صوت صرخة سير

**romany_ac** · 06-11-2013 11:54 AM

بسمع صوت صرخة سير لما بشغل الانوار والمروحة ولما بطفى كلة الصوت بيروح برجاء افادتى بسبب المشكلة والحل وشكرا

**المنسي** · 06-11-2013 03:10 PM

ياريت توضح الصوت جاى من انهى ناحية علشان نقدر نفيدك

**sakr_skoda** · 06-11-2013 03:50 PM

صرخة مع الانوار !!!!!!!!!!!!!!!!!!

صرخة مع المروحة مقبولة....*

ياريت يارومانى تجرب المروحة فقط وهل الصرخة موجودة ولا لأن المروحة هى اللى ممكن تعمل الصرخة دى وجرب وانتا مدور العربية تشغل النور وخلى المروحة شغالة عاوزين نفهم مهو ممكن الصرخة تيجى من المروحة عند انخفاض الكهرباء حيث الانوار تستهلك الكثير من الكهرباء....

**sakr_skoda** · 06-11-2013 07:26 PM

المشاركة الأصلية كتبت بواسطة romany_ac

والمروحة شغالة لوحدها مفيش اى مشاكل ,المشكلة لما بشغل الانوار معاها.

اكشف على البطارية وشوف الشحن ........*

**saddam** · 06-11-2013 07:35 PM

صديقي المواطن
لا تقلق الموضوع بسيط وهو شائع إنت لما بتشغل اﻷنوار وتشتغل المروحة بيحصل حمل على الدينمو فيا إما عندك السير مرتخي وعايز يتشد عليه يا إما عندك السير نفسه نشف ومش طري وعايز يتغير ولو مطلعتش مشكلة سير فعندك بلية الدينمو لازم تتغير ومتقلقش موضوعك شائع وبيحصل مع الكل على طول
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**aw2100** · 07-11-2013 12:07 AM

المشاركة الأصلية كتبت بواسطة saddam

صديقي المواطن
لا تقلق الموضوع بسيط وهو شائع إنت لما بتشغل اﻷنوار وتشتغل المروحة بيحصل حمل على الدينمو فيا إما عندك السير مرتخي وعايز يتشد عليه يا إما عندك السير نفسه نشف ومش طري وعايز يتغير ولو مطلعتش مشكلة سير فعندك بلية الدينمو لازم تتغير ومتقلقش موضوعك شائع وبيحصل مع الكل على طول
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

كلام سليم العيب فى سير الدينامو غيرة حتروح الصرخة بارك الله فيك !!

**sakr_skoda** · 07-11-2013 03:57 PM

المشاركة الأصلية كتبت بواسطة aw2100

كلام سليم العيب فى سير الدينامو غيرة حتروح الصرخة بارك الله فيك !!

استفسار لو سمحت استاذ وليد ايه علاقة الصرخة بالانوار الزميل بيقول لو النور فقط ما فيش اى مشكلة ومافيش صرخة اما لو المروحة مع النوار بتظهر الصرخة *

فهل هناك جهد يقع على الدينمو من تشغيل الانوار مع المروحة فيكون نتيجة هذا الجهد ان يقلل من حركة او بمعنى حدوث مقاومة اكثلر فتعيق حركة الدينمو فبالتالى يظهر عيب السير؟؟؟؟؟؟؟

**aw2100** · 07-11-2013 10:10 PM

المشاركة الأصلية كتبت بواسطة sakr1964

استفسار لو سمحت استاذ وليد ايه علاقة الصرخة بالانوار الزميل بيقول لو النور فقط ما فيش اى مشكلة ومافيش صرخة اما لو المروحة مع النوار بتظهر الصرخة *

فهل هناك جهد يقع على الدينمو من تشغيل الانوار مع المروحة فيكون نتيجة هذا الجهد ان يقلل من حركة او بمعنى حدوث مقاومة اكثلر فتعيق حركة الدينمو فبالتالى يظهر عيب السير؟؟؟؟؟؟؟

الموضوع كله ان الدينامو فى حالة التحميل الكتاوت بيعلى الفولت على البكرة الداخلية علشان يزود الطاقة المغناطيسية لقلب الدينامو وده بيزود شدة امبير الشحن الخارج من ملفات الدينامو لقاعدة السليكونات فقوه الطاقة المغناطيسية بين قلب الدينامو (الأسيتيتور ) والبكرة الداخلية يعتبر مقاومه لحركة دوران الدينامو علشان بيحتاج طاقة دوران اكبر كأنك فرملت طارة الدينامو عند زياده التحميل عليه فده طبعا حمل على السير فبيصرخ لكن لو مفيش حمل بيلف عادى وممكن يكون الدينامو البلى بتاعه تقيل اصلا وبيتقل اكتر مع التحميل وخصوصا ان اكبر امبير فى العربية مروحة التبريد حوالى 5امبير ده بالنسبة لموتور مروحة الكومبى 6 ريشة عربيتى تحياتى !!