سخونية زادت بعد تظبيط كاربراتير!!!

**Hamroosh** · 30-11-2013 10:55 AM

امبارح كنت بظبط الكربراتير عند مركز متخصص، قام تنظيف الكربراتير وتركيب بك سرعة جديد وجوان رداخ وظبط الباب (حسب كلام الفني)، حسيت ان العربية ظبطت وصوتها اصبح منتظم.

مشكلتي دلوقت اني لاحظت سخونة أكتر من اللي كنت متعود عليها قبل كده.. السخونة في الرينج الطبيعي يعني مش بتعدي 90، ولكنها اكتر من اللي انا متعود عليه في مثل هذه الاجواء غير الحارة اللي كانت مش بتعدي 70.

هل يوجد علاقة بين ضبط الكربراتير والسخونة؟؟ ولا دي مشكلة طارئة محتاجة دكتور؟؟

أنا بصيت على القربة لاقتها تمام والمياه داخله عليها بتجري ومافيش فقاقيع، والمركز قاللي ان الكهربا مظبوطة علشان قاسها على جهاز العادم (مع اني ماشوفتوش حد لعب في الاسبراتير ولا اتحرك من مكانه).

هل محتاج أظبط كهربا بعد اللعب في الكربراتير؟
هل دورة المياه اخدت هوا بعد مافك الجزء الخاص بالكربراتير؟
هل هناك أسباب اخرى؟

محتاج خبراتكم بارك الله فيكم.

**أحمد جودة** · 30-11-2013 11:45 AM

توقع اي حاجة ممكن تكون حصلت ودة نتيجة اهمال الصنايعية المتناهي

جايز دايرة التبريد اخدت هوا وجايز الكهربا عالية

هقولك فكرة ممكن تعملها فك غطا القربة وخلي حد يقعد فى العربية ويزود

وامسك الخرطوم اللى ادخل على الردياتير وااخنقة جامد بايدك هيطلع الهوا من الدايرة اذا كان فيه هوا

بالنسبة للكهربا العالية شوف مؤشر ال rpm على كام المفروض اقصي حاجة يكون على 10
وكمان لو العربية بتسقف منك يبقي الكهربا عالية

دي معلوماتي على قدر خبرتي البسيطة ........... وانتظر مشاركات اساتذة القسم

**sakr_skoda** · 30-11-2013 12:53 PM

كهربة العربية بتختلف دائما عندما يتم اى اصلاح فى الكاربرتير فيجب اعادة ضبط كهربة السيارة وايضا السلانسية وهذا لن يتم الا بعد تركيب الكاربرتير ومراقبة العدادات وصوت الموتور....

**EngAhmedSayed** · 30-11-2013 02:52 PM

ظبط كربرتير يبقى تظبط كهرباء و تراجع على التاكيهات
بالتوفيق ان شاء الله

**المنسي** · 01-12-2013 02:46 PM

المشاركة الأصلية كتبت بواسطة hamroosh

شكرا جزيلا على الردود

طب حد ممكن يقوللي هو الطبيعي في الجو بتاع اليومين اللي فاتو دول يكون امبير الحرارة على كام؟

ده يرجع للترموستات اللى حضرتك مركبها يعنى لو مركب ترموستات عالى مثلا 90/80 او 90/85 وماشى فى طريق مفتوح هتلاقى المؤشر على 85 او 80 كمان ولو فى طريق زحمة هتلاقى المؤشر على 90 والمروحة تبرد ويرجع ينزل تانى انما بقى فى حالة ترموستات واطى 82/68 هتلاقى المؤشر على 70 فالطوالى والعربية مش بتسحب معاك انما فالزحمة هتلاقى المؤشر على 82 والمروحة شغالة على طول