صوت خبط مع كل الغيارات... إحتارت معاه

**Zing0** · 05-11-2013 09:53 PM

السلام عليكم زملاء الكفاح معه العنيده الروسية لادا

عندى مشكله مضايقاتى جداً, خبط مع كل الغيارات صوته واضح جداً
بيظهر أكتر لما أكون مور و نازل كوبرى أو مور علشان مطب و أرجع أعشق الغيار علشان أزود سرعة, بس هو واضح فى كل الأحوال.
الصوت من تحت, كأن حاجه مفكوكه أو فيها بوش و بتعمل خبطه واحده مع كل غيار حتى فى المرشدير

أكشف على أيه لأن الميكانيكيه إللى عندى على قدهم
و مش عارفين يوصلوا للسبب, كل ما أقولهم إكشفوا , ينزل الواحد منهم تحت العربية و يطلع يقولى مفيش حاجه
أومال الصوت ده منين؟ !!!

**فبريكا** · 05-11-2013 10:32 PM

لو حضرتك عايز ميكانيكي كويس انا اعرف واحد .

**eng.salama93** · 06-11-2013 12:08 AM

الكردان و الكرسي بتاعه

**elmkaneeki** · 06-11-2013 12:14 AM

صلايب الكردان او الفلانشة

**Zing0** · 07-11-2013 02:18 PM

طيب هل الفتيس أو الدبرياج له علاقه بالخبط ده؟ يعنى لو إفترضت (مجرد إفتراض) إن الميكانيكية إللى عندنا فاهمين و كلامهم صح, هل ممكن يكون الموضوع ده بسبب عدم ضبط حاجه من دول (دبرياج أو بلية أو ....)

**maheralsisi** · 27-11-2013 10:04 PM

اهلاااااااااااااا يا باشا واحشنى
الخبطة اللى عندك دى لو بتظهر بس معاك و انت بتدى الغيار و بعد كده بيروح يبقى الفتيس مافيهوش حاجة دى كردان او صلايب او كرسى النص عاوز يتغير كده يعنى (بس كرسى النص بيرزع فى العربية من تحت بعد ال تقريبا مش فاكر بالضبط .
الخبطة لو على المور او و انت بتاكل المطب من غير غيار دى ممكن تكون قواعد الفتيس
يا عم ريح نفسك ما انا قلت لك تعالى و انا اوديك لمحمد و الله امين و ممتاز هو ووالده بس عارف المشوار بعيد عليك

شفت يا عم شكلى راجع للادا تانى يعنى راجع تانى
مكتوبة علينا

**Zing0** · 30-11-2013 12:14 AM

ألف شكر يا أستاذ ماهر, بجد واحشنى أوى
إن شاء الله هأحاول أتصل بيك و أضبط يوم نتقابل و نروح لمحمد طلبه, و ربنا يستر

و أهلاً بيك تانى فى أحضان روسيا LADA
كنت رشحتهالك تانى بعد موضوع اللعنه و اللانشيا ديدار

Keep in touch ,please.

**maheralsisi** · 30-11-2013 01:26 PM

و الله انا ممكن اركب كذا عربية يعنى مثلا الاسكودا الفيليشا و الفافوريت و الشاهين بس تصدق بالله ما مرتاح فى حاجة من دول غير اللادا
لحد ما ربنا يفرجها و اغير تانى علي يابانى او المانى

**Zing0** · 30-11-2013 10:25 PM

صدقنى اللادا بالنسبالك أحسن إختيار
مش علشان اللادا حلوة , كلنا عارفين أنها أفضل أداة تعذيب على الطريق
بس علشان أنت فهمتها تقريباً, يعنى عرفت لما يحصل إيه تبص على أيه فيها و دى أهم ميزة بالنسبالك مش هتلاقى أى عربية تانية تريحك فيها
ربنا ييسر لك أمرك

توكلت على الله فمعلش إستحملنى
كنت عاوز أرخم عليك و أشوفك و توصى عليا محمد طلبه
شوف ظروفك و مشاغلك أيه و رد عليا عالخاص, ممكن مش اليومين دول خالص لو مش فاضى, براحتك يعنى , و حسب الظروف و الميعاد إللى يناسبك.
جزاكم الله خيراً

**youssef_elgbaly** · 11-12-2013 03:44 AM

صليبة الكردان تعمل معاك صوت ترن فى الطلعة او لو بايظ خالص هاتسمع صوتها فى كل الاحوال ترن ترن كده
بالنسبة لفلانشة الكردان لو الكاوتش قطع هاتعمل معاك خبط جامد اكنى بترمى للعربية وواحد بيزقك وبترميهلها علشان تدور ولو باظت خالص بيجى حديد على حديد والعربية تكلبش فى مكانها
كرسى النص لو بايظ يعمل معاك دردرة
اتاكد من قواعد الموتور واتاكد من قاعدة الفتيس واتاكد من مستوى زيت الفتيس واتاكد من كرسى النص واتاكد من الكردان مربوط كويس فى االكرونة