الموضوع: معلومه مهمه عرفتها بلصدفه

ايها الاعضاء الكرام انا حبيت انقل تجربتى مع تقطيع الكهرباء يعنى العربيه بتلت للافاده العربيه كانت بتطول فى الدواره فحبيت افك البوجيهات انضفهم واظبط الخلوص المهم جبت مفتاح البوجيهات وفكيت اول بوجيه وطلعت حته كاوتش مدوره من داخل مفتاح البوجيهات وضيقتنى كل شويه تقع المهم شلتها وفكيت باقى البوجيهات ونضفتهم وكله تمام وظبط الخلوص والبوجيهات ngk مكملتش شهر ولما جيت اجرب ظهرت المفاجاه العربيه اتبرجلت خالص خالص وكل البوجيهات بتشرزمع جسم الموتور ومع الكابل والموتور بيتشال ويتهبد من كتر برجله الكهرباء طب اعمل ايه؟ المهم فكيت البوجيهات تانى وبعد فحصم بلصدفه اكتشفت شرخ بسيط جدا فى السيراميك الابيض بتاع البوجيه وده اللى بيهرب كهرباء من الطرف الموجب للسالب جسم الموتور يعنى والشرخ دا فى كل البوجيهات طب جه من اين؟اتارى ام الكاوتشه اللى كانت قرفانى وكل شويه تقع من داخل مفتاح البوجيهات كانت بتحوط السيراميك بتاع البوجيه ولما شلتها كان المفتاح بيحمل على السيراميك من الداخل ويشرخه من غير ميبان خالص وطبعا غيرت طقم بوجيهات تانى والحمد لله على كل حال .