تقرير كامل عن فيكترا بي بعد عشرة سنتين

**Mamoud salah H** · 31-10-2013 02:14 AM

السلام عليكم
انا حبيت اعمل تقرير عن عربيتي الاوبل فيكترا بي1 بعد عشرة سنتين ولله الحمد مشتكتش منها خالص
اولا العربية انا شاريها مستعملة موديل 1996(تقفيل اوروبي)الطابلوه الاسود

المواصفات:1600 ايكوتك التجار بسموه موتور تيجرا ش عارف ليه بس هو عمتا علي ابوها مش تسقيط
جير مانيوال

الكماليات:
1-مرايات كهرباء وضم مع السنتر
2-تكيف وشغال الحمد لله
3-تعديل كرسي السائق في 6 اتجاهات
4-شاشة توضح التاريخ واسلعة ودرجة الحرارة (بس بايظة عندي عشان مش مركب كاسيت الفابريكة)
5-لتحكم في اضائة الطابلوه
6-شوابير امامي وخلفي

وسائل الامان:
فراملabs
2 ايرباج

نيجي بقي للميزات

1-صوت ماتوور ناعم وهادي وله زنة كدة مميزة لما تقرص عليييه بشهادة كل الي بيركب معايا
2-تكيييف بيسقع حلو جدا لما يتزبط مع انه قرفني لحد ما اتظبط وبحسه احسن م اللانسر
3-ثبات محترم جدا علي سرعات وفي الملففات وكورنيش اسكندرية يشهد علي كدة وحسييت بنعمة الاوبل لما ركبت النوبيرا بتاعت صاحبي واخدت بيها ملفات الكورنيش
4-تصميم انيق وجميييل ولحد النهاردة لما العربية بتكون نضيفة ومش مهملة ومشدودة دايما تحس بشياكتها وخصوصا سحبة المراية وتصميمها الرائع
5-عربية حمالة اسية ماشاء الله عليها وخصوصا اننا بنهلكها ومش مهتمين اوي بصيانتها والحمد لله عمرها ما قلت معانا ربنا يديمها نعمة ويجعل كلامنا خفيف عليها
6-قطع غيارر موجودة في كل مكان جديد واستيراد اسعار كويسة جدا ومش غالية مقارنة بالانسر البومة
7-الموتور الي فيها انا شايفه كويس جدا وجراية وحلوة مش تقيلة
8- تقفيل محترم وخامات جودتها محترمة
9-باورالدركسيون خفيف وجميل وموزون
10-عفشة معمرة جدا لدرجة انا لسة مغير مساعد بتاع العربية من شهريين واكتشفت ان المساعد الي كان فيها هو الاصلي بتاع الفابريكا

العيوب:
1-ااصحابي لما بيركبوا معايا بيقولو ان العربية من ورا ضيقة وانا مش مصدقهم بصراحة اصل عمري ما ركبت فيها ورا خالص
2-للاسف عربيتي الزجاج فيها يدوي مش كهربااء
3-المراية الجانبية علي ان تصميمها رائع بس للاسف كانت محتاجة تبقي اكبر شوية خصوصا ان ابعاد العربية صعبة شوية بس مع التعود تمام وفيش اي مشكلة بالنسبالي الحمد لله
4-اماكن التخزين فيها مش كتيير وكانت محتاجة مكان تحت الكاسيت عشان اسيب فيه الموبايل والمفاتيح وكدة عشان مش بحب اسيب الموبايل في جيبي وانا سايق
6-حاجة انا بحس فيها مش عارف انا كدة لوحدي ولا في حد تاني معايا بحس ان الغيار االخمس بعييد شوية بضطر اعمل حركة اطول عشان احط الغيار الخامس دن عن باقي الغيارات
7-كان نفسي يكون الدريكسيون قابل للتعديل فوق وتحت زي اللانسر كدة
8-كان نفسي يبقي في لون فاتح كدة في الكنسولة او في الطابلوه بدل ما هو كله اسود في اسود كدة

وفي الاخر العربية دي بحس ان ليها عندي عش خاص كدة دون عن اي عربية ركبتها او نمتلكها ودايما بفضلها عن اللانسر البومة في الركوب مش باركب اللانسر غير لما اكون مضطر

وان شاء الله مش هنزل من الاوبل غير علي بي ام دابليو e36 او اعلي رربنا يرزق

وفي الاخر اتمني ان التقرير يكون افاد او هيفيد الناس الي بتفكر في العربية دي

ودي صورة متواضعة للعربية

**romiobasha** · 31-10-2013 02:52 AM

الله ينور يا باشا تقرير جميل
تقريبا معظم العيوب دى محلوله لو ركبت ال gls منها

**M I D O** · 31-10-2013 05:42 AM

العربية دي انا بحترمها جدا وكل مبشوفها في الشارع بفضل اتفرج عليها ... ربنا يحفظهالك يا باشا

**hossamalsadik** · 31-10-2013 07:59 AM

تقرير محترم لعربيه محترمه

بالتوفيق ان شاء الله

**ayman hamdy** · 31-10-2013 08:07 AM

تقرير رائع وزى ما قال الباشمهندس رامى معظم العيوب دى مش موجودة حتى فى اقل فئة منها وهى الجى ال اس
بصراحة انا من ساعة ما ظهرت العربية دى فى شوارع مصر وانا باحترمها شكلا وموضوعا وحلمت وقتها ان اركب واحدة زيها فى يوم من الايام والحمد لله من سنه بالضبط تحقق الحلم وجبت الوحش اللى معايا وهى اوبل فيكترا ٢٠٠٢ CDX اوتوماتيك 2000 Cc فل اوبشن كاملة كل حاجة والكمال لله طبعا ومبسوط منها اوى اوى وركوبة شيك جدا واوبشن رائع وفخامة وثبات ملهوش حل ماسكة فى الارض على اعلى السرعات تقدر تقول هى اشيك عربية فى تصميمها الداخلى والخارجى لحد دلوقتى رغم مرور اكتر من ١٠ سنوات على انتاجها واكتر كمان ابتداء من سنه ٩٦ وبصراحة كده انا بحس ان راكب الفيكترا ناس مميزين وناس راقية لانهم قدروا ان يقتنوا هذه التحفة الفنية الالمانية على الرغم ان فى ناس كتير ما تفهمش الكلام ده عنها وده اللى يخلى الناس اللى بتفهم يعنى ايه فيكترا يقتنوا هذه الرائعة وهى اجمل واشيك ما انتجت شركة اوبل بالمقارنة باسعارها وسنه صنعها والتكنولوجيا المتطورة اللى فيهامش موجوده فى عربيات حديثة مديل السنة دى
وشكرا جزيلا على التقرير واللى ما ركبش المانى فعلا مركبش عربيات واللى ركب الفيكترا وجرب يركب كورى اى حتى يابانى هيعرف ان كان راكب سفينة ماشية على الارض مش عربية
تحياتى لحضرتك

**فادى محمد** · 31-10-2013 10:45 AM

المشاركة الأصلية كتبت بواسطة Mamoud salah H

السلام عليكم
وعليكم السلام ورحمه الله وبركاته..
انا حبيت اعمل تقرير عن عربيتي الاوبل فيكترا بي1 بعد عشرة سنتين ولله الحمد مشتكتش منها خالص
اولا العربية انا شاريها مستعملة موديل 1996(تقفيل اوروبي)الطابلوه الاسود

المواصفات:1600 ايكوتك التجار بسموه موتور تيجرا ش عارف ليه بس هو عمتا علي ابوها مش تسقيط
بيسموه موتور ابو صوابع ,علشان مواسير مانفولد الهوا في الكوفر شبه الصوابع
هو موتور كويس ورخيص انما الصنايعيه مش بيحبوه . المانفولد بتاعه مقلوب للجنب
بيلاقوا صعوبه في الشغل فيه !!
جير مانيوال

الكماليات:
1-مرايات كهرباء وضم مع السنتر
2-تكيف وشغال الحمد لله
3-تعديل كرسي السائق في 6 اتجاهات
4-شاشة توضح التاريخ واسلعة ودرجة الحرارة (بس بايظة عندي عشان مش مركب كاسيت الفابريكة)
5-لتحكم في اضائة الطابلوه
6-شوابير امامي وخلفي

وسائل الامان:
فراملabs
2 ايرباج

نيجي بقي للميزات

1-صوت ماتوور ناعم وهادي وله زنة كدة مميزة لما تقرص عليييه بشهادة كل الي بيركب معايا
الزنه دي في كل مواتير الاوبل لما تقرص عليها بتظهر زي ازيز الطياره
2-تكيييف بيسقع حلو جدا لما يتزبط مع انه قرفني لحد ما اتظبط وبحسه احسن م اللانسر
3-ثبات محترم جدا علي سرعات وفي الملففات وكورنيش اسكندرية يشهد علي كدة وحسييت بنعمة الاوبل لما ركبت النوبيرا بتاعت صاحبي واخدت بيها ملفات الكورنيش
4-تصميم انيق وجميييل ولحد النهاردة لما العربية بتكون نضيفة ومش مهملة ومشدودة دايما تحس بشياكتها وخصوصا سحبة المراية وتصميمها الرائع
5-عربية حمالة اسية ماشاء الله عليها وخصوصا اننا بنهلكها ومش مهتمين اوي بصيانتها والحمد لله عمرها ما قلت معانا ربنا يديمها نعمة ويجعل كلامنا خفيف عليها
6-قطع غيارر موجودة في كل مكان جديد واستيراد اسعار كويسة جدا ومش غالية مقارنة بالانسر البومة
بسال علي فلتر بنزين لواحد صاحبي معاه لانسر بومه 2007 قاللي الاصلي ب560ج !!
والصيني منه ب120ج ومايساويش 2 ج البلاستيك بتاعه تحسه بتاع شفاشق !!
اغلي فلتر بنزين ممكن تشتريه للفيكترا مش هيعدي 60ج من التوكيل وبره ب40ج الماني
7-الموتور الي فيها انا شايفه كويس جدا وجراية وحلوة مش تقيلة
8- تقفيل محترم وخامات جودتها محترمة
9-باورالدركسيون خفيف وجميل وموزون
10-عفشة معمرة جدا لدرجة انا لسة مغير مساعد بتاع العربية من شهريين واكتشفت ان المساعد الي كان فيها هو الاصلي بتاع الفابريكا

العيوب:
1-ااصحابي لما بيركبوا معايا بيقولو ان العربية من ورا ضيقة وانا مش مصدقهم بصراحة اصل عمري ما ركبت فيها ورا خالص

فعلا ضيقه بس اللي بيعد ورا بيبقي فارد رجليه ومرتاح
2-للاسف عربيتي الزجاج فيها يدوي مش كهربااء
3-المراية الجانبية علي ان تصميمها رائع بس للاسف كانت محتاجة تبقي اكبر شوية خصوصا ان ابعاد العربية صعبة شوية بس مع التعود تمام وفيش اي مشكلة بالنسبالي الحمد لله
لما تتعود عليها وتيجي تركب بومه مثلا هتحس ان مرايتها مرايه ميكروباص!
4-اماكن التخزين فيها مش كتيير وكانت محتاجة مكان تحت الكاسيت عشان اسيب فيه الموبايل والمفاتيح وكدة عشان مش بحب اسيب الموبايل في جيبي وانا سايق
الموبايل انا بحطه في البوكت اللي تحت زرار الهاند بريك والمفاتيح داخل مسند اليد لو عندك .
6-حاجة انا بحس فيها مش عارف انا كدة لوحدي ولا في حد تاني معايا بحس ان الغيار االخمس بعييد شوية بضطر اعمل حركة اطول عشان احط الغيار الخامس دن عن باقي الغيارات
يعني مش قوي , كنت مستنيك تقول ان حركه الفتيس محكومه ومش سهله زي الياباني والكوري !
وده طبيعي يعني كنت في السوبارو بانقل بصابعيني , لو عملت كده مع الفيكترا صوابعي تتقطق !!
7-كان نفسي يكون الدريكسيون قابل للتعديل فوق وتحت زي اللانسر كدة
عندك حق
8-كان نفسي يبقي في لون فاتح كدة في الكنسولة او في الطابلوه بدل ما هو كله اسود في اسود كدة
علشان اوروبي ,المصري منها رمادي * اسود . ممكن تلزق سطح التابلوه كاربون فايبر رمادي
وفي الاخر العربية دي بحس ان ليها عندي عش خاص كدة دون عن اي عربية ركبتها او نمتلكها ودايما بفضلها عن اللانسر البومة في الركوب مش باركب اللانسر غير لما اكون مضطر
الفيكترا دي لها طعم خاص جدا وبرستيج عالي قوي عن اي عربيه تانيه
وان شاء الله مش هنزل من الاوبل غير علي بي ام دابليو e36 او اعلي رربنا يرزق
ان شاء الله تجيب عليها وماتبيعهاش .
وفي الاخر اتمني ان التقرير يكون افاد او هيفيد الناس الي بتفكر في العربية دي
تسلم ايدك وربنا يبارك لك فيها..

ودي صورة متواضعة للعربية