المشاركة الأصلية كتبت بواسطة midoabdeen
السلام عليكم ورحمة الله وبركاته
النهاردح الحمد لله دفعت جزء من تمن الشقه وكتبت عقد ابتدائى هو الجزء دا حوالى 90% من تمن الشقه وبالرغم من كده لسه مكتبتش العقد النهائى الا لما ادفع باقى المبلغ
ليا كام سؤال وياريت تفيدونى فييهم
1- هل الالجراء دا كده طبيعى ياعىن دلوقتى انا مش هعرف لا اسجل العقد ولا اعمل صحه توقيع لانه مش نهائى
الاجراء سليم لان العقد النهائي بيكون مع اخر قسط طالما مش ماضى على ايصالات او شيكات وتقدر تعمل صحه توقيع على العقد اللى معاك عادى جدا بس لما يتغير لعقد نهائى حتضطر تعمل صحه توقيع تانى للعقد الجديد فلو المده اللى حتدفع فيها الاقساط كبيره اعمل صحه توقيع لتامين نفسك لو فتره قصيره ممكن تستنى لما تاخد العقد النهائي لان فتره عمل صحه التوقيع من 6-9 شهور .
2- هل الدور الاول له حصه فى الاسانسير لان المالك مصر انى ادفع 5000 ج فى الاسانسير مع ان الشقه فى الدور الاول وهو عامل باب للاسانسير فى اول دور مش عارف ليه
طالما عامل لحضرتك فتحه للاسانسير فى الدور بتاعك يبقى حتدفع لانك ممكن لاى ظرف طارئ "لا قدر الله" او زياره لشخص كبير فى السن حيستخدمه فمن حقه ياخد الفلوس دى
3- تكلفه اسلاك الكهرباء دلوقتى كام وايه هى خامات الكهرباء اللى ممكن انى احتاجها وبكام والشقه 100م تاخد تقريبا قد ايه اسلاك وعلب ياعنى تاسيس الكهرباء
بصراحه مش عارف بس انا شاري لفه السلك 2مم للمحل ب115 جنيه
4- الباب المصفح بكام وهل اجيبه دلوقتى ولا بعد التشطيب واجيب باب مستعمل دلوقتى امشى بيه حالى وخلاص
برضه اخر مره سالت عليه من سنه وكام شهر كده كان فى نوع ب1200 ونوع ب 1550 والله اعلم الاسعار بقت كام دلوقتى ممكن حد تانى يفيدك .
معلش طولت عليكم
المفضلات