اوبل فيكترا ام كورسا للشراء

**mooonlight** · 24-10-2013 11:24 PM

السلام عليكم :)

يا جماعة انا عايزة اجيب عربية ودي اول مرة وعلشان تبقى حاجة نظيفة اخترت اوبل
بس اولا انا محتارة بين اوبل كورسا 1998 او 1999 و بين اوبل فيكترا برضه 1998 او 1999
ياريت تفديوني اني احسن لاني لاحظت اسعارهم قريبة من بعض

تاني حاجة انا محتارة مانيوال ولا اوتوماتيك مع العلم الميزانية بتاعتي 40000 كحد اقصي واني عايزة ابقى بعرف اسوق اي حاجة مش اوتوماتك اللي هي مش سواقة اصلا..

شكرا جدا ومنتظرة الردود :)

**saddam** · 25-10-2013 02:28 AM

صديقتنا المواطنة
طبعا الفيكترا قولا واحدا أفضل من الكورسا بسنين ضوئية ولكن المشكلة فلوسك الوطنية مش حتجيبلك حالة نظيفة لازم تزوديها كام مليون قرش وبالتوفيق وإلى اﻷمام ومن نصر إلى نصر
ودمتم للنضال

**Hesham.H** · 25-10-2013 02:36 AM

٤٠٠٠٠ بصراحه مش هايجيبوا فيكترا اللى تريحك .. وهاتبقى عاوزه شغل مش هاتقدرى عليه .. ممكن الكورسا تبقى افضل من وجهه نظرى ومش عارف بصراحه الكورسا فيها اتوماتيك ولا ايه
وموضوع اتوماتيك من مانيوال بتبقى على حسب راحه اللى هايسوق .. بس لو فى القاهره يبقى لازم انصحك باتوماتيك عشان الزحمه متعبه جدا فى الفتيس المانيوال عن تجربه عشان عربيتى مانيوال بعكس الطرق المفتوحه اللى بيكون رائع فيها
تحياتى

**loda80** · 25-10-2013 03:27 PM

40000 ألف يادوب فيكترا 95 حالة معقوله

**احمد فهمى** · 27-10-2013 02:48 AM

ممكن تجيب فيكترا a تدور على حاله كويسه هتكون تحت ال40 ودى افضل من الكورسا لأن ال40 صعب تلاقى فيكترا b سليمه

**Mamoud salah H** · 28-10-2013 04:01 AM

اظن بالنسبة لحضرتك ولمعظم البنات او السيدات بيفضلوا العربية تكون هاتشباك صغيرة وبناء علي كدة انا ارشح الكورسا بس للعلم مفيش منها اوتوماتيك

النقطة التانية ان المبلغ الي مع حضرتك ميجيبش فيكترا 1998 حالتها حلوة بالعكس هتكون عايزة مصاريف مش قليلة +انها كبيرة اوي علي بنت

**hilal** · 28-10-2013 07:04 AM

اسمحي لي أن أختلف مع الزملاء
أنا شايف ان الاوبل المستعملة لا تصلح للسيدات لأنها هتتعب مع صنايعية أوبل لأن كلهم دكاترة ومتنعنطزين
كما أنها لن تستفيد من أهم مميزاتها مثل الثبات على السرعات العالية
وكل السيدات لا يحبون السرعات العالية
أعتقد لو ياباني أو كوري أو حتى صيني ستكون سيارة مناسبة طالما مستعملة
مع تحياتي

**a_mokhtar** · 28-10-2013 07:16 AM

كورسا أنسب عربية أوبل للبنت

**loda80** · 28-10-2013 07:12 PM

المشاركة الأصلية كتبت بواسطة احمد فهمى

ممكن تجيب فيكترا a تدور على حاله كويسه هتكون تحت ال40 ودى افضل من الكورسا لأن ال40 صعب تلاقى فيكترا b سليمه

مع كامل احترامى لرائيك يا أحمد بس انا رحت السوق الجمعه اللى فاتت وشفت أوبلات a بس مشنات والبارومة وكلاها دا غير مشاكل فى الموتور أغلبهم التكييف مش شغال وبيطلبوا فى أواخر التلاتينات أنا رايي الشخصى فيكترا ايه نظيفة (بدون مشاكل على الاطلاق) من 40 الى 45 فيكترا بى 1 نظيفة من 50 الى 55 وتقبل تحياتى