الموضوع: مساعدة فى مشكلة صبووفر هوم ثياتر

السلام عليكم احبابى اعضاء المنتدى الكرام..
انا عارف ان القسم ده للانظمة الصوتية الخاصة بالسيارة لكن كنت محتاج منكم مساعدة فى حل مشكلة خاصة بنظام صوتى هوم ثياتر منزلى 5.1 من ياماها YHT-296 عبارة عن جهاز ريسيفر و امبلفاير و سماعة فرونت و 4 سماعات جانبية و صبووفر..
http://m.asia.yamaha.com/en/products...age/yht-296_g/

النظام كان ممتاز جدا خصوصا فى الافلام لحد ما حصلت مشكلة و ابنى الصغير رمى جنيه فضى جوه فتحة علبة الصب ( عمله حصالة ).. خلتنى اشيله و اقلب فيه لحد ما وقعت اللى فيه..اكتر من 5 عملات معدنية..
لما جيت اشغل الصب تانى مبقاش يشتغل زى الاول...الاول كان بيهز الارض و دلوقتى يدوب بيخرج هوا بدون اى بيز..
الصب البور بتاعه دايركت يعنى له فيشة بور خاصة بيه..و بيتوصل بالريسيفر بكابل rc ..و لما فتحته علشان اشوف ايه المشكلة لاقيت الرق بتاع السماعة سليم و لاقيت فيه جوه بوردة اليكترونية معرفش ممكن يكون جرالها ايه..
يا ترى الصب ده ممكن يتصلح تانى ..و اقدر اصلحه فين..
و هل ممكن اشترى صب عربية كبديل اشغله على الريسفير و الامبليفاير بتاع الهوم ثياتر ..هل خرج الريسيفر كافى لتشغيله...و هوصله ازاى ..



ممنون جدا لكل من سيشارك من خبراء الصوتيات و اعضاء المنتدى الكرام..