سعر التيدا الجديدة من مودرن موتورز

**Hosam_Optrawy** · 07-11-2013 03:27 AM

يابلاش :)

خليهالهم

**edodahab** · 07-11-2013 08:34 AM

لو السعر دة صحيح اعتقد ان التيدا مش هتنافس فى السوق خالص
السعر دة هيضيع نجاح نيسان الساحق و المبيعات الهايلة اللى عملتها الصنى و القشقاى و الجوك
لازم يراجعوا نفسهم

**john55** · 07-11-2013 09:35 AM

اعتقد السعر دا مش حقيقي

**MaZaGAngeE** · 07-11-2013 10:24 AM

يوم الجمعه بكرة و كله هيبان

**horas3000** · 07-11-2013 12:44 PM

المشاركة الأصلية كتبت بواسطة hosam_optrawy

يابلاش :)

خليهالهم

ههههههه صدقتني بقي

فاكر حوارنا ده

المشاركة الأصلية كتبت بواسطة horas3000

تسلم إيدك على التقرير
و متفق معاك جدا انها اقرب للفيس للفت منه الي شكل جديد
و اعتقد انها مش هتسمع قوي عشان السنترا

و يا زعيم احنا في مصر
لو التوكيل زود 30 و 40 الف يبقي عمل مع الناس واجب

المشاركة الأصلية كتبت بواسطة hosam_optrawy

تمام ياباشا معروف ان التوكيلات عندنا بتشتغلنا جامد فى موضوع الأسعار خصوصا مع نزول شكل جديد

بس الفكره ان نيسان بتلعب على حتة السعر وانها أرخص من المنافسين عشان تقدر تنافس , ومعظم اللى بيشترى نيسان بيبقى عشان السعر مش عشان سواد عيونها

فلما ينزلى تيدا ب 150 الف وفى عربيات تانيه أفضل بنفس السعر وأرخص , يبقى مينزلهاش أحسن

المشاركة الأصلية كتبت بواسطة horas3000

يا باشا احسبها
اذا اقرب منافسين التيدا اللي هي التويوتا اوريس بتبتدي من 172 الف جنيه
يعني لو التيدا ابتدت فعلا من 150 زي ما قلنا هتبقي صفقه
و هي ايه العربيات اللي في فئتنا و ارخص

المشاركة الأصلية كتبت بواسطة hosam_optrawy

ياشريف باشا

التويوتا أوريس بتتجمع فى إنجلترا

و 6 إيرباج وesp كمان

وعفشه double wishbone

وموتور 130 حصان

يعنى حماده تانى خالص ماينفعش تتقارن بالتيدا خالص

غير إن علامة تويوتا ليها تمنها

كل دا وبتبدأ من 173 , وأول مانزلت من 7 شهور كانت ب 165

ومع ذلك معظم الناس قالت غاليه ومحدش بيشتريها واهى قاعده فى التوكيل أهى :)

يبقى تيدا ب 150 صفقه ازاى

وانا لما قولت بدائل أرخص كنت أقصد سيدان مش هاتش باك لأن الهاتش باك اللى فى فئتها معظمهم أغلى من 150

يمكن أرخصهم الهيونداى i30 والبيجو 308 بيبدأوا من 150 وانت طالع

واللى أرخص من كدا يعتبروا فئه أصغر من التيدا زى الكورسا والجراند بونتو وغيرهم

اللى أقصده

التيدا القديمه أخر سعر ليها كان 125 الف تقريبا بعد زيادة الدولار فى الفتره الأخيره , باقى العربيات اللى فى فئتها أسعارهم زى ماقولت من 150 وانت طالع والإقبال عليهم ضعيف جدا , بعكس التيدا اللى تعتبر منتشره ومطلوبه عشان فارق السعر الكبير , مش عشان هى أفضل

فلما ييجى الشكل الجديد , اللى يعتبر مفيهوش أى جديد غير الفتيس , والتقفيل يتنقل لتايلاند عشان التكلفه , وسعرها بره يبقى نفس سعر الشكل القديم مازادش

يبقى ماتبقاش صفقه ولا حاجه لو وصلت 150 , لانها فقدت الميزه اللى كانت بتميزها عن إخواتها ( السعر ) وهاتقعد جنبيهم

وعمليا مفيش سبب يبرر الزياده للأسباب اللى ذكرتها قبل كدا

بس كدا

المشاركة الأصلية كتبت بواسطة horas3000

يا خبر بفلوس بكره يبقي ببلاش
بس انت متفائل شويه

ايه رايك بقي

**Hosam_Optrawy** · 08-11-2013 03:59 AM

المشاركة الأصلية كتبت بواسطة horas3000

ههههههه صدقتني بقي

فاكر حوارنا ده

ايه رايك بقي

كلامك طلع مظبوط يازعيم والتوكيل ضرب سعرها فى السما

بس انا مازلت عند رأيى انها ماتستاهش الرقم دا خالص وبالسعر دا مش صفقه ولا حاجه

ودا باين من ردود الأفعال أهو وهايبان أكتر لما تنزل السوق :))

**Hosam_Optrawy** · 08-11-2013 04:08 AM

النهارده برضه باقول لواحد صاحبى ان التيدا الجديده هاتنزل مصر ب 165 الف , وهو من النوع اللى بيحب اليابانى وكان عنده تيدا قبل كدا

قاللى ايه المشكله ماهو اى عربيه بتنزل شكل جديد لازم سعرها يعلى , شوف الكورولا الجديده بقت أعلى فئه 210 وشوف القديمه كانت بكام

قولتله لأ :) احسبها كويس

الكورولا الهاى لاين 2013 فى أخر أيامها وصلت فى التوكيل 181 الف على ما أذكر , طبعا كان مبالغ فى سعرها عشان قلة الكماليات بس ماعلينا

الشكل الجديد 2014 نزل أول فئه ب 175 والفئه التانيه ب 185 ودى كمالياتها أكتر بكتير من الكورولا 2013 وعوامل أمان أعلى وشكل جديد وشاسيه أكبر وفتيس جديد وتقفيل تركى يعنى التوكيل ماجبلناش تقفيل تايوانى ولا تايلاندى او غيره , كل دا ب 185 الف يعنى من جهة نظرى الشكل الجديد تعتبر كقيمه أرخص من الشكل القديم مش أغلى

فمش لازم أى شكل جديد يضرب فى السما كدا وخلاص بدون أسباب مقنعه