صديق ليا مش فارق معاه اى حاجة فى العربيه
عاوز موتور و بس .... مكته سحب و اداء
متردد جدا بين ال:
civic
tiida
elantra
cerato
صديق ليا مش فارق معاه اى حاجة فى العربيه
عاوز موتور و بس .... مكته سحب و اداء
متردد جدا بين ال:
civic
tiida
elantra
cerato
اكيد سيفيك
صديقي المواطن
من اﻹختيارات أعلاه قولا واحدا هوندا والمعيار كأداء محرك فقط عشان يكون كلامنا واضح
وحتى لو معجبتوش فهي أرخص وحده فيهم تقبل تعديل عالمكنة وتركيب كيت توربو جاهز ومنتشر
وبالتوفيق وإلى اﻷمام ومن نصر إلى نصر
ودمتم للنضال
سيفيك.. ابقى خلى صاحبك يتفرج على المقارنات اللى موجوده فى القسم
للاسف كلامي مش هيعجب ناس كتير بس عن تجربتي الشخصيه لو هنتكلم ك موتور stock من غير اي تعديل ابطاهم السيفيك واسرعهم الالنترا او السيراتو الاتنين واحد تقريبا...وعموما محدش يفتكر اني اقصد بكلامي ان السيراتو تتطير السيفيك مش v10 هيا يعني ابوها 1600 cc برضو الفروق طفيفه جدا بين كل العربيات السالف ذكرها..بدون تحيز وبانصاف....
واللي يقال واسمعه اني السيفيك.المفروض انها بتتعدل يعني ومشهوره بالموضوع ده بس انا معنديش معلومات كافيه عن الكلام ده ومدى سهولة تطبيقه العملي ومشاكله.
عيب السيفيك ان من الثبات معظم العربيات هتزعلك
لو عاوز ماتور وبس ... ممكن يحط فيرنا كمان معاهم
وساعتها ممكن الالنترا والسيراتو والفيرنا فى الطلعة يتفوقوا عليها ... الطلعة بــــــس
لكن لو عاوز ماتور صاحى معاه على طول ومعاه ثبات وتحكم ... هتبقى السيفيك بلا منازع
عشان بس يبقى التقييم واقعى :
اولا : صاحب الموضوع : ماينفعش ياباشا تجيب عربية ماتور بس , لازم يكون قوة ماتور ومعاة ثبات ومعاة فرامل عشان تقدر تجرى بقلب
والسيفيك بتجمع كل دول بكل جدارة
طيب عيب السيفيك اية ( الجيل الثامن ) : او بمعنى ادق بطىء لية فى الطلعة ؟؟
لانها بتعتمد على تكنولوجيا اسمها drive by wire , ودية بتخلى العربية ماتندفعش مرة واحدة وذلك للاسباب الاتية :
1- الحفاظ على المحرك
2- تقليل استهلاك الوقود
3- المحافظة على ناقل الحركة
4- المحافظة على قواعد المحرك
كل الكلام دة بينتهى تحديدا عندما تبلغ السيارة سرعة 40 كم وبعد كدة العربية بتتحول تماما لوحش , ياكل اى عربية قدامة , طبعا مش معنى كلامى انها بطة بلدى فى الطلعة لأ هية بتسحب وكل حاجة بس مش زى بقية المنافسين
- السيفيك السرعة القصوى بتاعتها 225 كم , وبتجيب من صفر الى 100 فى 10 ثوانى تقريبا يعنى زيها زى السيراتو وزى الالنترا
- السيفيك ثباتها اعلى من الاتنين بفرق شاسع
يعنى الالنترا سيارة المراجيح الاولى فى مصر
السيراتو سيارة اخرك فيها 140 كم بعد كدة انت بتغامر بحياتك وربنا يسترها عليك
- الفرامل : سيفيك ثم تليها السيراتو بفرق بسيط بس الكلام لحد سرعة 120 كم بعد كدة السيفيك تتفوق بجدارة فى السرعات العالية
الالنترا اقدر اقولك باختصار فرامل غير مناسبة تماما لوزن السيارة ولا اى قوة المحرك , يعنى فراملها دية اخرها توقف i10 بالعافية
لو انت بالسيفيك واللانترا ( مانيوال ) الالنترا هتتعب السيفيك جدا بس لحد سرعة 170 وهتبدأ السيفيك فى التقدم
احنا ناخد من كل قسم عربيه ونجرب
حقيقة محستش قبل كده بالطلعه البطيئه فى السيفيك اللى معايا اتا حتى بخاف اتقل رجلى على الدواسه سيفيك 2012 اعتقد احسن حاجه بالنسبه لكل حاجه فى االلى حضرتك ذكرتهم السيفيك و بالتوفيق
الوزن وقوة الموتور عامل مهم جداً في المقارنة
دور على الاخف في الوزن هتلاقي الالنترا والتيدا .. دور على الموتور الاقوى هتلاقي الالنترا هيا اللي تكسب في الاخر
بس الثبات طبعا مفيش وجه مقارنة بين العربيات دي وبين السيفيك
الالنترا منيول طبعا اخف و اسرع واحده فيهم لكن اخطر وحده فيهم و كتير مش بيطلع من حودثها سليم
رئيي بي ام e36 و يحط موتور ٢٫٥ او ٣٫٠ او اي موتور تربو و هيبقا معاه كل حاجه ثبات و موتور و فرامل و ربنا يسترها بقا :)
انا جرب الشد مع العربيات دى كلها و سوقتهم كلهم و تجربتى هنقلها ليكو ..
الالانترا 1600 اوتوماتيك تطلع بسهولة من السيراتو و من الفيرنا .. و تطلع بصعوبة شوية من التيدا بس هتطلع هتطلع ده عن تجربة كتييير جدا ..
المقارنة هتنحصر هنا بين السيفيك و الالانترا ..
الالانترا هتطلع من السيفيك لحد سرعة 60 مثلا بفرق بسييييط جدا ..
اول ما السيفيك تلقط النقلة التالتة وال v-tec يفتح ..
هتلاقى السيفيك طاااايرة من جمب الالانترا ..
وعلى السرعات العالية السيفيك هتكتسح الجميع بلا منازع ..
قوة الالانترا فى السرعات الواطية بعد كده مفيـــش ..
اذن من رايى الترتيب كالتالى :
1- هوندا
2- الانترا
3- تيدا
4-سيراتو - فيرنا ..
السيفيك بدون مقارنة تحت وفوق انا معايا 93 وكنت باكل السيراتو ولا كان عارف يعمل حاجة وكانت خليجى high line الvtecبيصنع المعجزات
الالنترا المانول اسرعهم تجميع
التوب سبيد سيفك بلا منازع
التيدا بتشد بغباء خصوصا لو مانوال هاتش
سيراتو حلوه
كباكدج على بعضه خليه فى السيفك
ريداتير سيارتى هوندا سيفك2002أوتوماتك بيتقص المياة فية فكتشفت شرخ فى الغطاء البلاستيكىالعلوى ياترى أسعار الريداتير الجديد كام وأنواعة شاكر حستن تعاونكم
سيفك تمام
بس مبتجبش 225 ولا حاجه
معلش يا سمسم مشوفتش لسه اى مكنه 1600 بتجيب 225 ستاندر و الله اعلم برضو
بس كا تجارب مشوفتهاش و لا هاشوفها
صاحبك العايز ماتور بس قولو فكك من 1600 خالص لو عايز ماتزر لان بطريقه دى
هيجيب 1600 و يحرق و يجرى هيجيب اجلو
الجرى ليه مواتيره
تحياتى
طب ودا كمان
New Civic 220 km/h - YouTube
السيفيك أخرها 180 بعد كده بتهبط و تدنجل و ممكن تجيب ال225 (انا شخصيا أشك و ده موديل 2010 عشان ما حدش يدخل ال sir) بس تجميع بطيء جدا !!
و الصحراوي يشهد بموضوع ال 180 و بعد كده بتهدي !
الالنترا أخرها كام و تجميع و كده
محمود عفيفي يرد بقي :]
و أوتو قصاد أوتو
لكن تدخلوا الالنترا المانيوال يبقي بتظلموا السيفيك ما ينفعش مانيوال و اوتو قصاد بعض !
A fun-to-drive car is the SUM of ALL parts
اللي 2007-2010
أخرها يوم ما تتمعظم 180 و هي حارقه بعد كده دمتم تجميع بطيء
يعنى ايه مش فاهم ؟ هوا موتور 2014 غير 2007 ؟؟
السيراتو تسبق السيفيك في الطلعه بفارق طفيف وبعد ال100 السيفيك تسافر لغاية ما تقفل العداد .. السيفيك تتفوق على العربيات دي كلها في العفشه و الثبات على السرعات العاليه .. انا معايا 2008 و جربت السيراتو .. السيراتو عفشتها سيئه جدا جدا جدا و بتتهبد في المطبات .. السيفيك لا يعلى عليها
حد جرب يشد معا ال toyota Auris ؟ 131 hp ؟