الموضوع: استحلفك بالله ان تنشرها بسرعة :)

الزتونه بتاعت الموضوع
ان هو بيعمل دعايا لصفحته ازاي علي قفانا وكل ما ناس بتعمل ليكات اكتر وشير اكتر ناس اكتر بتشوف البوست وتبتدي الليكات علي البيدج
اقوم انا عامل ايه مدون الصوره وراجع عملها ابلود عندي وهو لو نيته في الثواب هياخده انما نيته تانيه ربنا يحاسبه
الموضوع دا سهل
انما ايه رايك في الي بيقولك اضغط alt مثﻻ مع 4 وشوف الصوره هيحصل ليها ايه
او اكتب خمس خمسات وهنطلع نحلق ليك دقنك
بعيد عنك غباء بالفطره

المشاركة الأصلية كتبت بواسطة y a r i s

طبعاً الموضوع مش موضوع فوطة او سبت الغسيل
ولكن الموضوع الذي اريد ان افتحه هو

تجارة الدين في الفيس بوك !

ازاااي هقلك ... كل شوية وانا بقلب صفحات الفيس بوك. الاقي صفحة المفروض انها متخصصه في النكت مثلاً. ابص الاقيها حاطة صورتين. صورة دينية وصورة لاعب كورة. ويقلك صورة الاعب حازت على ٢٠٠ لايك معقوله الصورة الدينية متحصلشي على ٣٠٠ لايك !!

المشكلة ان ببقى في صراع داخلي من جوايا بمعنى ... من جوايا بقول كده طييييب ادباً ليكم مش هحط لايك علشان تبطلو تتاجروا بالدين يا ولاد التيت لكن بمجرد ما اقلب في الفيس بوك واشوف صورة لننانسي ولا صوة اليسا. واقوم احط لايك بلاقي ضميري بيئنبني والاقي نفسي بتكلم نفسي وهيا بتقولي اااااااااه يا كافر ياعدو الدين. كنت هتخسر ايه. لو كنت حطيت لايك على الصورة الدينية .

وببقى في صراع نفسي انا وضميري احط لايك ولا ماحطش !!!

ايه رئيكم انتم يا شباب. هل انا صح ولا انا غلط. وانتو لو كنتم مكاني بتحطم ولا بتنفضوا لتجار الدين ( بمعنى انتا صفحة متخصص بالنكت مالك انتا ومال الادعية او صور دينية او حتى الصور السياسية ). يعني بجد الفترة الاخيرة كل الصفح يحطلك صورة شخصيتين سياسيتين ويقلك الي عاوز ده يحط لايك والي عاوز ده كومنت ، يعني الموضوع زاد عن حدوا وبقه يفقع المرارة .

وكل واحد مزنوق في لايكات يقوم حاططلو بوست ديني ... يعني انا شايفها تجارة دين ياترى انتم شايفينها ايه !!

@@@@@
وتحياتي

ههههههه كلنا هذا الرجل نفس احساسي ياباشا بس انا بعند ومش بدوس لايك ولا ابالي لانه الهدف منها تجميع لايكات مش بهدف اعطاء موعظه دينيه ولا اي شيء فيها افاده شرعيه وما بني على باطل فهو ايه ؟ ... بااااااااطل