اقتباس المشاركة الأصلية كتبت بواسطة egyptiandiver مشاهدة المشاركة
ربنا يصبرك... و بعد المصاريف و وجع القلب و الجري ورى الصنايعية تاخد حاجة معقولة. رأيي وفر وقتك و مجهودك و فلوسك، و جيب حاجة تدور و تمشي أضمن و أريح، يا راجل بلا وجع دماغ، مكانيكي و الباش مهندس ركب صح و ركب غلط و قطع الغيار هتكون معظمها صيني ده لو لقيت... يا راجل ده أنا كام شهر و أتم 40 سنة (مواليد 74) و سمكري و بهيجي و كهربائي و قطع غيار و اشي مضروب و اشي أصلي و اشي مصدي و اشي دايب يا رجل بلاش مرار.... ربنا يعملنا الصالح أجمعين. أخوك أحمد - و أنا و الله كاتب كدة عشان قلبي عليك و على تعبك و وقتك و فلوسك. الواحد فينا ربنا أعلم بيجيب القرش و يتمكن بعد دعاء الوالدين إنو يشيل قرش ازاي...

كلام منطقى ومفيهوش غلطه الله يبارك فى حضرتك..

بس اسمحلى افضفض مع اخويا واخوتى بالمنتدى وخاصه قسم فيات..
اللى انا بعتبره جراجى الافتراضى ههههه..

كل الحكايه انى نفس اللى حصل معاك هو اللى حصل معايا ومع اغلب الاعضاء المحترمين
اللى كانوا لسه على قدهم فى حكايه العربيات دى..

لحد ما لاقينا اللى يدلنا من ناس محترمه زيكوا او زى ناس محترمين زى القائمين على المنتدى..

المهم علشان ما طولش عليك ..

انا نفسى اركب عربيه امكانيات ورفاهيه ودى حاجه مش موجوده غير فى الجديد..صح ولا انا غلطان؟

تانى حاجه انت قولت الجنيه متعوب فيه وجاى بكرم من ربنا ودُعا الوالدين..سليم

انا يمكن اصغر منك حاجه بسيطه بتاع 7 8 سنين هههههههههه..(يا عجوز ههههههه )
وعندى ولدين وانا موظف ههههههه مش هقولك انا اعمال حره ولا حاجه ههههه...

فامفيش امكانيه للجديد...ونفس الكلام على حاجه بحالتها.

فا بما انى كده هصرف وكده هصرف يبقى ابنى عربيه من الالف للياء..
حسب امكانياتى حاليا ..وادينى بتسله ...
واوعدك مفيش صنايعيى هيعمل حاجه على مزاجه كله بامر الله من اللى انا عايزه ..
مش هصلطحها تانى ههههههههههههه ..

وربنا يخليكوا لمصر يا رجاله ههههههههههه..
تحياتى