الموضوع: نصيحة بخصوص لادا 2110 موديل 2006

العربية ال 2006 دى متجمعه فى مصر ومكيفة تكييف بلدى يعنى بارد بس وعلى الهوايات الامامية الاربعه بس ومفيش ضبط حرارة (من غير ثرمسوستات) وعامود كامة واحد 8 صباب عكس الروسى كان عمودين كامة و16 صباب وطبعا قدرة اقل
العربية قوية ومريحة وثبات على الطريق وقطع الغيار موجوده فى اماك معينه وسعرها معقول بالنسبة للجديد يعنى مش رخيثه زى اللادا ال 2107 ومش غاليه زى الكورى واليابانى -متوسطة
العربيه المفترض مش بتسخن وفى حالة السخونه فى تعديل معين انا عملته من غير ما الغى حاجهوبضحك بيها على الكمبيوتر من غير ما ينور لمبه عطل -ممكن ابقى اعملهالك لو احتجت
وانا بعت عربيى كانت 2004 وعامله 90 الف كيلو ومش مكيفه لانها روسى ب 31 الف من سنتين وال 2006 لو نضيفه هتكون فى رينج ال 35 الف
وبالتوفيق

بص حضرتك خلينى اجاوب من الاخر للاول
ال 2107 فى نظرى ومع احترامى لكل مالكيها لا تفرق عن صندوق نقل الموتى انما ال 2110 سيارة اوروبية حديثة
بالنسبة للعفشة ممتازة وثبات فوق الوصف وانا سافرت بيها فى المطرة على طريق شرم ووصلت لاول مره فى العربية دى ل 180 كيلو ايام الثورة >شهر ابريل والمغرب اذن وانا لسه على الطريق وطبعا مرعوب<
بالنسبة لاعطالها فانت ونصيبك
انا كانت مشكلتى اللى ملهاش حل ولا فى التوكيل ولا عند الميكانيكية الفرامل وعملت حادثة جامده بسببها بس بفضل الله العربية حديد دمرت كام عربية تانية وهيا يادوب كلفت 2000 جنيه ومغيرتش غير مساعد وصلحت جنوط وسمكرت بابين ورفرف -لو الحادثة دى فى عربية تانية كانت العربية بقت اهلاك كلى
التوكيل بدأوا يفهموا فيها بطريقة معقوله لكن انا شايف انه توكيل فاشل لانه بيدار بطريقة عسكرية وكأنهم لسه فى الجيش وحاجه تقرف ولولا انى اعرف اللواء حسن سليمان وولاده وكل مره بتخانق مع العميد احمد مكنتش حق ولا باطل
وكمبيوتر الاعطال طبعا مفيد ككماليات بس اغلب العربيات فى السوق وعند اصحابها عندهم اللمبات كلها منورة ومش فارقة معاهم- انا بصراحة عربيتى كانت فورة لانى بشتغل فيها بنفسى وبقف عليها جوا التوكيل رغم انف التخين
ارجوا اكون وضحت