اتوماتيك ولا مانيوال؟

**inspiron** · 08-11-2013 07:03 PM

المشاركة الأصلية كتبت بواسطة osha966

- يا فندم مع احترامى لكلامك ..كل كلامى من ملاك فنتازيا 2009 -2010 أصدقاء وسمعته بنفسى منهم ورقم ال 58الف سمعته من صاحب السيارة نفسه وكان لسة جاى من التوكيل قالوله الفتيس عايز تغيير بالكامل. وطبعا أولا وأخرا لو الواحد محافظ على العربية وصيانات دورية وقيادته هادئة أعتقد صعب يهلك الفتيس ..لكن احنا بنقارن بين فتيس الأسكودا وفتيس اليابانى مثلا البيعيش 250الف بدون مشاكل.. ده ال عندى.

فكرتني حضرتك بفتيس اللانسر اللي كانت معايا في 2007 والفتيس ال سي في تي باظ علي 134000 كم لوحده.
المسألة مش concept ومربط الفرس زي ما قولنا الالتزام بالصيانة في موعدها المحدد

**mo7a_mo7a** · 09-11-2013 12:08 AM

مانيوال طبعاً

**inspiron** · 09-11-2013 07:56 PM

المشاركة الأصلية كتبت بواسطة meero31

كلام مظبوط أنا معايا 2009 مانيوال بس بصراحة أنا مش عارف أي فئة أنا حقول اللي فيها وياريت اللي يعرف دي أي فئة يقولي لو سمحتوا :-

هيا 4 زجاج كهرباء و كاسيت عريض ( إضائته لونها أخضر رائع جداً ) ومثبت سرعة و 2 أيرباج و eps - esp - وحاجات تانية كدة مش عارف بتاعة أيه و 2 ثلاجة .

esp !!!! no way

**hmhmmam** · 13-11-2013 11:21 PM

السلام عليكم جميعا
الاخ الكريم abayoumi بعد قرائة جميع اراء اخواتك فى المنتدى مفيش قدامك غير حل واحد وهو
صلاة الاستخارة وبعدها العربية اللى حتلاقى نفسك مستريح ليها وعملية شراها ماشية زى السكينة فى الحلوه تبقى هيه دى نصيبك ومبروك مقدما

**osha966** · 14-11-2013 04:23 PM

المشاركة الأصلية كتبت بواسطة mazgangy

مانيوال طبعا انا معايا 2008 مانيوال وبالعقل كده بنشترى عربيه مستعمله منعرفش اللى كان راكبها استعماله وصيانته ايه فحنقول فى مانيوال رجله تقيله على الدبرياج زى الوضع عندى ومغيرش طقم دبرياج فحغيره انا تكلفته مثلا من 700 ل 1500 لكن لو كنت جبتها اوتو بقى وكان سواقته شاقه للفتيس ومعملش صيانه كنت حلبس فى كام؟؟!!! :d ومحدش يقولى ما حنكشف كويس على فتيس نفترض فى كشف كان تمام وحظى طلع وحش وظهر عيب بعد شراء بشهر والا 2 والا 3 حيكون مبلغ اكيد مش بسيط فانا بقول امن وعيش مطمن احسن :d وانا كنت فى نفس الحيره وجبت مانيوال ومش ندمان الحمدلله

- كلامك سليم 100% أنا رأيى أن ماحدش يشترى أوتوماتيك مستعمل أبدا فى مصر لأن تعويرته جامدة أوى.. الا ماندر