اقتباس المشاركة الأصلية كتبت بواسطة chiko مشاهدة المشاركة
الصين مبتعملش لا مواتير و لا شاسيه .. بتاخد مواتير الشركات التانيه و الشاسيه و بتقفل عليه ..احيانآ بتكون مواتير راكبه في عربيات و نازل اصليه زي التويوتا و المتسوبيشي و احيانآ بتكون مواتير معيوبه و منزلتش في عربيتها زي ماتور الرينو في الاسكربيون ..

يمكن حضرتك قصدك تقول: "ما بتصممش مواتير ولا شاسيه"

الصين عندها من الإمكانيات إنهم يصنعوا أي حاجة.. المسألة كلها إنهم لسه بيتعلموا تصميم.. وعلشان كده بياخدوا تصميمات جاهزة ويصنعوها هما بخاماتهم.

وما أعتقدش إن بلد بحجم الاقتصاد ده وكونها أكبر مصنع للسيارات في العالم دلوقتي ما تكونش بتصنع مكونات صناعة أساسية زي السيارات

على فكرة... أنا كنت باشتغل في أحد المصانع المغذية للسيارات في برج العرب سنة 1999.. وكنا بنجيب قطع غيار من الصين ( أجزاء عمود الكردان ) ونجمعها في المصنع.

عموما.. كلها 10 سنين ونشوف تغيير كبير في فكرتنا عن المنتجات الصينية.



...