عيوب الفلوانس الفيس ليفت .. ال فئة 188

**Mohamed.Hany** · 28-10-2013 01:34 AM

المشاركة الأصلية كتبت بواسطة Ahmed A.Maksoud

مين اللى قال كده (مع أني مش عارف trc دي يعني أيه بس متوقع أنها تراكشن كنترول)؟

العربية فيها ABS, EBD & BAS (Brake Assist System)

من موقع رينو مصر

Renault - equipment

ايوة يا فندم مفيهاااااااش esp وﻻ trc اللي هو traction control وﻻ حتي في الهاي لاين، معلومة مؤكدة ملييييييون في المية

**Ahmed Selim** · 28-10-2013 09:44 PM

المشاركة الأصلية كتبت بواسطة psycholain

ايوة يا فندم مفيهاااااااش esp وﻻ trc اللي هو traction control وﻻ حتي في الهاي لاين، معلومة مؤكدة ملييييييون في المية

أسف أنا ما أخدتش بالي.....أفتكرت لوهلة أنك بتتكلم على ال ebd :)

**ahmad--ezzat** · 28-10-2013 10:09 PM

يعني اجيب عربيه ب 188 اللف وملائيش تكييف تلاجه زي الكوري او تسارع سريع....يبقي لمؤخذه متلزمنيش :d

**ahmad_82_03** · 28-10-2013 10:45 PM

بصراحة انا عاجز عن شكر كل واحد فيكوا يا رجالة.. بصراحة الناس هنا مبتبخلش علي بعض بالمعلومات ربنا يجازيكوا خير

**Mohyeldin1974** · 28-10-2013 11:45 PM

المشاركة الأصلية كتبت بواسطة psycholain

بصراحة مش لاقي بديل في شياكة و جمال و كماليات الكوروﻻ بس هنقول ايه مفيش حاجة كاملة و للاسف البديل فلوانس و استرا بس مش مقتنع ادفع 188 من غير esp وﻻ trc و التكييف و الكاسيت بالنسبالي صغير قوي و تحس كده مجمعين و حاشرين كل حاجة في حتة صغيرة و بقية التابلوه فاضي.
اما الاسترا فضيقة جدا جدا جدا جدا و لو قعدت اقول للصبح مش هيوصف قد ايه ضيقة زائد اعادة البيع سئ.

هستاذنك بس اوضح ان الاسترا مش ضيقه بالصوره اللى انت واصفها
انا اسرتى مكونه من خمس افراد وبنركب مستريحين وهى مش عربيه ضخمه ولكنها مش بالضيق اللى حضرتك واصفه ليها الا لو كان متطلبات حضرتك مختلفه او عدد الاسره او جسمانيا لا تتناسب معاك، بالنسبه لاعاده البيع ده موضوع تانى يطول شرحه ، وعلى فكره انا من ملاك الكورولا بجميع انواعها وموديلاتها من ١٩٩٧ وحتى موديل ٢٠٠٧ ومن عاشقيها ولكن لحد ٢٠٠٧ بس
وربنا يوفقك للى فيه الخير

**Mohamed.Hany** · 29-10-2013 12:03 AM

المشاركة الأصلية كتبت بواسطة mohyeldin1974

هستاذنك بس اوضح ان الاسترا مش ضيقه بالصوره اللى انت واصفها
انا اسرتى مكونه من خمس افراد وبنركب مستريحين وهى مش عربيه ضخمه ولكنها مش بالضيق اللى حضرتك واصفه ليها الا لو كان متطلبات حضرتك مختلفه او عدد الاسره او جسمانيا لا تتناسب معاك، بالنسبه لاعاده البيع ده موضوع تانى يطول شرحه ، وعلى فكره انا من ملاك الكورولا بجميع انواعها وموديلاتها من ١٩٩٧ وحتى موديل ٢٠٠٧ ومن عاشقيها ولكن لحد ٢٠٠٧ بس
وربنا يوفقك للى فيه الخير

تحياتي ليك يا باشا
بس هي بجد ضيقة فعلا، ، انا بحب ارجع الكرسي ورا علي الاخر.
و صعب جدا ان حد يعرف يقعد ورايا، و بصراحة مفيش مقارنة في الوسع مع الكوروﻻ 2014 اللي لما رجعت الكرسي مكنتش طايل الدواسات وورايا كان فيه بحر و بلا مبالغة و اتمني حضرتك تجربها بنفسك هتعرف الفرق، ﻷنى جربت الاتنين مع بعض.

**Mohamed.Hany** · 30-10-2013 01:03 PM

المشاركة الأصلية كتبت بواسطة alshahba

اسمحلي اعلق علي كلامك
- تكيب الفيس لفت الجديده = تلاجه لانه ياباني (جديد كليا)
- التسارع = عالي ومرضي جدا لانه من نظام cvt ياباني (جديد كليا) والموتور ايضا من شركة نيسان

ياريت تجربها بنفسك قبل ماتحكم عليها ..... ولو لسه رافض .... فلك احترام الراي واشتري مايلزمك وانت مبسوط

بالتوفيق

الكلام اللي حضرتك قولته مقلقني يعني انا اجيب عربية فرنساوى رينو متجمعة في تركيا بمكونات ياباني نيسان و اصلها كورى سامسونج، اييه اللغبطة دي

الموضوع: عيوب الفلوانس الفيس ليفت .. ال فئة 188

LinkBack

أدوات الموضوع

عرض

-

-

-

-

-

-

المواضيع المتشابهه

أستطلاع رأي الفيس ليفت الجديد للفلوينس

ألوان الفلوانس الفيس ليفت المتاحة بالصور...للمقبلين على الشراء

بوجيهات ١٠٠ ألف كيلو فى موتور الفلوانس الفيس ليفت

هل اشترى الرينو فلوينس الفيس ليفت ولا اة

الفيس ليفت للميجان 2

الكلمات الدلالية لهذا الموضوع

المفضلات

المفضلات

ضوابط المشاركة