أخوانى الأعزاء من فضلكم

**ashrafhosnyy** · 07-09-2008 04:57 PM

السلام عليكم ورحمة الله وبركانه
الأخوة الأعزاء الأفاضل
كل عام وأنتم بخير ورمضان كريم أعاده الله عليكم بكل الحب والخير والبركات
الحقيقة أنى سعيد وفخور جدا بأنضمامى الى هذا المنتدى الجميل المحترم والذى كل من به محترمون ويستحقون كل الأحترام والحب والتقدير
أخوانى الكرام
عندى مشكلة عايز آخد رأيكم فيها
عربيتى أوبل فيكترا A موديل 95
لم يسبق لها السمكرة أو أعمال دهانات أو أتفك منها أى حاجة ولا يركبها أحد غيرى من الزيرو
المهم ذهبت الى سروجى فى الضاهر لأن كرسى الساثق الظهر بتاعه كان سايب شوية
قالى أن الترس لازم يتغير ,انه لازم يفك الكرسى برة
خفت من فك الكرسى عشان جهاز الشد والكارت الأصفر اللى بيطلع لو تم الفك خطأ
لكنه طمأننى وقالى ماتخفش وأنه عارف جهاز الشد بتاع الحوادث وأنه فك كراسى أوبل كتير جدا
المهم لما استلمت السيارة وجيت أركب الحزام فوجئت أن اللوك مشدود لأسفل والكارت الأصفر طالع وكمان اللوك مش شغال يعنى مش بيمسك على الحزام
مهما أحاول أركب الحزام بيكون سايب ومش بيمسك عليه
فك الكرسى تانى وكل اللى عمله أنه رفع الجزء بتاع اللوك لكن برضه مش شغال مش بيقفل على الحزام
وكمان طبعا السيستم كله أصبح مش شغال والوير مش راكب مكانه والجزء بتاع اللوك مش راكب زى ما كان الأول
روحت توكيل منصور فى مدينة نصر
قالولى أن المفروض اللوك يكون بيقفل على الحزام ونظام الشد بتاع الحوادث بس هو اللى يكون مش شغال بعد الكارت الأصفر ما يطلع
وقالولى لازم أروح المركز اللى فى الهرم عشان يغيروا الجزء ده
أتصلت بالهرم قالولى أن الجزء ده مش موجود
أتصلت بتجار قطع الغيار قالوا أن محدش بيجيب القطعة دى لأن ماحدش بيطلبها
ودلوقتى الحزام مش شغال يعنى مش بيمسك أصلا
والسيستم بتاع الشد فى الحوادث طبعا مش شغال لأنه ما عرفش أصلا يركب الوير الى بيشد
أرجو الأفادة لو حد عنده فكرة عن حل المشكلة دى أو حصلت مع حد قبل كده ويقولى عمل ايه و حلها ازاى ؟

ولكم جزيل الشكر وكل الحب والتقدير والأحترام
أخوكم/ أشرف

**Ahmad Allawy** · 07-09-2008 06:57 PM

اشؤف بك.. اهلا بيك معانا و يا رب ترتاح معانا هنا و تحس اننا اخواتك..
المشكلة اللي عند سعاتك دي حصلت معايا بشكل حزئي..
انا شاري العربية و كانت عاملة حادثة.. و نظام شد الواير و الكارت الاصفر ده طالع اصلا..
سألت عليه قالولي انه مش موجود جديد.. و ده كان ف التوكيل مقار اللي ف البحوث..
سألت طيب ايه العمل.. قاللي الراجل شوفه استيراد.. و ده الحل الوحيد..
بيبقي في مكبس كده راكب جنب الكرسي تحت ختة الفيبر اللي جنب الحزام تحت القايم ف الارض..
ده بيتغير.. و الوار بيتركب.. و المكان اللي بيقفل علي الحزام بيتغير..
انا مستني اطلع طلعة بورسعيد جيب شوية حاجات للعربية من هناك بعد ما سمعت اسعار كويسة عن هناك.. و هاسأل عليه ان شاء الله.. ولو عرفت اوصل لأي حاجة هابلغ سعاتك باذن الله..
و انت لو فاضي ممكن تنزل كده الحرفيين.. و تسأل عند حد من بتوع الاوبل عن النظام ده.. لو ممكن يفكه من عربية .. و بيتهيألي انه ممكن يبقي موجود عادي.. لأنهم بينزلوا العربيات من برة سليمة و بتتفك و تتقطع هنا..
و انت برضه لو لقيت حاجة ابقي قولي.. عشان اجيبه من هنا اسهل..

**ahmedmaklad** · 08-09-2008 02:18 AM

allaway sorry bas howa so2al ahbal shewaya howa eih eli enta bet2ool 3aleh dah eih el kart we nezam el shad dah sorry ana mesh fahem

**Ahmad Allawy** · 08-09-2008 04:24 AM

براحتك يا باشا ولا يهمك..
في نظام كده في حزام امان الاوبل.. و في عربيات تانية كتير الماني يعني..
اسمه pretensioner
ده عبارة عن ايه..؟؟ في حاجة زي السنسور كده و مكبس زي المكبس بتاع المسدس كده..و الواير و الكارت.. ايه اللي بيحصل بقي.. هاقولك..
لو العربية لا قدر الله عملت حادثة.. او الكرسي اتفك بطريقة غلط..
بيقوم المكبس ده ضارب.. بيعمل ايه..؟؟ بيشد حزام الامان علي اللي قاعد علي الكرسي..
عشان لو حادثة بجد.. يمنعه من انه يخبط في القزاز او الدركسيون..
و لما المكبس ده بيضرب.. بيقوم الواير ده شادد.. ف القطعه بتاعت الحزام اللي هي جنب الهاند بريك.. اللي بيتربط فيها الحزام بيطلع منها كارت اصفر كده.. عليه علامة تعجب.. ! بيبقي ده تنبيه علي ان النظام ده ضرب.
و هو بيستخدم مرة واحدة.. يعني لو ضرب لازم يتغير بعد كده.. بس كده..
لو نزلت بصيت تحت الكرسي هتلاقي واير كده مربوط في الكرسي من تحت.. معدي تحت الكرسي بالعرض.. رايخ ناحية القايم..
ولو اخدت بالك ان في قطعه فيبر جنب العتبة من جوة بالظبط كدخ.. شملها بتتفتح من فوق..
لو فتحتها هتلاقي المكبس ده واضح جدا.. اتمني ان الشرح يكون وافي..
و ادي صورة فيها باين المكبس و الواير و المكان اللي بيمسك فيه الحزام.. بس ده مختلف شوية عن بتاع الاوبل.. بس نفس النظام بالظبط..

**ahmedmaklad** · 08-09-2008 10:52 AM

we bel sowar kaman:smile:
ana mesh 3aref 2a2olak eih dayman zan2eni keda shokran gedan ya abo 7med 3ala el 7aga el gamela di
ana be sara7a mesh 3aref ana 3andi el kalam dah wala la2a hanzel 2abos 3aleha

**ahmedmaklad** · 08-09-2008 10:56 AM

we ba3den ana kont lesa 3ayez 2ageeb farsh lil 3arbya bas ento keda hat7`wefoni 2ageeb 7aga 3ashan ha7`af 2afok el korsi be sara7a

**ahmedmaklad** · 08-09-2008 11:06 AM

المشاركة الأصلية كتبت بواسطة ashrafhosnyy

أتصلت بتجار قطع الغيار قالوا أن محدش بيجيب القطعة دى لأن ماحدش بيطلبها

جربت تنزل الحرفيين هي فيها بجد حاجات كتير اوي جرب تنزل الحرفيين في كتيييييييير هناك و ممكن اقولك على ناس منهم
1 - العايدي و ده في اول شارع الحرفيين شاب كويس و محترم و هتلاقي عنده حاجات كتيير
2- الشيخ احمد مكي ده راجل محترم اوي عنده ورشة بس مش قد كده و ده في الشارع اللي ادام الجامع و لو مش عنده ممكن يجيبهالك من بره
3- مركز الشاطر و ده برده في الشارع اللي ادام الجامع هتلاقي يافطة كبيرة عالية على عماره كده بس خليه اخر اختيار
4- في ناس تانية اسمهم النواصره و هما في شارع الحرفيين نفسه اللي بيطلعك على الجامع على اليمين و كويسين برده
انا جربت الناس ده كلها بس احسنهم العايدي و احمد مكي
و ممكن تسال العايدي على واحد هناك اسمه محمود اوبل ده كهربائي بس واد جدع قوي و فاهم كان بيشتغل في التوكيل و ممكن تلاقي عنده حاجة او يدلك او يركبهالك بس قوله انك من طرف م/احمد بتاع اكتوبر العربية الكحلي
حاول تشوف عند دول و ربنا يسهل

**Ahmad Allawy** · 08-09-2008 11:08 AM

المشاركة الأصلية كتبت بواسطة ahmedmaklad

we bel sowar kaman:smile:
ana mesh 3aref 2a2olak eih dayman zan2eni keda shokran gedan ya abo 7med 3ala el 7aga el gamela di
ana be sara7a mesh 3aref ana 3andi el kalam dah wala la2a hanzel 2abos 3aleha

طالما ماخدتش بالك من موضوع اللسان الاصفر ده..
يبقي ما شاء الله العربية عندك ماتخبطتش.. و اللسان مطلعش.
و المكبس ده مضربش..
دي حاجة كويسة.. :) :) لأنه لو كان طالع كنت هتاخد بالك منه و تسأل عليه..

**Ahmad Allawy** · 08-09-2008 11:09 AM

المشاركة الأصلية كتبت بواسطة ahmedmaklad

we ba3den ana kont lesa 3ayez 2ageeb farsh lil 3arbya bas ento keda hat7`wefoni 2ageeb 7aga 3ashan ha7`af 2afok el korsi be sara7a

لأ عادي يا باشا موضوع الفرش ده,., الفرش ممكن يتركب و الكراسي راكبه..
روح لحد كويس محترم.. هيظبطك ف الموضوع ده..

**Ahmad Allawy** · 08-09-2008 11:10 AM

المشاركة الأصلية كتبت بواسطة ahmedmaklad

جربت تنزل الحرفيين هي فيها بجد حاجات كتير اوي جرب تنزل الحرفيين في كتيييييييير هناك و ممكن اقولك على ناس منهم
1 - العايدي و ده في اول شارع الحرفيين شاب كويس و محترم و هتلاقي عنده حاجات كتيير
2- الشيخ احمد مكي ده راجل محترم اوي عنده ورشة بس مش قد كده و ده في الشارع اللي ادام الجامع و لو مش عنده ممكن يجيبهالك من بره
3- مركز الشاطر و ده برده في الشارع اللي ادام الجامع هتلاقي يافطة كبيرة عالية على عماره كده بس خليه اخر اختيار
4- في ناس تانية اسمهم النواصره و هما في شارع الحرفيين نفسه اللي بيطلعك على الجامع على اليمين و كويسين برده
انا جربت الناس ده كلها بس احسنهم العايدي و احمد مكي
و ممكن تسال العايدي على واحد هناك اسمه محمود اوبل ده كهربائي بس واد جدع قوي و فاهم كان بيشتغل في التوكيل و ممكن تلاقي عنده حاجة او يدلك او يركبهالك بس قوله انك من طرف م/احمد بتاع اكتوبر العربية الكحلي
حاول تشوف عند دول و ربنا يسهل

والله مش عارف اقولك ايه يا باشا..
انت بقيت خلاص مرجع ف الحرفيين.. :) :)

الموضوع: أخوانى الأعزاء من فضلكم

LinkBack

أدوات الموضوع

عرض

-

-

-

-

-

المواضيع المتشابهه

الى خبراء السيريون الأعزاء

عاوز رايكم يا أخوانى

أخوانى ملاك البيكانتو

الى ملاك اللوجان الأعزاء

أرجوكم فيدونى يا أخوانى

الكلمات الدلالية لهذا الموضوع

المفضلات

المفضلات

ضوابط المشاركة