الموضوع: بفكر اشتري 301 بيزلاين ساعدوني

المشاركة الأصلية كتبت بواسطة nonalaziza

انا محتارة في الشراء بين الصني السوبر صالون و 301 البيزلاين
طبعاً العربية انتوا اتكلمتوا في كل حاجه تقريبا. بس ياريت لو حد يتكلم عن البيزلاين بالاخص لاني ابتديت اتلخبط بيمهم.
- بالنسبة للتوكيل عامل ايه؟؟
- هل ظهر اي عيوب في الصناعه زي الصني و ياريت تجوبوني بالأمانة.
- هل اكسسوراتها متوفرة برة لاني لاحظت ان الزجاج الخلفي مش غامق و بصراحه هحتاج اركبلها ستاير علشان السفر.
- معلش سؤال غلس انا لاحظت ان مافيهاش غير cup holder واحد بس عند الفتيس و في حد قالي ان المسند بيكون في بداله في البيزلاين واحد كمان الكلام دا مضبوط؟
و لو اي حد قال معلومات زيادة يكون كتر خيرة
شاكرة مساعدتكم مقدماً

بصي ياافندم
انا اشتريت 301 مانوال واستلمتها يوم السبت اللي فات وعملت تقرير عن الاستلام http://www.nilemotors.net/Nile/387941-301.html
ولو دخلتي ع مواضبعي كنت عامل تقرير عن الحجز يوم مارحت احجز
بالنسبه للعربيه 3 فئات مانوال ب 107900 وبيزلاين 124 وهاي لاين 136
بالنسبه للمانوال والبيزلاين مفيش بينهم اي فرق نهائي غير الفتيس بس في البيزلاين بيكون اوتوماتك
بالنسبه للتوكيل هو اتغير خلاص وبقي شركة القاهرة للتنميه وصناعه السيارات بصراحه معامله كويسه جدا واهتمام واحترام في المواعيد ومحدش اشتكي من الصيانه لحد دلوقتي
عيوب الصناعه مفيش حاجه ظهرت لحد دلوقتي الحمد لله
بالنسبه للصني انا شايفها مليانه عيوب اهمها عدم الثبات ودي نقطه مهمه جدا دا غير التقفيل اي كلام وكمان السعر متستهلش
الاكسسوارات بدات تنزل دلوقتي وبالنسبه للقزاز فممكن حضرتك تركبي قزاز ملون للعربيه كلها في كول اعتقد ب 2500
مسند الايد موجود في الهايلاين بس وتركيبه في التوكيل ب 1000 ج
بالنسبه لان حضرتك كدا كدا هتجيبي اوتوماتك فممكن حضرتك تزودي 12000 وتجيبي هايلاين هتبقي احسن
طبعا حضرتك هتحجزي والهاي لاين بتتاخر شويه في حدود شهرين ونص
المانوال والبيز لاين بيجو بسرعه

فعلا" احسن فئتين هما المانيوال والهاى لاين فقط