العربية بتبطل لما اشيل كبل من البوجيهات

**ahmedkasem** · 03-11-2013 05:21 PM

العربية عندي لما اشيل اي كبل من الكبلات الاربعة بتاعة البوجيهات العربية بتبطل
مع العلم ان العربية مش متلتة وماشية اريعة عادي والمكنة مظبوطة

اخر صيانة في العربية كانت من اسبوع
غيرت طقم رشاشات وحساس الكولانت والتي بي اس وحساس ماف استيراد وايدل كنترول وكلهم كانو من نص واحد وغيرت فلتر هوا وفلتر بنزين وغير الزيت والفلتر وقبل ما اغير الرشاشات بشهر كنت حاطط منظف الرشاشات stp في التفويلة
مع العلم اني لما غيرت الحاجات دي السلانسيه مكنش مظبوط وكان عالي والار بي ام معدي 1
بس ظبط السلانسيه من المسمار اللي تحت بكرة السلانسيه اللي موجود في المانفولد
والسحب تمام والاستهلاك اتحسن شوية عن الاول

بس المشكلة دلوقتي اني جيت اكشف على البوجيهات بطريقة اني اشيل الكابل واشوف الشرز اللي طالع منه لقيت ان العربية بتبطل في ساعتها بمجرد ما اشيل الكبل
والموضوع ده بيحصل مع اي كبل من الكابلات الاربعة

ياريت اللي عنده فكرة عن سبب المشكلة دي يفيدني

العربية فيكترا 2000 cc موديل 95 اتوماتيك

**besso** · 03-11-2013 06:54 PM

طيب فيه رجرجه طيب فى الماتور

لان ده حاجه من الاتنين يا اما انت مقلل السلانسيه بتاع المحرك فالبتالى لما تشيل بويجه الماتور مش بيقدر يكمل فى الدوران
او انت عندك اصلا بوجيه فاصل

**ahmedkasem** · 03-11-2013 07:11 PM

المشاركة الأصلية كتبت بواسطة besso

طيب فيه رجرجه طيب فى الماتور

لان ده حاجه من الاتنين يا اما انت مقلل السلانسيه بتاع المحرك فالبتالى لما تشيل بويجه الماتور مش بيقدر يكمل فى الدوران
او انت عندك اصلا بوجيه فاصل

مفيش رجة في الماتور والسلانسيه مظبوط
ومعتقدش ان في بوجيه قاطع لان العربية مش متلتة
والمفروض حتي لو في بوجيه قاطع لما اشيل الكابل بتاعه يفضل الوضع زي ما هو
لاني جربت اشيل كابل كابل وبرضه العربية بتفصل لما اشيل اي كابل من الاربعة