استفسار بخصوص الميجان 2005

**manchestr** · 26-10-2013 08:22 PM

اولا السلام عليكم
انا انشاء الله بخلص فى ميجان 2005 و روحت كشفت فى مركز فى صقر قريش حط العربيه على كمبيوتر و قعد ربع ساعه و بعد كدا قالى الفتيس تمام و المتور تمام و الايرباج مفتحش بس شريط الايرباج مقطوع ..السؤال هنا بقا انى حاسس ان الكشف اى كلام ولا الكشف كمبيوتر هوه كده يا ريت حد يفدنى

و انا اسف للاطاله العربيه من جوه متهانه شويه فرش الباب الكراس الكلاام دا متهربد الكلاام دا يتلم ولا مالوش حل ارجو الافاده

**proff** · 27-10-2013 12:24 AM

المشاركة الأصلية كتبت بواسطة manchestr

اولا السلام عليكم
انا إن شاء الله بخلص فى ميجان 2005 و روحت كشفت فى مركز فى صقر قريش حط العربيه على كمبيوتر و قعد ربع ساعه و بعد كدا قالى الفتيس تمام و المتور تمام و الايرباج مفتحش بس شريط الايرباج مقطوع ..السؤال هنا بقا انى حاسس ان الكشف اى كلام ولا الكشف كمبيوتر هوه كده يا ريت حد يفدنى

و انا اسف للاطاله العربيه من جوه متهانه شويه فرش الباب الكراس الكلاام دا متهربد الكلاام دا يتلم ولا مالوش حل ارجو الافاده

حسب السعر اللي يهين الصالون اكيد هاين الموتور و الفتيس و المشاكل بتظهر مع الاستعمال يعني حضرتك تتفق مع البايع انك هتعدي عليه يوم ما يكونش دور العربيه وتروح حضرتك تدور و تضرب مشوار سخن في الزحمه هيكشفلك كل حاجه في العربيه وبعدها تطلع تكشف بالجهاز و ياريت يكون الكلام ده الصبح بدري العربيه ما يبانش مشاكلها غير في الزحمه و اغلب مشاكل الفتيس بتظهر الصبح و العربيه بارده

**manchestr** · 27-10-2013 02:44 AM

انا كشفت يا باشا و ضربنا مشوار من مدينه نصر للحرفين للمعادى صقر قريش و قالى الفتيس و المتور تمام و الايرباج مطلعش بس الشريط بتاع الايرباج بايظ مع العلم ان الكلاكس واطى جدا جدا و الكشف دا كان فى صقر قريش العربيه من جوه الفرش بس بتاع البابين الى قدام و الكرسين الى قدام هما المتهانين كل حاجه تمام انا سؤالى فيه حل للفرش و البابان و الكشف فى صقر قريش كفاءه ولا اى كلام

**proff** · 27-10-2013 02:39 AM

المشاركة الأصلية كتبت بواسطة manchestr

انا كشفت يا باشا و ضربنا مشوار من مدينه نصر للحرفين للمعادى صقر قريش و قالى الفتيس و المتور تمام و الايرباج مطلعش بس الشريط بتاع الايرباج بايظ مع العلم ان الكلاكس واطى جدا جدا و الكشف دا كان فى صقر قريش العربيه من جوه الفرش بس بتاع البابين الى قدام و الكرسين الى قدام هما المتهانين كل حاجه تمام انا سؤالى فيه حل للفرش و البابان و الكشف فى صقر قريش كفاءه ولا اى كلام

الفرش و الكلام ده مقدور عليه وتجيبه من صقر قريش ممكن تجيب الفرش للببان والكرسيين كامليين وشريط الرباج مقطوع في معظم العربيات والكلاكس ده طبيعته
المهم كشف الكومبيوتر في صقر هايل مش هيختلف عن اي مكتن تاني