سلام الله عليكم ودمتم بكل خير

انهاردة رحت ليحيى العفشجى ( مساعدين الباشا ) فى شارع المدبح بالجيزة

وده طبعا بعد ما اخونا العزيز طنانى شكر فيهم وطبعا راى طنانى بالنسبة لينا صك ثقة وكمان اخونا العزيز عمرو جمال صديقى العزيز كان شكر فيهم بعد ما اتعامل معاهم

كلمته انهاردة وانا فى وسط البلد ورد عليا مصطفى قلتله طبعا انا من طرف طنانى رحب بيا طبعا

قلتله عايز اجى اظبط شوية حاجت قالى تعالى انهاردة اكشفلك ونشوف هتحتاج ايه وتجيبه وتيجى بقى يوم تانى نركب

توكلت على الله ورحت وكشف على العربية وقلتله على مشكلة متعبة جدا محدش عارف يحلها وهى ان العربية فيها ميل ناحية الشمال مع انى مغير حاجات كتير ومفيش فايدة
وعامة ده السبب اللى خلانى ادور على عفشجى متخصص وشاطر وكمان فى شوية خبط فى المطبات الصغيرة بتسمع فى الدركسيون

كشف على العربية بصراحة كشف يبان منه انه راجل بيفهم جدا حسيته كده بصراحة

وكتبلى روشتة فيها شوية حاجت اجيبها وهى

2 كاوتش ميزان

2 دراع علبة دركسيون

2 بيض مقص

2 دراع ميزان

واتفقت معاه هتصل بيه باذن الله فى يوم من بدرى وارتب معاه واروحله واكون جبت الحاجات دى وقالى موضوع الميل ده متقلقش هظبطهولك

ارجو من حضارتكم بقى عايز اعرف اسعار الحاجات دى جديدة وماركاتها وافضل مكان اجيبها منه ويكون مضمون

وادعولى واكيد باذن الله هعملكم تقرير تانى بعد ما اخلص شغل ونشوف النتيجة ربنا يكرم