Terios 2x4ستاهل ولًا!!!!

**Rontato** · 15-09-2008 12:38 AM

السلام عليكم و رحمة الله و بركاته،،،
أرجو من كل اخوانى فى هذا المنتدى الفاضل ان يساعدونى ، فاننى اريد ان اشترى التريوس 2*4 المانوال، بس لما رحت المعرض اكتشفت انها تقريباً مافيهاش غر باور و زجاج كهربا أما باقى الابشنز فلا يوجد حتى طاسات العجل، تصوروا!!!
س انا فعلاً بحب العربية دى ، اخويا بيقوللى هاتى ماتركس اهى شبهها و فيها كل الابشنز.
سؤالى هل التريوس 2*4 رغم ان ما فيهاش اغلب الابشنز برضوا تستاهل اجيبها؟؟؟؟
بالله عليكم ساعدونى لحسان انا خلاص تعبت و بآلي كتير بفكر

**أبو عبدالله** · 15-09-2008 12:58 AM

أولا العربيه دي ليس هناك مجال لمقارنتها بالماتريكس خالص

ثانيا العربيه جيده واعتمادية وادائها جيد
ولا يوجد ما يعيبها غير ان الموديل ده الكماليات قليلة فيه فعلا
ولكن ممكن تشتري انتي جنوط والكلام ده بنفسك بعد كده
او هناك حل اخر انك تشتري الماتيريا فول اوبشن فهيا بجنوط وكل الكماليات اللي انتي عاوزاها

وانصحك بكثرة الأستخارة لكي ترزقي الخير اين كان ان شاء الله

**Rontato** · 15-09-2008 06:11 PM

شكراً على اهتمامك و ردك السريع يا ابو عبد الله، انا فعلاً بصلى استخارة كتير.
انا مش كنت بقارنها بالماتركس انا بس بقول ان كل الناس كل لكا اقولهم عاوزة اجيب تروس يقولولى طيب ما تجيبى ماتركس احسن. انا مش عارفة ليه كل الناس بترشحهالى.
الماتيرا حلوة الابشنز اللى فيها بس شكلها شوية غريب.
انا بس كنت عاوزة اتاكد ان التريوس تستاهل لانى بحبها اوى بس مش بفهم اوى اذا كانت دى عربية احسن وللا دى، يعنى زى اغلب البنات الشكل بيأثر فيا اكتر، فقلت اتاكد من اصحاب الخبرة.
و جازاكم الله كل خير على الاهتمام

**أبو عبدالله** · 15-09-2008 06:25 PM

هنا حلقات برنامج توب جير المشهور
ممكن تشوفي في الفيديو ده تجربة للتيريوس الجديده في اخر الحلقة
بس تجربة جامده بجد

http://www.mininova.org/get/1614818

**Rontato** · 17-09-2008 06:18 PM

عرفتش اشغل اللينك.....
اسمحلى اسالك اذا كنت محتارة بين التريوس 2*4 و السوزوكى sx4 ، مين فيهم افضل خصوصاً ان فيه شبه كبير بينهم خاصتاً السوزوكى الهاتشباكSX4

**hussein** · 17-09-2008 08:59 PM

نصيحتى ليكى لو بنت بلاش تريوس
على فكره انا عندى واحده :)

**أبو عبدالله** · 17-09-2008 09:06 PM

أنا رايي التيريوس افضل علشان السوق بتاع التيريوس افضل من السوزوكي
ده غير التوكيل واسعار قطع الغيار والكلام ده
وعربيه بتتباع بسرعه ومتهيألي ان عددها اكبر بكتير من السوزوكي في السوق دلوقتي

**Rontato** · 17-09-2008 09:27 PM

ايه السبب يا Husein ، انا شايفة اغلب اللى راكبنها بنات

**hussein** · 18-09-2008 06:15 PM

ايه السبب يا Husein ، انا شايفة اغلب اللى راكبنها بنات

العربيات ال 4x4 بتكون بتاعت شغل شاق و بالتالى عفشتها نشفه و كمان كرسيها مش مريحة زى السيدان و ثباتها طبعا اقل من السيدان علشان ارتفاعها عن الارض
فلو انتى مش بتمشى فى مناطق وحشة او صحرا يبقى كدا هتفقدى ميزات العربيه السيدان و مش هتستفيدى حاجة من امكانيات ال 4x4