عمرها ما حصلت لك ؟

**Eng_Doaa** · 04-11-2013 08:02 PM

عمرها حلصت لك قبل كده ؟؟

يبقى عندك وقت الرخاء صحاب كتير و الدنيا حلوة و مزهزهة ..
و ييجى الابتلاء عشان يفوقك و يفكرك أنه أنت مش بصحابك و لا بشطارتك و لا بذكائك هتخلص موضوعك ..
ييجى الابتلاء عشان يقطع بينك و بين الخلق العوالق ..
بييجى الابتلاء رحمة بيك و بقلبك اللى قسى له زمان مش فاكر ربنا ..
بييجى الابتلاء و مش بتلاقى حد جنبك حتى اللى أنت كنت فاكرهم أصحابك المقربين .
بييجى علينا الابتلاء عشان تعرف أن الدنيا محطة فقط فى طريق حياتنا . لسه أماك حياة طويلة فى البرزخ و لسه يوم القيامة و لسه الاخرة إما إلى جنة و إما إلى نار .

سبحان الملك . المدبر . المهيمن . القريب . الصاحب فى كل حال .
إليه يرجع الأمر كله هو الملك لا شريك له و لا ند له .

تفكر فى وقت الابتلاء .
تفكر فى حالك مع الله تبارك و تعالى ...

يارب لا تحرمنى القرب منك فى شدة أو رخاء يارب العالمين .
امين يارب .

**RAPID** · 04-11-2013 08:15 PM

جزاك الله خيرا
الدنيا دى باللى فيها مقلب كبير
هى فرصة لجمع الحسنات وعمل الصالح ليوم لا ينفع فيه مال ولا بنون
والغفلة واخدانا بشدة وكتير منا نسى الهدف والغاية من حياته
ربنا يتولانا برحمته ويحسن ختامنا جميعا اللهم امين

**mmolazem** · 04-11-2013 08:24 PM

يبتلى المرء على قدر دينه
و يأتى فى المقدمة الأنبياء كأعظم الناس إبتلاءً فى الدنيا . . . ثم الصالحون كلٌ على قدر طاقته
و ذلك لأنهم الأقدر و الأشد صلابه على تحمل البلاء اكثر مما يتحمله الآخرون

**monamize4** · 04-11-2013 08:42 PM

المشاركة الأصلية كتبت بواسطة Eng_Doaa

يبقى عندك وقت الرخاء صحاب كتير و الدنيا حلوة و مزهزهة ..
و ييجى الابتلاء عشان يفوقك و يفكرك أنه أنت مش بصحابك و لا بشطارتك و لا بذكائك هتخلص

بييجى علينا الابتلاء عشان تعرف أن الدنيا محطة فقط فى طريق حياتنا . لسه أماك حياة طويلة فى البرزخ و لسه يوم القيامة و لسه الاخرة إما إلى جنة و إما إلى نار .

المشاركة الأصلية كتبت بواسطة RAPID

الدنيا دى باللى فيها مقلب كبير

والغفلة واخدانا بشدة وكتير منا نسى الهدف والغاية من حياته

LIKE ,,,,,,,,,,,,,,,,,,

**مصطفى-حسن** · 04-11-2013 08:51 PM

يدك وحدها تمسح دموعك
والصديق الحقيقى عملة نادرة جدا

**Ahmed_selmy** · 05-11-2013 08:03 AM

قديما قالوا " الصديق وقت الضيق", فى اوقات الازمات بتبان معادن الناس , اللى بيحبك من اللى بيكرهك, اللى بيعرفك علشان مصلحه واللى بيعرفك علشان انت.
للاسف 90% من الصداقه دلوقتى بقت مصالح وبس