الموضوع: فلوانس 2014 من القاهرة لشرم ثم القاهرة ثم شرم

المشاركة الأصلية كتبت بواسطة osamasindbad1

- لو مش عامل قفل الأطفال الباب الخلفي يفتح حتى لو السنتر مقفول. وبكده انت مش محتاج lock اللي بيبقى في الباب نفسه وده في نظري عيب.
برده مش فاهم النقطة دى كويس....لو حضرتك بتنسى تقفل القفل الكهربا بتاع الأطفال...أستخدم القفل الميكانيكى الدائم اللى فى جنب الباب و هتستريح من الموضوع ده على طول
لا كده انا توهت منكم ايه قفل كهربا وميكانيكي ده هو فيه سنتر لوك بيقفل الابواب اول ما العربيه تتحرك وده لتامين الابواب من الخارج عشان محدش يفتح العربيه عليك من بره وفيه قفل ف باب الساءق عشان قفل الابواب الخلفيه للاطفال انما مش فاهم يا استاذ بوكلا تقصد ايه بانه لو نسي يقفل القفل الكهربا يستخدم القفل اللي في الباب ياريت توضيح بعد اذنك انا معايا فلونس 2011 e3 وكان معايا قبلها ميجان كان نفس النظام وشكرا

بالنسبه للقفل الميكانيكي ده عبارة عن قفل في الباب من ناحية الكالون في سمك الباب نفسه المفروض انه مايخليش الباب الخلفي يفتح من الداخل ابدا بس للأسف مش موجود في الفلوانس موجود في بعض موديلات رينو الأخرى

المشاركة الأصلية كتبت بواسطة redshot

هيا فئه ال s2 فيها بلوتوث ؟ و لو فيها بيشتغل ازاي ؟

فيها ياباشا
بتدوس على ال setting بتاع الكاسيت وبعدين بتطلع وبتنزل من البكرة الكبيرة هتلاقي حاجة اسمها phone setting هتخش عليها وتعلم على enable Bluetooth وبعدين تعمل بحث بالتليفون هتلاقي جهاز اسمه my radio تعمل توصيل واقتران والكود تقريبا (0000) وتعمل لحد 5 تليفونات بس ماينفعش توصل اكتر من واحد في كل مرة
لو قابلتك مشكله قولي

المشاركة الأصلية كتبت بواسطة ALshahba

بس كده معدل الاستهلاك للبنزين كويس
وياريت التوصيح >> هو السنتر مابيقفلش الابواب الخلفيه ؟؟

بيقفل الباب بس لأن المصوجر داخلي مش باين زي الأوكتافبا كده بيخلي أي حد يفتح الباب من جوه يتفتح بسهوله حتى لو السنتر مقفول
هو كل الأوربي كده حتى ال bmw والمرسيدس الأربعه ابواب الأوكرة بتفتح الصوجر مش الأبواب الأماميه فقط زي الأسيوي
لو الطفل حاول يفتح الأوكرة حتى لو السنتر قافل الباب هيفتح
لازم أعمل قفل الأطفال
وقفل الأطفال بيقفل البابين اللي ورا بس زجاج وأوكرة حتى لو السنتر فاتح
وقفل الأطفال مابيعملش حاجه في الباب اليمين زجاج او اوكرة

المشاركة الأصلية كتبت بواسطة ramymechanics

باشا ميرضنيش يبقى معاك فلوانس وناقصك حاجة ... فى مسند الباب بتاعك هتلاقى آخر زرار تحت بعد الأربع زراير بتوع الإزاز بتاع السنتر اللى ورا لو دست عليه ونور أحمر الباب اللى ورا مش هيفتح إلا اما تدوس عليه تانى لكن الأبواب اللى قدام لو فتحت الأكرة هتفتح لأن المفروض اساسا مفيش اطفال تقعد فيها ... مع الفلوانس مش هتقدر تغمض عينيك

شكرا لإهتمامك انا فعلا عارف الزرار ده بس مشكلتي لو نسيت اعمله مع الطفل هو ده اللي مزعلني لكنها عربيه ممتازه وفعلا بتمنى ربنا يخلقلي مشاوير عشان اسوقها خصوصا اني في شرم مش محتاج اروح بيها الشغل