الموضوع: اشاعات اشاعات - الحلقة الثالثة

المشاركة الأصلية كتبت بواسطة abdelaziz-waleed

قولت ما بدهاش طلعت على مقار الدقي اللي العربية بتتصين عنده من سنة 97 حتى الان. كشفوا على التكييف قاللولي عاوزة كومبريسور وخرطوم وسربنتينة.

واضح ان مقار هو التانى بيستهبل
انا حصل معايا الموضوع ده فى أوتوماستر برضه قالوا محتاج أغير كومبريسور و سربنتينة

فين ديافيا ده؟

المشاركة الأصلية كتبت بواسطة abdelaziz-waleed

انا مشكلتي مع التكييف ما زالت قائمة وهاحاول اقولها بسرعة كدة

اول ما اشتريت العربية كان في الشتاء اللي قبل اللي فات اواخر 2006
اول ما دخل الصيف التكييف اشتغل كويس وبعد كدة عطل.
اخويا راح عند واحد في مدينة نصر بتاع تكييفات نضفله الفلتر وشحنه واشتغل شوية وهوب رجع عطل تاني. سيبناه لغاية اوائل الصيف السنة ديه لأني كنت بعمل حاجات في العربية اولى من التكييف
راح اخويا الصيف ده لنفس الراجل بتاع التكييف. شحنه واشتغل لمدة اسبوعين وهوب عطل.
قولت ما بدهاش طلعت على مقار الدقي اللي العربية بتتصين عنده من سنة 97 حتى الان. كشفوا على التكييف قاللولي عاوزة كومبريسور وخرطوم وسربنتينة.
سيبتهم وطلعت على ديافيا اللي في كوبر القبة. المهم شحنو التكييف بفريون اصلي مش مضروب وحاطو عليه صبغة بحيث لو فيه اي تسريب يبان بعدها بفترة. والتكييف حتى الان بقاله تقريبا شهرين شغال زي الفل بدون اي مشاكل وتبريده هايل.
المشكلة دلوقتي اني فوجئت بتسريب بعض مياه صرف التكييف داخل العربية على الدواسة اللي جنبى والحمد لله اني عامل الارضية جلد.
روحت لديافيا نضفولي ماسورة الصرف ولكن المشكلة مازالت قائمة. رجعتلهم تاني قام العامل اللي هناك كشف عليها وقاللي ان اللعربية ديه مغيرة كويل وان اللحام فاكك وبيسرب مياه داخل السيارة. المهم عاملهولي بسيليكون وقاللي ماتشغلشي العربية يومين. نفذت زي ما قاللي وجيت اشغله لاقيت المياه لسة بتدخل جوة. روحتلهم قاللولي ان العربية محتاجة تيجي بدري علشان ياخدوها من اول اليوم ويشتغلو فيها علشان هاينضفو مكان اللحام ويلحمو الكويل من جديد. ان شاء الله هاروح بكرة او بعده واقولكم على اللي حصل

موضوع المايه سهل جدا
الغى السخن خالص
هتلاقى فى ماسورة داخله فى صدر العربيه عباره عن طرفين واحد داخل والتانى خارج
خليه يلغى الحوار ده ويوصل الداخل على الخارج على طول من بره من نغير ما يدخل فى صدر العربيه
عشان الوصله دى بتبقى متاكله ومصديه وعشان تغيرها حوار كبير
اعتقد محدش بيسخدم السخن للدرجه يعنى
هتلاقى موضوع المايه ده اتحل ان شاء الله

المشاركة الأصلية كتبت بواسطة NoNaMe

يعنى التكييف لما اتشحن عند حد بيفهم اشتغل كويس
مشكلة العربية دى انها عايزة اللى بمد ايدة يبقى فاهم مش حد بيعك او بيجرب وزى ماتيجى العربية دى مش بتاعة عك وفتى

كويل ولا سربتنينة السخن ؟؟ الكويل دة اللى مقصود بية ال evaporator بتاع التكييف ودة جواة فريون مش مية , المية بتتكثف على المواسير من برة وتتصرف برة العربية

اعتقد انت قصدك سربنتينة السخن ودى اللى بيبقى ليها وصلة مية من مية التبريد , لو اتخرمت غيرها متلحمهاش لأنها هتلاقيها مصدية ومتاكلة يبقى اللحام زى قلتة شوية وهيفك تانى زى معمل .. الموضوع دة كان حصل معايا فى اللانوس وجبت واحد استيراد زى الجديدة وشغالة تمام
وليها حل تاى تعمل by pass وتلغيها بس هتتروق فى الشتا

صح والله يا احمد كل يوم الواحد بيتأكد ان العربية ديه ما ينفعشي حد يحط ايده فيها غير واحد فاهم كويس اوي. بس انا كنت فاكر موضوع شحن التكييف ده حاجة بسيطة. بس للاسف التكييف ما اشتغلشي كويس غير لما شحنته في ديافيا وهما قالولي ان ممكن ان الفريون اللي كنت بشحن بيه قبل كدة كان مضروب او مش النوع المطلوب او مش الضغط المطلوب
اما بالنسبة لموضوع تسريب المية. ده بعيد تماما عن مياه التبريد لأنها ما بتنقصشي والتسريب ده جاي من الفايظ بتاع التكييف هو اللي بيدخل جزء منه جوة العربية لما بشغل التكييف بارد.
عموما برده انا هاكون معاهم خطوة بخطوة علشان اعرف فين المشكة بالضبط

المشاركة الأصلية كتبت بواسطة HNaga

واضح ان مقار هو التانى بيستهبل
انا حصل معايا الموضوع ده فى أوتوماستر برضه قالوا محتاج أغير كومبريسور و سربنتينة

فين ديافيا ده؟

فعلا مقار اصبحو في النازل على طول ولولا ان العربية بيتعملها الصيانة هناك من سنة 97 ما كنتش رحتلهم تاني. بس بصراحة العربية ما فيهاش الهوا والواحد يخاف يخلي اي حد تاني يحط ايده فيها. بس هما بس بيستهبلو في استسهال التغيير اي حاجة شيل وحط جديد وادفع يا صاحب العربية.

المشاركة الأصلية كتبت بواسطة mimysheckles

موضوع المايه سهل جدا
الغى السخن خالص
هتلاقى فى ماسورة داخله فى صدر العربيه عباره عن طرفين واحد داخل والتانى خارج
خليه يلغى الحوار ده ويوصل الداخل على الخارج على طول من بره من نغير ما يدخل فى صدر العربيه
عشان الوصله دى بتبقى متاكله ومصديه وعشان تغيرها حوار كبير
اعتقد محدش بيسخدم السخن للدرجه يعنى
هتلاقى موضوع المايه ده اتحل ان شاء الله

لا يا محمد الموضوع ده بعيد تماما عن مياه التبريد لأنها ما بتنقصشي والتسريب ده جاي من الفايظ بتاع التكييف هو اللي بيدخل جزء منه جوة العربية لما بشغل التكييف بارد.

المشاركة الأصلية كتبت بواسطة HNaga

فين ديافيا ده؟

احمد باشا علاوي كان كاتب العنوان في الاقتباس ده

المشاركة الأصلية كتبت بواسطة Ahmad Allawy

انا بصراحة ماعرفش ناس بتوع تكييف كتير.. بس اعرف انضف 2 في القاهرة..
واحد فيهم ديافيا الي واحد من الاخوة هنا مشكورا تكرم و قالك و نصحك بيه.. وده اللي بيعمل شغل التكييفات للعربيت الاوبل اللي بتتقفل في مصر..و ده في منتهي النضافة..
وو كمان في مقار.. بس دعه غسير مقار توكيل اوبل.. بس تبع نفس العيلة.. وليهم فرعين في مدينة نصر و فرع في المعادي اللاسلكي..

ديافيا:

17, Ismail Bek St., Kobry El-Qobba
Hadayek El-Qobba,Cairo, Cairo
Egypt
Phone : ‎+20 2 22570850
Fax : ‎+20 2 22570850(Tel & Fax)

ومقار:
25198167 المعادي
24011349 مدينة نصر
.

المشاركة الأصلية كتبت بواسطة NoNaMe

اذا كان انت بتقول سلكو خرطوم الفايظ يبقى المية دى جاية منين ؟!!
السببين اللى بعملو مية جوة العربية خرطوم الفايظ مسدود او سربنتينة السخن متاكلة

براحة شوية عليا يابو حميد
ياسيدي الفاضل مياه التبريد ما بتنقصشي عندي خالص
وموضوع التسريب ده بيحصل فقط لما بشغل التكييف بارد
واول ما اطفي التكييف التسريب بيتوقف
فا انا متأكد انها مياه الصرف وليست مياه التبريد على الاقل لأنها مش مياه خضراء.
عموما يا سيدي انا هاكون معاهم خطوة بخطوة