إيه أحسن عربية في حدود 150,000 جنيه؟؟ (Value vs Money 2013

**K.Ossama** · 24-11-2013 09:37 PM

الفلوينس والمزدا 3 أحسن إختيارات فى رأيي وإن كانت كنبة المازدا الخلفية ضيقة أوى بي عربية حلوة برضو

**Anxs111** · 26-11-2013 06:54 AM

المشاركة الأصلية كتبت بواسطة ahmed travco

ازاي؟؟ دي مكفيرسون قدام وملتي لينك ورا... يعني مش تعبانة بتاتا... مشكلتها الوحيدة في رأيي توكيلها السيء جدا في التعامل معاها والاهتمام بيها... علشان كده قطع غيارها غالية جدا ونادرة كمان...

مش بتستحمل ... هي كأداء رياضي أحسن حاجة في الياباني ...
لاكن اعطالها كتير وتصليحها مكلف ومش متينة ...

**Silent~Dream** · 26-11-2013 08:48 AM

رينو فلوانس 2014 فيس ليفت اول فئه اوتوماتيك ب 155 الف بتجمع المعادله الصعبه الى حضرتك عايزها ولو عايز اوبشن زياده تانى فئه اوتوماتيك ب 170 الف و لو مفيش امكانيه تزود يا تخليك فى اول فئه فلوانس يا بيجو 301 هايلاين ب 136 الف بس الفلوانس اعلى و اكبر و افخم و اثبت و اشيك و اوبشنز اكثر من ال 301
الى هى اساسا تخفه و best value for money

**Anxs111** · 26-11-2013 10:40 PM

يعني أنا بتكلم علي المدي الطويل يعني في نص العمر الإفتراضي ....
يعني بعد خمس سنين أستعمال أو ١٠٠٠٠٠ كيلو ...في الحالتين دول أنا شفت كذا عربيه مفحوتين وبالذات العفشة من أدام ...وبرضه دة مقارنة بباقي الياباني سيفك ، كورولا ، لانسر ...

**K.Ossama** · 27-11-2013 12:19 AM

المشاركة الأصلية كتبت بواسطة anxs111

يعني أنا بتكلم علي المدي الطويل يعني في نص العمر الإفتراضي ....
يعني بعد خمس سنين أستعمال أو ١٠٠٠٠٠ كيلو ...في الحالتين دول أنا شفت كذا عربيه مفحوتين وبالذات العفشة من أدام ...وبرضه دة مقارنة بباقي الياباني سيفك ، كورولا ، لانسر ...

لا ما اعرفش بقى.
هو عامل 60 ألف. احد دلوقتى الامور كويسة معاه الحمد لله

**momorama2020** · 27-11-2013 02:10 AM

المازدا 3 الشكل الجديد بقالها معايا 3 سنين و عامله 70 الف و بسمالله ماشاء الله ثبات ايه
و بصراحه اجمد حاجه فيها عفشتها
كان معايا كورولا 2004 الاول بصراحه مفيش مقارنة في العفشة المازدا تكسب طبعا
العيب ان كنبيها الى ورا ضيقه شوية

وبالنسلة لقطع الغيار موجوده و مش غالية يعنى اسعارها معقوله بالنسبة للاسعار الى بنسمعها دلوقتى يعنى تيل الفرامل ب 500 و في كا نوع من اول 75 جنيه لغاية 340

ثانيا قطع الغيار متوفرة انا مثلا من المنصورة والحمدلله كل حاجه بلاقيها عادي جدا

الكلام بتاع قطع الغيار و الغلو بتاعها ده كان زمان و هي سمعه و لزقت و الشعب المصري كله بغبغنات بيردد و خلاص من غير ما يجرب

**Anxs111** · 27-11-2013 04:00 AM

المفروض إن أي عربية بتبان بعد إل 100 ألف ...
أنا اتنين صحابي واحد في مصر واحد هنا في كندا ...
اللي في كندا طلعت عينه تصليح في العفشة وحتي التوكيل معملهاش كويس وكانت مكلفه ...
وأنا كنت هشتري واحده ماشية 117 كشفت عليها في التوكيل قلولي سيبك منها لأن "العربيات دي عفشتها رياضيه وتصليحها معقد "
المازدا 3 كسواقة في الياباني كانت عامله زي البي إم بالنسبة للألماني ...لاكن المتانه وقدرت أتلحمل هي المشكلة علي حاد علمي بناء علي تجربة مش كلام بغبانات ...
لو اللي بتنزل مصر حاليا مفيهاش شكوى من العفشه ممكن يكون زبتوها أو نازله مواصفات للطرق المصريه الجبليه وساعتها تبقي حلوة لأنها كسواقة أنضف من الكورولا والسفك والسعر إحسن منهم كمان ...