مشكلة مع توشيبا العربي

**salodas** · 30-10-2013 01:43 PM

ده افضل سخان فى مصر .... اعصر على نفسك كيلو ليمون لغاية السخان ميركب .... وعلى فكرة السباك الى ركبة عندى ولا اى اندهاش .... ومتخفش ده حمار شغل ولا هيحصله حاجة .
مرحبا بك فى مصر

**Shiref_mohamed** · 30-10-2013 09:45 PM

لحد اللحظة ديه محدش كلمني برضه شكلى كده هروحلهم وﻻد التيت دول

**dedi** · 30-10-2013 10:03 PM

شئ يحرق الدم صعد الموضوع و لو بالتليفون و شوف المسؤل عن المبيعات او مدير التسويق وابعت ايميل لمدير الشركة

**abdelrahmaaan** · 31-10-2013 11:21 PM

خش على الصفحة بتاعتهم على الفيس بوك اعمللهم فضيحة لانى تعرضت لموقف مشابه لده ومكانش فيه اهتمام وبعد ما عملتلهم فضيحة على صفحتهم اهتموا بموضوعى وكلمونى لانهم بيخافوا على سمعتهم لكن لو كلمتهم منك ليهم ولا هيفرق معاهم حاجة

**aliabutaleb** · 01-11-2013 07:01 AM

مشكلتك شبيهة بمشكلتي في تركيب الغسالة الفول أوتوماتيك.
اللي بيركبوا الاجهزة عندهم هي مراكز خدمة معتمدة يعني مش تابعين لهم بشكل مباشر
وبعد جدالي الطويل معاهم مفيش حل غير انك تستحمل لأن حتى إنك تشتكي المركز ده غير متاح.
نظام بزرميط!

**Ahmed_Adham** · 01-11-2013 12:56 PM

مشكله توشيبا ان كل شغلها outsourcing يعني اللي هيركبلك أو يعملك الصيانه ممكن يكون محل بعد بيتك بشارعين مشغله الاسطى بليه الشركه بتبعته بالنيابه عندهم وتحاسبه عشان كده لما تتصل بيهم مش هتلاقي عندهم أي معلومات ان كان أوردر التركيب اتنفذ ولا لاء ولا حتى مين اللي نفذه.

رأيي ترجع السخان ده وتجيب حاجه تانيه وربنا يعينك.

**MohammedAladel** · 14-02-2014 09:00 PM

والدى اشترى كريازى وأنا نفسى فى توشيبا عشان الحلة ال ستنلس
مكتوب فى دليل المستخدم أنه يجب أن يركبه فنى الصيانة من أجل الضمان
والله لم أقتنع بهذا الكلام وقمت بتركيبه بنفسى وخلصت الحكاية ... وبعدين السخان أساسا أيه غير حلة وثرموثتات وملف تسخين
حتى لو تلف شئ مع الوقت وأنت فى الضمان العمال اللى هيركبوه تبع الضمان هياخدوا أجر تركيب وبقشيش بتمن تصليحه بنفسك أو عند أى حد برا التوكيل
ولكن سخان بحلة ستنلس اختيار موفق صراحة

**أبو آسر** · 14-02-2014 10:09 PM

المشاركة الأصلية كتبت بواسطة Ahmed_Adham

مشكله توشيبا ان كل شغلها outsourcing يعني اللي هيركبلك أو يعملك الصيانه ممكن يكون محل بعد بيتك بشارعين مشغله الاسطى بليه الشركه بتبعته بالنيابه عندهم وتحاسبه عشان كده لما تتصل بيهم مش هتلاقي عندهم أي معلومات ان كان أوردر التركيب اتنفذ ولا لاء ولا حتى مين اللي نفذه.

رأيي ترجع السخان ده وتجيب حاجه تانيه وربنا يعينك.

كلام مظبوط فعلا
أنا كان عندي مشكلة في تكييف شارب الفانة كانت بتعمل صوت مزعج واتصلت بالشركة اللي ركبتهولي كذا مرة وجه الفني قعد يخبط على التكييف ويعدل فيه والصوت راح مفيش بعد ما مشي بنص ساعة الصوت رجع تاني كلمتهم تاني نفس الحوار لما زهقت كلمت توشيبا قالولي هنبعتلك حد من عندك في العبور المهم جه الراجل عايز يفك التكييف قعد حوالي ربع ساعة مش عارف يفك الريشة ازاي !!! فضلت اتفرج عليه وأنا ساكت قعد يبص جوة فجأة لقى مسمار قعد يربط فيه وبعدين قفله وقالي كل شيء تمام مشيوا وطبعا المشكلة متحلتش بس عرفت إن مفيش أمل غير إني أشوف صنايعي بيفهم يعمله على حسابي وده اللي حصل وجبت ولد فكه حتة حتة وقعد فيه أكتر من ساعة لحد ما ظبطه ومن ساعتها تمام التمام