الموضوع: صديقي المواطن

المشاركة الأصلية كتبت بواسطة leitosr

أنا من تعليقات أستاذ صدام وأسمه فكرت أنو عراقي,,
خصوصاً موضوع النضال ودمتم للنضال,,

هوا راجل غامض وصامد
ومحترم جداً ورأيه دايماً في صلب الموضوع,,

فهل حضرتك يا أستاذ صدام عراقي الأصل.؟
وهل تعمل في مطار القاهرة أو قريب من المجال دا ؟
أسئلتي دي من باب الفضول ولأني حابب أعرفك أكتر, ولو مش حابب توضح حاجة منهم أنا هحترم دا,,
شكراً, ودمتم للنضال,

صديقي المواطن
وجود عضو فاعل ومحترم بيننا اليوم كحضرتكم أثرى هذا الموضوع وزادني فرحة وسعادة
أنا أصلا من إسكندرية ولو رجعت ﻷصل عائلتي فقد تتبعت المراجع وتبين أن عائلتي جاءت من نجد قبل حوالي 450 عاما وبالنسبة للمطار فأنا لا أعمل به ولا بأي مجال قريب منه ولكن أنا لة سمعت عن سيارة للبيع غريبة وفخمة وغير بياعة وقالولي محطوطة على سطح الهرم حروح أتسلق الهرم ولو سمعت عن عربية زيرو وقعت من مركب وغرقانة في شرم الشيخ حروح أأجر بدلة غوص وأنزل أعاينها تحت الماء وأنا فغلا في عام 2006 واخد من أمريكا بالمزاد عربيتين عالزيرو غرقانين وكانت موديل سنتها سوناتا 6 سلندر وكرايسلر c300
شكرا لمرورك الكريم وأنا سعيد بيك
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة volk

حضرتك الناس المحترمه و اللي بتخدم الناس بحب فعلا بقيت قليله و بعد الثوره كمان اصبح العديد من المظاهر السلبيه اثرت علي علاقات الناس و ثقتها ببعض

و بالتالي طبيعي ان حضرتك تلاقي اللي يخاف و يقول لحسن يكون كذا او كذا و خصوصا من السيدات

فمتزعلش و ربنا يوفقك

بس انا مش مصدق موضوع عربياتك ال 9 دول بصراحه :d

صديقي المواطن
أنا لا يمكن أزعل من حد على طول بتبقه لحظات أزعل بيها عاى ما وصلته اﻹنسانية من تدهور
وتحليلك لموضوع سيولة اﻷخلاق بعد الثورة قد أعجبني أما موضوع عربياتي التسعة فحضرتك تختار يوم فاضي ونطلع من الصبح لغاية آخر اليوم أوريهوملك كلهم وكمان حتشوف كام واحدة في مراحل التعديل وكمان لسه بتفاوض على 3 عربيات قديمة ﻷضمها للمجموعة ورغم إني لسه مشترتهومش ولكن أنا النهارده مكلم البوهيجية والسمكرية عشان نعمل كونسولتو ﻷن العربيات فيها برومة ومفيش ولا مسمار قطع غيار ليها حتى في بلدها مش بس مصر ولازم كل قطعة تالفة في البودي نصنعها بالتنايات وكمان لسه مكلمني تاجر قطع غيار صاحبي في الوكالة ببكلمني على مرسيدس موديل 55 عايز يبيعهالي لو بعهالي بألف جنيه بالشهر من غير عربون جايز آخدها وبدل ميبقوا 9 أنزل أفرجك على 10 وشرفتني بمرورك
وبالتوفيق وإلى اﻷمام ومن نصر إلى نصر
ودمتم للنضال

ملحوظة مثل توضيحي يبين مدى عمق حبي للسيارات
اليوم الميكانيكي اللي فاتح مكنة عربيتي رقم 9 كان عيان ونايم في البيت مفتحش فكده اليوم إتضرب عندي رجعت في الطريق عديت من جنب مطعم سوري بحبه ركنت بعربيتي رقم 7 الناحية التانية صف تاني وبطلت المكنة وقلت يللا أنزل أفطر وأتغدى معرفش إيه حصللي قعدت بتاع ثلث ساعة أفكر أصرف 25 جنيه أتغدى بيهم ولا أرجع أتغدى للبيت وبكره لما أروح الوكالة أجيب بالفلوس حاجة للعربيات رغم إني من رلع ساعة جايب هدية شنطة حريمي ب 60 جنيه لزوجة الميكانيكي هدية
وبعد شوية طبعا لمت نفسي ونزلت كلت وجبت بزيادة ورحت جبت بيبسي وشاي ولب وقلت معقول العربيات وصلتك مرحلة بقيت تستخصر تاكل ومش تزعل تصرف آلاف مؤلفة شهريا عالعربيات بصورة مستديمة ومش بفوت شهر لدرجة أسطوات الجمهورية كلها ليهم مرتبات شهرية عندي وممكن العيد ده مشترتش هدوم ليا بس جايب ﻷهم إسطواتي وزوجاتهم هدايا بأكثر من 3 آلاف جنيه
حب العربيات إدمان والمصيبة بقالي سنتين مركبتش عربية كاملة كله في عالم الشد والتعديل

ومرة تانية بالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة عصام غنايم

انا طبعاٌ لاحظت انك تجاهلت الرد على سؤالى سهواٌ

عشان كده هكرر سؤالى يمكن تاخد بالك منه المره دى وترد عليا



مستنى الرد

صديقي المواطن
ليس سهوا ولكن تقديري للأمور أشار علي بعدم ذكر عمري الحقيقي ﻷنه سيفتح بابا للجدال لا طائل منه وسيقتحم خصوصية حياتي وأنا منذ خسرت عددا من ملاييني أميل للتحليق تحت الرادار ولا أحب الظهور مثل اﻷول ودفنت نفسي في عالم به سيارات فقط حتى أقف على قدمي مرة أخرى ونسأل الله الثبات
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة leitosr

أستاذ عصام,
أعتقد لو أستاذ صدام تعمد أنو ميقولش عنده كام سنة,, يبقي مش عايز يقوله علي العام,,
وممكن يكون فيها أحراج ليه تكرارك للسؤال,,!

ممكن لو تبعتله علي الخاص يبقي أفضل عشان لو مردش علي سؤالك دا تاني ميكونش فيه حساسية في الموضوع دا ما بينكم,

تحياتي لك,

صديقي المواطن
أنا أشهد أن والديك قد أثمرت جهودهم في إنتاج شخص خلوق ومحترم ويفتخرون به فأنت تراعي مشاعر اﻵخربن مهما كانت بسيطة واﻷخ السائل طبعا بسأل بحسن نيه وأنا تجنبت اﻹجابة عن سؤاله حتى لا يفتح باب سجالات لا طائل منها ومرورك هنا شرف لي وجزاك الله عني خيرا وبالتوفيق وإلى اﻷمام ومن نصر إلى نصر
ودمتم للنضال