أنا برده هرد على حضرتك و ده طبعا رأى شخصى....أنا بعشق الميجان و لكن يعيبها أن إعتماديتها مش قد كده مقارنة باليابانى مثلا
الفلوانس أنا متابعها كويس جدا جدا بداية من نزولها فى أواخر 2009 أوائل 2010....الحمد لله و ربنا يبارك لملاكها مفيش أى عيب يذكر أو أى عيب متكرر ظهر لحد و طبعا المنتدى هنا بيوضح كل شىء فى الرينو...العربية ثابتة نفسها و بقوة جدا و سعر إعادة بيعها شادد لهذا السبب لأنها عربية واسعة و عالية و قليلة الأعطال جدا...مقارنة بالميجان تعتير الفلوانس تطور مهوووووووووووووول فى الأعتمادية
الكلام ده على نفس شاسيه السامسونج ال sm3 هو هو من 2009...
الخواجه رينو الفرنساوى:
طيب يا بنى الملاك كانوا مش مبسوطين من أيه؟
الصبى: من نتشة الفتيس بين الأول و التانى
الخواجه رينو الفرنساوى: قوم يا بنى جيب الفتيس الcvt من نيسان جنبنا هنا و هما طبعا ملوك فيه و ضيع النتشة اللى مضايقة الملاك و خلى النقل ناعم و حلاوة و كمان وفرلهم شوية بنزين لحسن الكوبونات على الأبواب و الدعم هيتشال
الخواجه رينو الفرنساوى: فيه حاجة تانى ؟
الصبى: عايزيين يزودوا سحب الموتور شوية علشان بيحبوا يشدوا مع بعض و كده
الخواجه رينو الفرنساوى: هات يا بنى موتور من نيسان على كاتينه بيجر النيسان قشقاى و النيسان جوك يعنى على الفلوانس هيبقى حلاوه و صياناته أرخص...خلى الملاك الشباب يقرصوا و يخمسوا و يروشوا شوية
الخواجه رينو الفرنساوى: فيه حاجة تانى ؟
الصبى: التكييف مش حلو...عايزين تلج فى العربية
الخواجه رينو الفرنساوى: هات يبنى تكييف يابانى من نيسان ملوك التكييف خلى الملاك يتجمدوا فى الحر ده....
الخواجه رينو الفرنساوى: فيه حاجة تانى يا بنى ؟
لأ يا خواجة رينو....الخلطة كده فى الجون....فخامة و كماليات و شياكة و ثبات الفرنساوى....
عربية واسعة و عالية
أعطال مفيش
صيانة أرخص من الموديل السابق
تكييف ممتاز و سحب ممتاز و توفير فى البنزين
متروسة كماليات
شنطة تشيل جمل
و فوق كل ده توكيل ممتاز بمقاييس مصر
إحنا هننهب و لا إيه يا خواجه
فى عضو محترم معانا فى المنتدى قال تعليق رائع: "الفلوانس هى الفانتازيا الجديدة"
برافو رينو....برافو فلوانس
المفضلات