الموضوع: سعر التيدا الجديدة من مودرن موتورز

المشاركة الأصلية كتبت بواسطة hosam_optrawy

كلامك طلع مظبوط يازعيم والتوكيل ضرب سعرها فى السما

بس انا مازلت عند رأيى انها ماتستاهش الرقم دا خالص وبالسعر دا مش صفقه ولا حاجه

ودا باين من ردود الأفعال أهو وهايبان أكتر لما تنزل السوق :))

شفت بقي
العيشه هنا بتفرق في خبره الواحد برضه هههههه

المشاركة الأصلية كتبت بواسطة hosam_optrawy

النهارده برضه باقول لواحد صاحبى ان التيدا الجديده هاتنزل مصر ب 165 الف , وهو من النوع اللى بيحب اليابانى وكان عنده تيدا قبل كدا

قاللى ايه المشكله ماهو اى عربيه بتنزل شكل جديد لازم سعرها يعلى , شوف الكورولا الجديده بقت أعلى فئه 210 وشوف القديمه كانت بكام

قولتله لأ :) احسبها كويس

الكورولا الهاى لاين 2013 فى أخر أيامها وصلت فى التوكيل 181 الف على ما أذكر , طبعا كان مبالغ فى سعرها عشان قلة الكماليات بس ماعلينا

الشكل الجديد 2014 نزل أول فئه ب 175 والفئه التانيه ب 185 ودى كمالياتها أكتر بكتير من الكورولا 2013 وعوامل أمان أعلى وشكل جديد وشاسيه أكبر وفتيس جديد وتقفيل تركى يعنى التوكيل ماجبلناش تقفيل تايوانى ولا تايلاندى او غيره , كل دا ب 185 الف يعنى من جهة نظرى الشكل الجديد تعتبر كقيمه أرخص من الشكل القديم مش أغلى

فمش لازم أى شكل جديد يضرب فى السما كدا وخلاص بدون أسباب مقنعه

بالمناسبه بس
في كلام كتير ان الكرولا ام 185 بقت ب 197
زيها زي الاسترا السيدان برضه
و دي حسب الكلام اسعار السنه الجديده
و مش عارف ام 175 و ام 205 بقوا كام

و بكده في الرينج ده تبقي الفلوينس هي الملكه بلا منازع ما لم يلعبوا في اسعارها هي كمان