اقتباس المشاركة الأصلية كتبت بواسطة mody112 مشاهدة المشاركة
الى الاخ silent~dream
انا افتكرت حاجة تانية وانا هناك بحاول اخلص الرخصة الجديدة قبل ما اقابل المخلصاتى هقولك عليها .
الموظفة اللى انا كنت مديها الرخصة بتاعتى كان معاها ملف بتاع مواطن تانى بيجدد التصريح برضه وعملتله ايصال الدفع ب 10 ج فهو راح مديها ال 10 ج وعليهم 20 ج كمان عشان تدفعهمله فى الجزنة لان الخزنة كان طابور طويل جدا جدا ودى 10 ج مش مستاهله واقفة تخيل قالتله ايه بكل بجاحة وعلى مراى ومسمع من كل الناس اللى واقفة وده كمان كان يوم السبت يعنى زحمة جدا جدا قالتله 20 ج بس خدهم يا حبيبى خليهملك وروح اقف فى الطابور زيهم قالها خدى عشرين كمان موافقتش اخدت فى الاخر 50 ج عشان تدفعله 10 ج فى الخزنة
الكلام ده حصل وانا واقف جنب الراجل على الشباك عند نفس الموظفة المرتشية وتقولى ادخل عند مين ياباشا انسى كله مظبط مع بعضه والا مكنوش جاتلهم الجراة انهم يطلبوا عينى عينك وبصوت عالى وبكل بجاحة
يا نهار ابيض ده مرور ايه ده هات 50 جنيه وش كده الحمد لله و الشكر ليه على المرور الى عندنا بس بردو لو مكانه مكنتش هدفع كنت هلف من الباب الثانى بتاع الموظفين وده لان الراجل الى قاعد عليه معرفه و ادفع ال 10 جنيه الى عليا من غير رشوه فى ثوانى و من غير طوابير ولا هم