اقتباس المشاركة الأصلية كتبت بواسطة friendship7897 مشاهدة المشاركة
أولاً أنا دخلت الموضوع علشان ليا تجارب في مواقع الجواز ، ولقيت مشاركات كتير عجبتني ، ومشاركات كتير ضيقتني ، وترددت كتير في المشاركة ، لكن قولت أوضح وجهة النظر الأخرى :

مش علشان هي وحشة بتدور على النت - لأ - هو فيه ميزة لمواقع التعارف والزواج من النت أو المنتديات أنه مفيد للخجولين اللي يقدوا يتكلموا بحرية أكتر من غير خجل لعدم التواجد المباشر مع الطرف الآخر ، ودا المفروض يكون سبب صراحة ومصداقية اكتر من الطرفين ، وكمان ( في حالة المطلقات ) بتكون مش معلنة طلقها في مجال شغلها أو كثير من معارفها حتى لا يطمع بها أحد ، فبيكون عدد معارفها أو فرصها في الزواج قليل ، فبتحاول تزيد من معارفها لعلها تجد ضالتها .






ربنا يوفقك ويهدي سرك ويجعل ما فعلته في ميزان حساناتك
اقتباس المشاركة الأصلية كتبت بواسطة friendship7897 مشاهدة المشاركة
ومن فوائد الزواج من المطلقة إن
· المطلقة بتحرص على إنجاح زواجها الجديد علشان تحافظ على سمعتها بين أهلها ومعارفها .
· المطلقة حد جاهز عاطفيا لأنها عانت ومرت بتجربة صعبة و أكيد عايزة تنسى طليقها لو كانت تحبه او تكرهه برجل يستهالها .
· المطلقات غالباً متعقدين من الرجالة و من الجواز وعندهم صدمة نفسية علشان كدة الرجل الذكي ممكن يستغل هذه العقدة فيأعادة بناء الثقة في نفسية زوجته و ترتيب أفكارها وتحسسها بالأمان و زرع الثقة في نفسها و هذا العلاج لا يمكن ست أن تنساه أبدا
· المطلقة في الغالب تعرف تدير شؤون بيتها لأنها كانت ربة منزل .
· المطلقة في الغالب عندها خبرة في الحياة أكثر من البنت و هي في الغالب أكثر حكمة فمصيبة الطلاق تجعل المرأة أكبر من عمرها الحقيقي بعشر سنوات على الأقل .
وللمشاركين اللي بيلفظوا بكلمات مسئية للمطلقات - من فضلك تذكر النبي صلى الله عليه وسلم الذي كان بكراً وتزوج بأمنا خديجة رضي الله عنها وكانت ثيباً



أيه التناقض دا في حوارك يا prof2013
أنت نفسك مش عارف عايز أيه ؟
صحيح المطلقة فيها عيب - لكن العيب دا ميخلكش تطلق عليها اللفظ دا - لأنك مش رايح تشتري عربية - دي أنسانة وليها ظروفها اللي خلتها فيها العيب دا .
وبما اننا في منتدى سيارات - ولو أفترضنا أنها عربية - فتأكد أنها لو عربية غالية هتفضل غالية حتى ولو مخبوطة .
فأتقي الله في ألفاظك حتى يجعل الله لك مخرجاً ويرزقك من حيث لا تحتسب .
وتجربتي في المواقع دي لأن تم طلاقي وأنا عندي 24 سنة ومعي طفل وما كنتش معلنه طلاقي في مجال عملي - وللأسف إن أغلبية الرجال اللي بيدخلوا المواقع دي بيكون عايز يعمل بعض التغيير في روتين حياته الزوجية اللي أصبحت ممله إلى نفوسهم علشان الروتين والثبات على نظام معين ، ودا بيخليهم يتكلموا مع البنات اللي على موقع الزواج ( أو المطلقات والأرامل ) ويوعودعم بالزواج مدعين أنهم مش متزوجين أو متزوجين وتم الطلاق أو منفصلين عن زوجاتهم لأي سبب من الأسباب ، وفي الوقت دا البنات البرئيات ( والله أعلم ) بتصدق كلمهم وتبدأ علاقة تليفونية اللي في الآخر بتصل الزيجة المنتظرة إلى فشل علشان الإداعاءات الغير حقيقة من بعض الرجال.
أنا شخصياً بعد إشتراكي في بعض المواقع دي - لاقيت الأغلبية العظمى كدابين ، وفي الآخر أتجوزت جواز صالونات عن طريق المعارف ، والحمد لله .

اجرى يابن آدم جرى الوحوش غير رزقك لن تحوش


والله الموفق





أهلًا بحضرتك ربنا يوفقك في حياتك يارب

أنا بس عندي ملاحظة على موضوع ( فيها عيب ) و ( عربية مصدومة )
المصطلحات دي إستخدامها مش صحيح
بناءً على كدا جميع المطلقات والأرامل و الكبيرات في السن فيهم عيب
وبناءً على كدا جميع الرجال المطلقين والأرامل والكبار في السن فيهم عيب
ومين اللي مفهوش عيب ؟ البنت اللي عمرها من 18 لـ 23 سنة ولم تتزوج
يبقى على كدا الغالبية العظمى من البشر ( معيبين ) والباقيين هيحصلوهم كمان شوية !
فيه ( حالات ) و ظروف بيمر بيها ( كل البشر ) هوا وضعه وظروفه كدا
دا ميخليش فيه عيب
هيا دي الحياة ببساطة !
الناس بتختار اللي يتوافق معاها و مش إختيارك من عدمه إلا هيحدد إذا كان الإنسان دا معيب أو مش معيب

العملية ( توافق ) مش تصنيف للبشر

عمومًا النقاط اللي حضرتك وضعتيها لفوائد الزواج من مطلقة يمكن موجودة عند الست اللي عاصرت الحياة
- لكن التعميم مش صحيح مش كل المطلقات كدا-
في مسألة إدارة البيت و الحكمة ( يمكن لو كبيرة وعاشت سنوات زواج )
دا ماينطبقش على اللي عاشت شهر أو شهرين زواج وإنفصلت أو سنها صغير
بتبقى مطلقة وفيها نفس سلبيات البنت من طيش وعند لكن حالتها إختلفت فقط !
عمومًا النساء دماغهم وحدة - أنا آسف عقل المرأة صغير - في كل حالاتها
في النهاية برضو الإختيار مش بيكون بناءً على تصنيف البشر عشان ندي كل فئة فوائد ومميزات

مفيش حد بيقول أنا هتزوج مطلقة أو أرملة أو بنت
هيا إنسانة شايفها الشخص مناسبة ليه بيتقدملها وهيا وظروفها بقى ( مش العكس )
يعني بيكون إختيار للإنسانة نفسها ( مش سعي لتصنيف معين )