الموضوع: غسيل دورة التبريد

المشاركة الأصلية كتبت بواسطة mohamedmaree91

هات 2 جركن مياه خضرا ايادا وكانزية ابرو مضاده للصدأ وروح محطة شل البحر الاعظم او احمد عرابى المهندسين يغسل الادوره غسله تمام ب25 جنيه

ممكن شرح لكانزية ابرو دي استخدمها ازاي وامتي واسيبها اد ايه ولا في البنزينة هيتعامل هو
بالنسبة للبنزينة انا من اسكندريه

المشاركة الأصلية كتبت بواسطة zarif

فية انك تروح لواحد بتاع ريداتير او مركز متخصص ريداتير يعملهالك

وفية انك ممكن تعملها بنفسك عن طريق الاتى :

1 - هتنزل المية اللى الدورة
2 - هتحط زجاجة خل مع مية من الحنفية جديدة وتغسل الدورة وتمشى بالعربية يوم عشان المية تسخن
3 - هتنزل المية كلها بالخل
4 - هتحط المية الخضرا

بس الاول اتاكد ان مفيش اى تسريب فى دورة التبريد

100 100 بس لو فيه طريقة اتأكد بيها ان دورة التبريد مفيهاش تسريب يبقي كتر الف خيرك
الماية عندي بتنقص بسيط جدا كدة يبقي الدورة سليمة ولا ايه
ومعلش سؤال تاني
هنزل الماية كلها بالخل ازاي ؟
افضل ازود في ماية خضرا لحد ما الماية اللي نازلة من الخرطوم الاقي لونها اخضر مثلا يبقي كدة الماية بالخل نزلت ولا فيه طريقة تانيه انزل بيها الماية كلها

المشاركة الأصلية كتبت بواسطة crazydeepman

زي مقال ظريف او باقي الناس بس خلي بالك لاني ممكن الصدأ وصل لمرحله انه اندمج مع جسم الدوره ولو شيلته بيقلل من سمك المواسير فتلاقي عماله تضرب كل شويه لاني كانت بتحصل معايا في العربيه الاولى عشان قعدت فتره كبيره جدا شغاله بميه الحنفيه

يعني اسيبها بماية حنفية ولا احط ماية خضرا من غير ماانضف دورة التبريد ولا ايه الحل
انا بقالي بماية حنفية حوالي 8 شهور وملاحظ ان فيه صدا في الماية بس الماية بتنقص بسيط جدا كل فترة

وبالنسبة للماية الخضرا اشتري نوع ايه وتركيز كام وبكام علشان ميتضحكش عليا في السعر
اشتري من كارفور ولا من بنزينة ارخص واضمن ؟