الموضوع: و تتجدد الحيرة بعد ظهور مرسيدس b180..أشتري b180 و لا بيچو ٥٠٨

جماعة هو ايه الفرق مابين ال b200 و b180

المشاركة الأصلية كتبت بواسطة mahmoud_afifi

الb180 حلوه بس الموتور هيكون اقل من ال508. لو b200 هيكون نفس الhp للعربيتين 156 hp. رأيي ال508 تكسب .
واحد جاري لسه جايب ال508 الهايلاين عشان فتحة السقف والجنط اكبر وشكله احلى كتير من الفئه الاقل.
و اشيك لونين فيها الpearl white والاسود

نفس القوة الحصانية 156 حصان للعربيتين إنما التسارع يفرق بين العربيتين عشان الـb اخف من الـ508 فتسارع الـb للـ100 في 8.4 ثواني .. الـb تكسب

- الحق يتقال يا شباب بصرف النظر عن ملاك العربيتين بس المرسيدس تكسب في كل حاجة إلا الاوبشنز وبعدين الـb شكلها الحالي اجمل من القديم بمرااااااااااحل

- هو في احتمال 80% ان الـ508 تكون افضل في إعادة البيع عشان موضوع العربيات الصغيرة والسيدان

عموماً هات اللي انت مرتحلها طلاما انت ناوي تبيع بعد 5 - 6 سنين يعنش حتكون خدت إللي انت عاوزو من العربية ومش حتفرق معاك البيع

إنما لو انت بتغير كل سنتين او 3 سنين كدا الكلام يختلف ... هو في حاجة حلوة في الـb حتى في اول فئة حتلاقي فيها 9 ايرباج

المرسيدس لا تقارن بأي عربية تانية مهما كانت ف لو حطيت مرسيدس في المقلرنة يبقا توكل على الله و متبصش في اي حاجة تانية و ال b عربية واسعة و مريحة و امان عالي جدا و ليها رونق يدوم لسنوات

المشاركة الأصلية كتبت بواسطة Marwan yahya

جماعة هو ايه الفرق مابين ال b200 و b180

ال b 200
156 حصان
ال b 180
122 حصان
ماعرفش إيه الفروق التانية

من رايى تبص على سيتروين c5 او ds5

المشاركة الأصلية كتبت بواسطة drmemo80

من رايى تبص على سيتروين c5 او ds5

هي طبعاً عربيات محترمة جداً ..بس مافيش فرق بينها و بين البيچو علي حد علمي غير إن البيچو سوقها أحسن في مصر
علشان كده مافكرتش في السيتروين
و شكراً علي مشاركة حضرتك

إجابة مختصرة لو بتميل للإقتصادية توكل على الله وهات الـ508

لو بتميل لثبات ومتعة قيادة اعلى هات الـB لو ليك يعني في السرعة والمنحدرات والكلام دا ساعتها الـB حتكلبش جامد معاك

ولو اني افضل البيجو لغرض إني لا احبّذ الفئات الاولية من العربيات يعني مش بشجع الـB إلا لو كانت اعلى فئة

- وعلى فكرة ياباشا البيجو 508 اداء محترم جداً وهي افضل عربية في الفئة السعرية بالنسبة للعربيات الهايلاين

وبرستيج عالي جداً وفخامة ملهاش حل والإنتريور بتاعها من اجمل وافخم الإنتريورز او المداخل الموجودة في العربيات وتحدي

عموماً يا باشا واضح انك بتفكر في عربية في حدود 200 - 300 الف ولو انا غاوي اداء وتسارع عالي جداً وثبات محترم مش حفكر غير في الـ118i سبورت

او ممكن الجولف 7 هايلاين بتنزل بتجهيزات عالية جداً لو حتعتني وتحافظ كويس على الـDSG وتعمل اللازم في معاده والحاجات دي كلها بتمثل متعة القيادة بجد

واقوى عربية بتمثل الفخامة في الفئة السعرية دي هي البيجو 508 من غير كلام ولا عناد وحتنبسط من العربية دي .. لو نويت دور على اللون دا محترم اوي :





- السيتروين سوقها واقف في مصر واعادة البيع اظن حتبقى سيئة عن البيجو المسمعة

- على فكرة في حاجة كمان ممكن تشاور عقلك لو عجبتك, انت ممكن تحط فلوسك في BMW مستعمل ( في حدود الـ200-250 الف)

حتبقى حاجة مش قديمة اوي 2010 او 2011 يعني ممكن 320i ودي حتكون احسن من الفئة الخامسة عشان لو نويت على الفئة الخامسة حتبقى موديل قديم وانا منصحش بكدا

ربنا يوفقك إن شاء الله ... في امان الله