فتيس البيجو 301

**sherif_ali** · 27-10-2013 03:40 PM

صباح الفل علي الكل
إن شاء الله حاجز بيجو 301 high line . في التوكيل قالولي ان الفتيس والتكييف ياباني ... انا قلبت النت علي نوع الفتيس دة ... لقيت ناس بتقول EGC وناس تانية بتقول CVT وناس تالتة بتقول فتيس عادي ... ارجو الافادة ... وكمان قريت بعض الاراء ان الفتيس مش منسجم مع الماتور ... ويمكن دة اللي بيخلي الصوت عالي في بعض الاحيان .... طبعا انا بكلم علي الفتيس الاوتوماتيك ...

**medori** · 27-10-2013 05:27 PM

أولا مبروك الحجز و تستلم على خير إن شاء الله
الفتيس تيب ترونيك 4 سرعات، ممكن تمشى بية مانوال او اوتوماتيك و لا هو اوتوماتيك عادى ولا هو CVT، فى موضوع فى الورشة تقريبا عن الفرق ما بين الاوتوماتيك العادى و الCVT و التيب ترونيك و كمان الeasy tronic بتاع الاوبل و الفيات. هحاول الاقيهولك عشان كان موضوع مميز فعلا.
يعنى اية بقى الفتيس مش منسجم مع الموتور دى؟!! دى جديدة لانج عليا بصراحة !! واضح ان اى عربية فرنساوى لازم تاخد اشاعات بعدد نجوم السما، فكرتنى بايام الاشاعات اللى كانت بتطلع على الميجان ايام ما كلنوا بيقولوا الكمبيوتر بيخلى العربية تقلب لوحدها و لازم لو زودت الكاوتش هوا تروح التوكيل عشان يعرفوا على الكمبيوتر.
مفيش اى حاجة فى الفتيس، الفتيس دة تطوير و تحديث مباشر للتيب ترونيك ال4 سرعات اللى بينزل فى كل العربيات الفرنساوى تقريبا من 2002
الجديد فعلا ان الكمبروسور بتاع التكييف نازل يابانى على غير العادة فى العربيات الفرنساوى لأن العربية دة عاملين حسابهم فى تصميمها أن سوقها الأول الشرق الأوسط فواخدين بالهم من حتة التكييف دة

**medori** · 27-10-2013 05:35 PM

راجع يا فندم الموضوع دة
http://www.nilemotors.net/Nile/62114-a.html
و فى موضوع تانى اجمد منة اتمنى اعرف الاقية

**sherif_ali** · 28-10-2013 08:19 AM

اولا .. الف شكر علي الرد ... بس انا كنت عاوز اعرف الشركة المصنعة للفتيس و اية انواع العربيات الاخري اللي فيها الفتيس دة ... علشان نعرف اداءة يعني ...
ثانيا ... علي موضوع الانسجام :) ... انا قريت بعض التقارير اللي بيقولي فيها الكلام دة .... ودة سبب سؤالي في الاساس عن الفتيس .. لينكات التقارير دي ... ياريت تقولي رايك برضو لو سمحت

2014 Peugeot 301 | Motoring Middle East: Car news, Reviews and Buying guides
Is the Peugeot 301 the perfect starter motor? - wheels.ae

**medori** · 28-10-2013 11:06 AM

المشاركة الأصلية كتبت بواسطة sherif_ali

اولا .. الف شكر علي الرد ... بس انا كنت عاوز اعرف الشركة المصنعة للفتيس و اية انواع العربيات الاخري اللي فيها الفتيس دة ... علشان نعرف اداءة يعني ...
ثانيا ... علي موضوع الانسجام :) ... انا قريت بعض التقارير اللي بيقولي فيها الكلام دة .... ودة سبب سؤالي في الاساس عن الفتيس .. لينكات التقارير دي ... ياريت تقولي رايك برضو لو سمحت

2014 Peugeot 301 | Motoring Middle East: Car news, Reviews and Buying guides
Is the Peugeot 301 the perfect starter motor? - wheels.ae

الفتيس اصلا تصميم شركة بورش الالمانية، مصنع فين دلوقتى مش عندى المعلومة دية الحقيقة، زى ما قلت لحضرتك الفتيس التيب ترونيك ال4 سرعات موجود فى كل العربيات الفرنساوى اللى فى فئة ال1600 cc و عربيات تانية برضة، خد عندك:
سيتروين C4
مازدا 3
هوندا سيتى ال 1500 سى سى
الأوكتافيا A5
و ال BMW الفئة الخامسة (2007) مش عارف ال 320 فيها ولا لأ
البيجو 307 و 308
رينو ميجان II و سينيك
فورد فوكاس
الجولف و الجيتا 2007 مش عارف دلوقتى فيهم اية

انا قريت الreviews اللى حضرتك حطيتها و هى صح فعلا، بس تقييمهم ان شايف ان هو قاسى شوية، كلمة عدم الانسجام دية كبيرة، هم بيشتكوا mainly من ان الفتيس 4 غيار بس و دة بيخليك تبقى على الغيارات فترة اطول شوية من لو كانت 5 غيارات و دى حقيقة و بالذات فى الرابع مثلا اللى ممكن تجيبة على 70-80 و تعد علية لحد ال190 بس صدقنى الكلام دة مش هيفرق معاك كتير عندنا فى مصر، انا سواقتى كلها دائرى و انا جراى بطبعى بس نادرا ما بعرف اعدى ال160 - 170 و اغلب الاوقات بوصل لل140 بالعافية، الطرق عندنا وحشة جدا و بأمانة العربية اخرها stability و انت مطمن 130 بعد كدة بتبقى مراجيح و بالذات و انت معدى قريب من نقل مثلا على 160 او اعلى بتحس بتفريغ الهوا بصورة واضحة و الكلام دة مكتوب فى الreview الاولانى بصورة واضحة جدا "
But beware; faster-moving highway traffic will blow you away like the big bad wolf."
من الاخر هى عربية مناسبة جدا لل in town و بالتالى هى مناسبة جدا لمصر عشان حتى الhighways بتاعتنا تعبانة آخر حاجة و هى اصلا مصممة لدول العالم الثالث و روسيا و بتمن مناسب للأماكن دى فمينفعش تطلب من العربية اكتر من كدة، امكانياتها مناسبة جدا لتمنها الصراحة