الموضوع: اشاعات اشعات - الحلقة الثانية

اللمبات يا اتش ;)
فى ناس يقولك الاوبل كلها مشاكل كهربا واللمبات بتتحرق على طول ...احنا مستنيين الكلام اهو كل اللى فى نفسة حاجة يقولها :)

انا عارف ان مفيش الكلام الفاضى دة بس بما ان الليلة ليلة شائعات فعلشان كل واحد يقول اللى عندة ويرتاح

فى ناس عايزة تحط لمبة مصرى ولا صينى بجنية ومش عايزاها تتحرق وعلى فكرة كل العربيات الامانى تقريبا من الموديلات الحديثة اللمبات الصينى والمصرى مش بتعيش فيها مش الاوبل بس واحد صاحبى معاهم C180 كمبيوتر العربية بيطلع eroor كل لما يرجع reverse لقى لمبة محروقة فاخد لمبة من عربية تانية عندهم علشان يجرب وركبها ال error راح واللمبة مكملتش يوم واتحرقت !!

المشاركة الأصلية كتبت بواسطة noon_eg

العربيات الاوبل فق مستوى الشبهات تماما من حيث الاداء
ولكن التكنولوجيا بتاعتها متقدمه ومعقده نسبيا وده حال اغلب السيارات الجديده من الفئات العاليه
ومش معقول ان واحد شارى اوبل ب 160 الف يروح يصلحها بره التوكيل
ده فكر قديم واعتقد ان ثقافه الناس هنا اتغيرت واغلب اللى بيشترى سياره غاليه بيعمل صيانه فى التوكيل

اعتقد اللى بيتكلم على مشاكل الاوبل بيتكلم على الفيكترا موديلات 1994 - 1996 الاتوماتيك
كان فيها مشاكل متكرره نسبيا حتى فى الفتيس وكان يصعب صيانتها بره التوكيل انما الجديده اعتقد انى مسمعتش على اى شكاوى فيها من اصله

احنا عندنا واحد فيكترا 2007 و2 كورسا 1996 و 1997 وماشيين كويس

مشكلة المصرى انة عايز عربية لاتكل ولا تمل عربية يدخلها فى الحيطة تطلع من الناحية التانية سليمة وياخدها فحط وردم طول اليوم ومتقولش عايزة حاجة ولا طلعت قليلة الادب وقالت تبقى حاجة من غير فلوس لأنة مش عايز يدفع
ومعظم الاشاعات اللى بتطلع على العربيات مصدرها التجار وسوق الخضار بتاع مدينة نصر , المصريين لما بيحبوا عربية بيدورو على اى ميزة فيها حتى لو مفهاش علشان يقنعوا نفسهم بيها ولو غضبوا على عربية حتى لو برقبة العربية التانية بيدورا على العيوب بس وينسى ميزاتها والامثلة كتيرة مش محتاجين نقولها اكيد الكل عارفها

مفيش عربية من غير مشاكل مفيش عربية مبتعطلش مفيش عربية من غير عيوب
بس فى فرق بين مشاكل عبيطة وهايفة او مش مشاكل اصلا وبين انى اصورلك الحاجات دى على انها كوارث ومصايب ملهاش حل فى العربية , ببساطة الانسان اللى عمل العربية مش كامل علشان يعمل حاجة كاملة ومعنى انك توصل للكمال انك وصلت للنهاية لأن خلاص هتطور او تعدل اية انت وصلت للنهاية

المشاركة الأصلية كتبت بواسطة mimysheckles

المشكله الوحيده اللى قابلتنى فى الكهربه
كنت فى مره رايح اسكندريه ومجرد ما دخلت البلد العربيه بدأت تقطع وفصلت
ادور مافيش فايده مش عاوزة تقوم ابدا
رحت التوكيل جاب عربيه وطلع معايا
قالى ممكن تكون طرمبة البنزين
فتح وكشف قالى تمام
وصل الكمبيوتر وقعد يلعب شويه
قالى دى الموبينه وهنغير الموديول بالمره
فعلا شال وركب ودور يا باشا العربيه دارت

بالنسبة للمبة
اللى علمتها معيا لمبة عداد الكيلومترات اللى فى التابلوه
ودى كلفتنى كتير عشان فك وتركيب التابلوه نفسه :)

اللمبة عاملة معاك اية دلوقتى وياترى مفيش لمبات تانى اتحرقت وجبت الصينى ولا الاصلى ؟؟ :):)
الحمد للة ناس معاهم اوبل اهو وبيتكلموا وبيأكدوا الكلام