....... اثبت فى السرعات والمنحنيات
السيراتو ....... اكثر امكانيات
الفلونس ....... ذات قطع غيار معمره
السيراتو ...... سريعة البيع
انا شخصيا اؤيد الفلونس اكثر لانها تعطي الراكب الامن والراحه والقوه المطلوبه واقل استهلاك للبنزين