هل من منافس؟؟؟؟

**Ahmad Allawy** · 15-09-2008 07:01 PM

الشكل هو نفس شكل العربةي بالظبط..
بس اللي اتغير ان الاكضدام الامامي اللي شوفت ورته يعني..
بقي شكله رياضي اكتر.. و فيه شبكة م تحت.. و بقي كبير زي ما يكون فيه كساحات كده..
شكلها شيك بصراحة.. بس صعب تلاقي صورها علي النت.. عشان الجديدة نازلة برة شكل مختلف تماما..

**Chicco** · 15-09-2008 07:21 PM

ألف شكر على الأخبار الجامدة ...في انتظار الصور
الحقيقة فيه منافس و قوي جدا و أحلى و أعلي و ما لوش حل و هو
ابيزا الشكل الجديد

**2hmed_7osam** · 15-09-2008 07:24 PM

طيب يشباب حلو الله ينور يا ابيزا
عايزين تقييم شامل بقا عشان القسم الجديييييد

**mohamed ibiza** · 15-09-2008 07:39 PM

انا نازل دلوقتي رايح مشوار و بعدها هطلع علي smg جامعة الدول و هصورها و اجيب بروشور و اعرف كل حاجة عنها و هجيبلكم الاخبار بليل

**2hmed_7osam** · 15-09-2008 07:54 PM

مية مية يا ابيزا ربنا معاك

**Medos** · 15-09-2008 10:48 PM

شكرا على الخبر

**Sharky** · 15-09-2008 10:50 PM

شكرا يا محمد على المعلومات الجديدة
هى طبعا حركة حلوة من التوكيل إنه ينزل الإيبزا و الكوردوبا 1600 سى سى و ستيب ترونيك بس الحركة دى للأسف نزلت متأخر قوى
لإيه الحكمة من نزولهم دلوقتى بعد نزول الشكل الجديد بره ؟؟؟
و هل التوكيل مش ناوى ينزل الشكل الجديد فى مصر ؟؟؟

على العموم ماتيجى كده نعمل مقارنة بسيطة و نشوف فى رينج الإيبيزا 114 الف في العربيات الاتية :
1- بيجو 207 شكل جديد 1400 سى سى 108 الف
2- بيجو 207 شكل جديد 1600 سى سى 118 الف.
3-سكودا فابيا شكل جديد 1600 سى سى 110 الف .
4-سوبارو إمبريزا شكل جديد 1600 سى سى 120 الف.
5-سوزوكى سويفت 1500 سى سى 110 الف.
6- مازدا 2 شكل جديد 1600 س سى 115 الف.
7- نيسان تيدا هاتشباك 1600 سى سى 117 الف
8- هيونادى I30 شكل جديد 1600 سى سى 115 الف
9- فيات جراند بونتو شكل جديد 1400 سى سى 108 الف

يا ترى ممكن تختاروا إيه ؟؟

فى رينج الكوردوبا 124 الف
1- كيا سيراتو ستيب ترونيك بفتحة سقف 108 الف
2- هيونداى إلنترا فول أوبشن 122 الف
3- نيسان تيدا سيدان فول اوبشن 122 الف.
4-لانسر 1500 مانيوال 130 الف.
5-مازدا 3 ستيب ترونيك 120 الف.
6-سوبارو إمبريزا سيدان 130 الف
7- تويوتا كرولا الشكل الجديد 1400 سى سى 124 الف
8- تويوتا كرولا الشكل الجديد 1600 سى سى مانيوال 130 الف

**Ahmad Allawy** · 15-09-2008 10:55 PM

شوف يا احمد باشا..
بالنسبة للأبيزا نفسها..
انا شايفها ان مالهاش منافس في نظري انا يعني.. غير ال207 و الجراند بونتو..
الباقي مش اوروبي.. و انا عن نفسي عاشق العربيات الاوروبي بوجه عام.. ليها طعم تاني مختلف عن الاسيوي..
و لو قارنتها بالفابيا.ز نفس الاساسيات.. بس الابيزا شكلها احسن بكتير في رأيي..
اما الكوردوبا بقي.. فدي بقي ليها منافسين كتير..
و ممكن يكونوا افضل منها.. و افضلهم المازدا 3,, ولو اني برضه هاقولك طعم الاوروبي مختلف.. و خاصة لو ليه اصول المانية.. :) :)
سليلة عائلة فولكس فاجن العريقة..

**Sharky** · 15-09-2008 11:04 PM

المشاركة الأصلية كتبت بواسطة Ahmad Allawy

شوف يا احمد باشا..

المشاركة الأصلية كتبت بواسطة Ahmad Allawy

بالنسبة للأبيزا نفسها..
انا شايفها ان مالهاش منافس في نظري انا يعني.. غير ال207 و الجراند بونتو..
الباقي مش اوروبي.. و انا عن نفسي عاشق العربيات الاوروبي بوجه عام.. ليها طعم تاني مختلف عن الاسيوي..
و لو قارنتها بالفابيا.ز نفس الاساسيات.. بس الابيزا شكلها احسن بكتير في رأيي..
اما الكوردوبا بقي.. فدي بقي ليها منافسين كتير..
و ممكن يكونوا افضل منها.. و افضلهم المازدا 3,, ولو اني برضه هاقولك طعم الاوروبي مختلف.. و خاصة لو ليه اصول المانية.. :) :)
سليلة عائلة فولكس فاجن العريقة..

لا أختلف معاك فى كلامك يا احمد بالعكس أنا من عشاق الاوربى على حساب الاسيوى

لكن ما هى الحكمة من نزولها حاليا بهذه الكماليات بعد نزول الشكل الجديد ؟؟؟

أنا بقى ليه رأى لو كانت الإيبيزا فى حدود 105 الف و الكوردوبا فى حدود 110 الف كانوا عاملوا مبيعات جامدة جدا لإنهم حيكونا بيلعبوا فى حتة مافيهاش فعلا منافس
لكن بالنسبة للكوردوبا فالمنافسة صعبة جدا و متوقعش بالسعر دا تعمل مبيعات .
لكن الإيبيزا ممكن تعمل مبيعات لكن ما توقعش برضه مبيعات جامدة لإن الشكل الجيد نزل بره

**mohamed ibiza** · 16-09-2008 01:53 AM

اخر الاخبار :):)

معرض جامعة الدول كان فيه كوردوبا مش ابيزا لونها احمر و الحجز ابتدي من اسبوع تقريبا و في دفعات تانيه جاية بألوان اخري اسود سيلفر.....

انا اتكلمت مع فادي ميشيل اللي ماسك هناك المبيعات و قالي ان الدفعة دي كانت المفروض تنزل بنفس السعر بدون فتحة سقف و بدون مرايات كهربا بس هما اتفقوا علي انهم ياخدوها بمرايات كهربا و فتحة سقف و الدفعات الجاية هتغلي و الكوردوبا هتوصل 128 تقريبا و الابيزا هتوصل 118 الف بس سيبك انت العربية من جوا و من بره تحفة و الفتيس الستيبتريونيك ملوش حل و الموتور ال 1600 مشرف كبوتها التقفيل ممتاز الخامات 100 100
الابيزا:113750 جنيه
كوردوبا:123 الف
الامكانيات و الكماليات:
1600 سي سي 105 حصان 153 نيوتن عزم
السرعة القصوي:188 قول 190كم\ساعة و اعتقد انها تجيب اكتر لان الجيتا نفسها اللي هي اتقل و اكبر بتجيب 195 يبقي الابيزا و الكوردوبا هيجيبوا كام...هناك قالي نفس موتور الجيتا مع تغييرات طفيفة
fuel consumption:
city driving:9.9 litres
extra city driving:5.9 litres
ponderable consumption:7.4 litres
طبعا كل ده في ال 100كم
فرامل abs
195\55 جانط 15 مش سبور عادي
شنطة الابيزا:267 لتر
شنطة الكوردوبا:480 لتر
تانك البنزين:45 لتر
الوزن:1129 كيلو(ابيزا)
الكماليات:
2 ايرباج
باور استيرنج هيدروليكي
باور لوك+ريموت كنترول+نظام امانlock+unlock
4 anti squeeze and one touch ازاز كهربا
راديو cd+mp3+6speakers
semi automatic a\c
boot light
cup holder
ايموبليزر
انا صورتها بالموبايل بس مش لاقي ال usb دلوقتي هدور عليه و انزل الصور