تعريق زيت على الموتور من تحت .. إيه الأسباب ؟؟؟؟

**Hesham.H** · 27-10-2013 08:43 PM

عندى المكنه بتعرق زيت من تحت .. ولقيت المصفحه عليها زيت وتحت طرمبه الباور بشويه على ايدك الشمال وانت وشك للموتور
الزيت مش بينقص الحمد لله والتعريقه دى من ساعه ما جبت العربيه .. وبغسل العربيه وتظهر تانى بعدها بمده
وزيت الباور الحمد لله مش بينقص برضو
بس عاوز اعمل المشكله دى نظافه مش اكتر ... واحد ميكانيى اعرفه شافها النهارده وقالى غالبا جوان كارتيره
وقالى جوان الاوبل بيبقى ناحيه صاج وناحيه كاوتش وتقريبا عندى واحد أصلى هادورلك عليه
مش عارف ايه الصح اللى يتعمل فى الحاله دى
جوان جديد ولا استيراد ولا كارتيره كامله بجوانها استيراد او جديد ؟!!

مستنى ردودكم الكريمه

**فادى محمد** · 27-10-2013 08:58 PM

لو الزيت عندك جاي من الموتور (الكارتيره) يبقي قدامك حاجه من 2 ..
1- تغير الجوان الكاوتش بس (علي شكل حرف u داير مايدور الكارتيره ) وده
ممكن تجيب نوع كويس والزيت يمنع احسن نوع جلاسير اسباني ب75ج
2- هتغير حاجه اسمها صفيحه (بين جسم الموتور من تحت وبين الكارتيره )
عليها طبقه كاوتش مصبوبه ودي زي الاصلي بس سعرها غالي في التوكيل ب380ج
وفي منها بره برازيلي ب260ج - الاستيراد مش عارف مش مضمون لان انت عارف
الحراره عندنا بتبقي عاليه تحياتي

**Hesham.H** · 27-10-2013 10:56 PM

المشاركة الأصلية كتبت بواسطة فادى محمد

لو الزيت عندك جاي من الموتور (الكارتيره) يبقي قدامك حاجه من 2 ..
1- تغير الجوان الكاوتش بس (علي شكل حرف u داير مايدور الكارتيره ) وده
ممكن تجيب نوع كويس والزيت يمنع احسن نوع جلاسير اسباني ب75ج
2- هتغير حاجه اسمها صفيحه (بين جسم الموتور من تحت وبين الكارتيره )
عليها طبقه كاوتش مصبوبه ودي زي الاصلي بس سعرها غالي في التوكيل ب380ج
وفي منها بره برازيلي ب260ج - الاستيراد مش عارف مش مضمون لان انت عارف
الحراره عندنا بتبقي عاليه تحياتي

الف شكر على الشرح الوافى يا معالى الباشا ... وان شاء الله هامشى الخطوات اللى قلتهالى واحده واحده
تحياتى

**Hesham.H** · 28-10-2013 07:25 PM

النهارده حليت المصفحه وطبعا لقيت الكارتيره عليها زيت كتير ... والزيت كله جاى من الجوان وبدأت اقرط على المسامير
الناحيه اللى ورا يعتبر ماجبتش ربط خالص انما من قدام كانت بتربط وكل مسمار لف مره كامله على الاقل .. بس للأسف مسمار اتقطم وانا بربط مع انى ما قرصتش عليه خااالص
ايه الحل فيه ده

**فادى محمد** · 28-10-2013 11:23 PM

الحل في عده اسمها ايزي اوت ..بنطه بتلف العكس
Screw extractor | easyout | broken bolt removal - YouTube

**فادى محمد** · 29-10-2013 08:24 AM

طالما هتحل الكارتيره يبقي خلص شغلك بقي مره واحده ..لانك هتفك المصفحه وصاجه جانبيه (بيسموها الموزه)...
هات الجوان الاسباني (جلاسير) وركبه بالمره (بعد تنظيف اثار الكاوتش القديم من علي الصاجه) السليكون مابينفعش مع الاوبل!! حاول تغير مسامير الكارتيره تقريبا 10 مسامير مقاس 10 ملي بنوع تاني اقوي لانهم ضعاف جدا. بعد ماتفك الكارتيره هتظهر قدامك طرمبه الزيت , تمام ,خلي الميكانيكي ينظف المصفه تاعتها المره. ربنا معاك