انا امبارح شفت نصف نقل ايسوزو صيني

**ايفيت** · 03-11-2013 04:14 PM

يا جماعه.انا امبارح شفت نصف نقل ايسوزو صيني. زي اليباني بالظبط.سئلت عليها .اقلولي دي يباني تقفيل صيني ايه رايكم فيا المتور يباني و الشاسيه يباني
و سعرها مش غالي
ايه رايكم فيا

**MaZaGAngeE** · 03-11-2013 06:55 PM

فين التفاصيل و الصور عشان نقدر نحكم

**chiko** · 03-11-2013 11:56 PM

الصين مبتعملش لا مواتير و لا شاسيه .. بتاخد مواتير الشركات التانيه و الشاسيه و بتقفل عليه ..احيانآ بتكون مواتير راكبه في عربيات و نازل اصليه زي التويوتا و المتسوبيشي و احيانآ بتكون مواتير معيوبه و منزلتش في عربيتها زي ماتور الرينو في الاسكربيون ..

**ايفيت** · 04-11-2013 10:32 AM

المشاركة الأصلية كتبت بواسطة ايفيت

يا جماعه.انا امبارح شفت نصف نقل ايسوزو صيني. زي اليباني بالظبط.سئلت عليها .اقلولي دي يباني تقفيل صيني ايه رايكم فيا المتور يباني و الشاسيه يباني
و سعرها مش غالي
ايه رايكم فيا

الصور هنا في الرابط

سيارة ايسوزو صينى موديل 2007 للبيع نصف نقل - ايسوزو سيارات في بنها القليوبية | دوبيزل مصر

**MaZaGAngeE** · 04-11-2013 11:30 AM

انا شفت عند ابوغالي العبور عربية jmc ربع نقل و تلت و نص و كانوا نفس العربيات الايسوزو موديل 95
و اللي زي الدبابة موتور و عفشة و قطع غيار الدبابة 95 ... و سعرها 80 و بالتكييف 83 و الاتنين باور و زجاج كهربا و جنوط سبور ..
و شفت العربية منتشرة بشكل معقول و سالت سواق عربية منهم شكر فيها

**ايفيت** · 05-11-2013 10:30 PM

المشاركة الأصلية كتبت بواسطة ايفيت

الصور هنا في الرابط

سيارة ايسوزو صينى موديل 2007 للبيع نصف نقل - ايسوزو سيارات في بنها القليوبية | دوبيزل مصر

ايه يا جماعه ٧٩ واحد دخلو و متكلمش يريت نفيد بعضنا

**MaZaGAngeE** · 05-11-2013 10:44 PM

المشاركة الأصلية كتبت بواسطة ايفيت

ايه يا جماعه ٧٩ واحد دخلو و متكلمش يريت نفيد بعضنا

انت عاوز راي في العربية دي تحديدا ؟

من الصور مش مرتاح ليها .... زي ما تكون كده نصين و متلحمين ... و زراير الزجاج بتاعة عربية دوبل كابينة و العربية كابينة واحدة !!

لو انت عايز راي عموما في الربع نقل الصيني ::: انا قلت رايي قبل كده و العربية دي اكتر عربية صيني انا شفتها منتشرة

**ahmedesmat1987** · 05-11-2013 11:39 PM

متابع

**Ahmed sahab** · 19-11-2013 09:48 AM

بصوا ياجماعة بحكم 9 سنين او اكتر شغال على ميكروباص وكان ميكروباصي الحمد لله نزل ميكروباص صيني اللى كل عارفة اللى صوتة عالي قوي ، من عيوب الصيني عامة انه مش بيعيش او مش بيعمر كتير يعني اقولكم امثلة واقعية حصلت قدام عيني والله العظيم واحد اشتري ميكروباص جديد لسه ممشيش وراح عمل شغل فى العفشة (بيض ومقصات) وسيارة مش مشيت 100 كيلو ولا حتي 50 ك والتاني يعد شهر الشكمان انقطم زى الخيارة نصين بالعربي ودا مبيحصلش فى الياباني ينخرم ماشي انما قطم ولوحدة صعبه قوي
العربيات الصيني عامة عايزة محافظة شديدة ورجل حنينة عليها واى عطل يحصل متهملش فيها ومتسخسرش عليها اي حاجه
بالنسبة للجري على الطريق كان فى ميكروباصات صيني بتجري زيها زى التويوتا بصراحة بس دي حالة نادرة لما كنت الاقي عربية كدة
انما كل الميكروباصات عموما كان تجميعها فى البداية بطئ بعد 100 تبدا تنطلق معاك لعند 140 مستريح وقليل بقة اللى بيعدي السرعة دي علي عكس الياباني تجميع اسرع وسحب احسن وتعدي 140 براحة لو عربية نظيفة
الشعب المصري عايز يحمل حمولة قوية ويقفل العداد بعربية صيني مع انى سافرت 200 ك بميكروباص صيني لقيته خفيف ورق على الطريق خصوصا على سرعة 120 والملفات مش احكيلك بقة مفيش حاجة خالص
الخلاصة من الاخر الصيني حلو بس اللى يحافظ عليها ويصرف على السيارة لما تعطل مش يبخل عليها ويجيب قطع غيار صيني
بالنسبة ليا انا ناوى ان شاء الله اجيب نص نقل صيني ومش عيب انك تركب صيني هنا فى السعودية فى حاجة اسمها جريت وول دير 2 كابينة تحفة بجد
سامحونى على الاطالة عليكم

**mitooth** · 01-12-2013 06:57 PM

بصراحة وعن تجربة شخصية معايا ديماكس صينى موديل 2009 فابريكة بره وجوه من الزيرو عمرها ما زعلتنى كل شغلها كان ورا عربيات نقل تشيل كاوتش صيانات وقطع غيار وعمرها ما زعلتنى
انا عارضها للبيع للى حابب يشترى وسبب البيع الوالد توفى وتصفية الميراث والعربية ورقها خالص مرفوعة بقالها سنتين
ديماكس جينباى 2009 للبيع فابريكة برة وجوه - ايسوزو سيارات في العاشر من رمضان الشرقية | دوبيزل مصر