الموضوع: ارجو المساعدة

انا لسه شاري تويوتا ستارلت 1994 , سافرت بيها من الأسكندرية الى القاهرة , و عطلت مني عند بوابة القاهرة و جبت ميكانيكي و قال لي ان الموتور في رزع و لازم يتعملوا عمرة. روحت الحرفيين و سألت عن المواتير هناك لقيت الموتور بتاعها ب 6000 جنيه , والموتور الانجكشن ب 4500 جنيه و التركيب ب 1500 جنيه . فأنه الاحسن من حيث التكلفة و النتيجة - عمرة الموتور و لا تغيير الموتور ؟؟؟؟؟ ارجو المساعدة ضروري

الموتور الانجكشن

عشان الكهربائي

عمرة الموتور بترجع العربية زي ما كانت و لا لأ ؟؟
تغيير الموتور مكلف و غير مضمون ؟؟؟

صديقي المواطن
لو تعرف ميكانيكي محترف ومحترم ويخاف الله فطبعا وقولا واحدا تعمل عمرة وتشتري حاجتك بإيدك وتوقف على تركيبها أحسن القطع تتبدل وتاخد مكنتك جديدة أحسن متجيب مكنة ولسه حتجرب طلعت وحشة حتدفع مصنعيتين تلاته ولو طلعت نظيفة برضك خلال سنه حتعمل شنبر وتروح المرور وتثبت ومش تثبت وغلط في رقم الموتور واﻷفلام دي ولكن لو حتجيب موتور أكبر عشان تزويد السرعة فطبعا مش تعمل عمرة وتجيب إستيراد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

انا وديتها لميكانيكي محترم ان شاء الله عشان العمرة , بس المشكلة اني معنديش وقت اجيبله الحاجات اللي عايزها و اقف على العربية معاه طول الوقت , مش عارف اعمل ايه , ربنا يستر