استشارة بخصوص عقد ابتدائي

**semsem85** · 06-11-2013 02:29 PM

كان احد زملائي بيستشيرني علي حاجه قولت اسألكم واخد رأيكم
هو بيشتري في عربية لكن فلوسه هتجهز اول شهر 2 قبراير وعاوز يخلص في عربية حالتها كويسه اتفق هو والبائع علي انهم يعملو عقد ابتدائي ويدفع الان 2000 جنيه عربون والباقي يكون في المده المحدده شهر 2 واذا حد رجع في اتفاقه بين الطرفين علي الطرف الذي اخلي بالاتفاق يدفع شرط جزائي للاخر 3000 ج ايه رايكم في الموضوع ده

**airfox** · 06-11-2013 02:41 PM

هو الكلام ده بيحصل بس الفتره اللي شوفتها ماكنتش كبيره كده لو هو ضامن الراجل يعني معرفة ماشي انما لو ما يعرفوش لا بلاش لان اليومين دول مافيش حاجه مضمونه

**semsem85** · 06-11-2013 03:06 PM

لا هو ميعرفهوش وقولتله كده ممكن ينصب عليك قالي ما هو العقد من نسختين ومكتوب فيه بيانات كل شخص وهنصور البطاقة الشخصية وفي شهود علي العقد وهو شايف انه شخص محترم حتي لو نصب عليه هينصب عليه في 2000 ج هيعرف يجيبه لكن العربيه عجباه جدا وبيقول متتعوضش ومش هيلاقي زيها بس

**airfox** · 06-11-2013 03:17 PM

و الله الصراحة مش عارف اقولك ايه لو يقدر يستلف الفلوس و يخلص فيها يبقي احسن الصراحه محدش مضمون ولا عقود ولا صور بطاقة و لقدر الله لو اتنصب عليه و ناوي يرفع قضيه هياخد وقت كتير و يمكن يصرف اكتر من ال2000 علشان يرجعهم

**semsem85** · 06-11-2013 03:23 PM

المشاركة الأصلية كتبت بواسطة airfox

و الله الصراحة مش عارف اقولك ايه لو يقدر يستلف الفلوس و يخلص فيها يبقي احسن الصراحه محدش مضمون ولا عقود ولا صور بطاقة و لقدر الله لو اتنصب عليه و ناوي يرفع قضيه هياخد وقت كتير و يمكن يصرف اكتر من ال2000 علشان يرجعهم

ربنا يكرمه بس هو في حد بيسلف دلوقتي 70000 الف جنيه مفيش

**ibnelfared** · 06-11-2013 03:29 PM

الفترة كبيرة ولكن ينفع عادى م افيش مشكلة بس المهم ياخد ضمانتة من البائع عشان ما يضيعش عليه المبلغ بس وطالما فى جدية من طرف قريبك يبقى مش هيخاف من الشرط الجزائى

**semsem85** · 06-11-2013 03:36 PM

المشاركة الأصلية كتبت بواسطة ibnelfared

الفترة كبيرة ولكن ينفع عادى م افيش مشكلة بس المهم ياخد ضمانتة من البائع عشان ما يضيعش عليه المبلغ بس وطالما فى جدية من طرف قريبك يبقى مش هيخاف من الشرط الجزائى

هو ااكيد في جدية من الطرفين بس ايه الضمانات اللي حضرتك شايف ممكن ياخدها من البائع غير العقد وصورة بطاقته

**airfox** · 06-11-2013 03:48 PM

مفيش ضمانه زياده غير وصل امانه و محدش هيكتب علي نفسه وصل امانه هو بقي يروح بيته و يتاكد انه نفس عنوان البطاقه

**semsem85** · 06-11-2013 04:08 PM

المشاركة الأصلية كتبت بواسطة airfox

مفيش ضمانه زياده غير وصل امانه و محدش هيكتب علي نفسه وصل امانه هو بقي يروح بيته و يتاكد انه نفس عنوان البطاقه

انا من وجهة نظري ان زميلي يدفع 1000 جنيه عربون وفعلا يتاكد من عنوانه وبس كده حتي لو طلع نصاب ميخسرش كتيررر بس لو زميلي هو اللي رجع في كلامه ومشتراش العربية هل البائع ممكن يطالبه بالشرط الجزائي

**Eng_hatemfathy** · 06-11-2013 04:14 PM

معذرة انا مش مقتنع ان الموضوع ده طبيعى لعدة اسباب
اللى عايز يبيع عربية بيبيعها يا اما علشان يخلص فى غيرها يا اما علشان مزنزق قى فلوس وزى ما انا فهمت انه هياخد الفين جنيه ويبقى العربية معاه لحد ما صاحبك يدية سبعين الف بعد 3 شهور او اربعة
طب هوا هيعمل ايه بالالفين دول ولو فعلا مش مزنوق يبقى يدى العربية لصاحبك ويمضوا العقد ويكتب على صاحبك وصل بالسبعين الف
لكن صاحبك يدفع عربون الفين جنيه وياخد ورقة فمع احترامى فاكس وطظ فى العربية انا بقالى 3 سنين بجرى ورا واحد ومعايا وصل امانه ومش عارف اطول حكم ولا فلوس ودفعت تليفونات بتمنهم وطبعا لسه المحامى

قول لصاحبك يا اما يخلص وياخد العربية يا اما يخليه فلوسه فى جيبه واللى اوجد العربية دى هيوجد غيرها وموضوع اللقطة ده اصلا بيخوف

الموضوع: استشارة بخصوص عقد ابتدائي

LinkBack

أدوات الموضوع

عرض

استشارة بخصوص عقد ابتدائي - انشر الموضوع فى :

-

-

-

-

-

المواضيع المتشابهه

استشارة بخصوص شاشه ال جي

مخدرات ومجالات ثقافيه في مدرسه ابتدائي

ذكريات مؤلمه صحصحتها مواقف مخجله (الحب من ابتدائي)

استشارة بخصوص الفيجا

ابني والمدرسة ( اولى ابتدائي)

الكلمات الدلالية لهذا الموضوع

المفضلات

المفضلات

ضوابط المشاركة