ما هى طريقه تظيف البساتم من الكاربون

**tefa22m** · 25-03-2013 12:04 AM

لقيت الموضوع ده فى مشاركه قديمه لتنظيف راس البستم من الكاربون

هتشتري منظف كربراتير نوع نظيف ويففضل يكون امريكي
-هتدور العربيه وهي بارده هتفك العمه لو كانت كربراتير او خرطوم الهوا لو كانت رشاشات
-هتبدا ترش المنظف جوه الكربراتير او من فتحه البوابه بالراحه وواحده واحده
-هتلاحظ ان الموتور عاوز يطفي(نتيجه اختلال مكونات الحرق) عادي هتسند بايدك الشمال علي الاكسراتير وتزود للموتور علشان مايطفيش
-هتستخدم نص العبوه فقط
-الطريقه دي بتنظف رؤوس الصبابات والبساتم
-لاحظ ان حاجتين هيتوسخوا بالكربون اللي خرج من الموتور ..البوجيهات والزيت لذلك يفضل عمل الموضوع ده قبل ميعاد تغيير الزيت مباشره وبعدها نغير بوجيهات جديده
-النتيجه هتحس بيها من صوت الموتور اللي هيبقي انعم من الاول وتحس انه مرتاح
حد عنده فكره عن الموضوع ده و هلى فى منه ضرر
و هل لو بمفك طويل مثلا و من مكان فتحه البوجيهات حاولت اشيل الكربون من على البستم هل ده هاينفع و لا غلط

**truss** · 25-03-2013 12:45 AM

انا اعرف الطريقة دى لتنضيف البوابة و المانيفولد او الكربراتير
لكن الكربون اللى ع البساتم .. مش عارف,
من فترة كدة كنت فاكك الموتور عشان شوية اصلاحات و كان قدامى البساتم عليها كربون, الصنايعى كحتها بسكينة معجون و كانت ناشفة جداً مش عارف المنظف دة يقدر عليها ولا لأ
متحاولش تنضفها بمفك من فتحة البوجيه عشان ما تجرحش حاجة جوة

**bmya** · 25-03-2013 12:59 AM

ياباشا دي طريقه تنضيف البوابه انما البساتم معرفش ده ينفع معاها ولا لاءه بس في اضافات بتتحط مع الزيت تقريبا لتضيفها فيليكوي مولي

**mrastra** · 25-03-2013 06:11 PM

هات عبوة wd40
وهات بخاخة زى اللى بتلمع الزجاج بالجلانس

املى البخاخة بالدبليو دى 40 لمدة عشرين ثانية
وكمل البخاخة مية من الحنفية

دور الموتور ولو كربراتير فك العمة وبخ فى بابا الكربراتير
لو انجكشن فك عمة الهواء ورش فى المنفولد بالبخاخة

بامر الله كل الكربون اللى على سطح البستون هايطلع من الشكمان

**mhopa2440** · 26-03-2013 12:43 AM

المشاركة الأصلية كتبت بواسطة mrastra

هات عبوة wd40
وهات بخاخة زى اللى بتلمع الزجاج بالجلانس

املى البخاخة بالدبليو دى 40 لمدة عشرين ثانية
وكمل البخاخة مية من الحنفية

دور الموتور ولو كربراتير فك العمة وبخ فى بابا الكربراتير
لو انجكشن فك عمة الهواء ورش فى المنفولد بالبخاخة

بامر الله كل الكربون اللى على سطح البستون هايطلع من الشكمان

فكرة حضرتك رائعة وجميعة وانا ناوي اجربها ف عربيتي نوبيرا

بس طبعا عايز تاكيد للموضوع وكمان سؤال صغير انا هضيف ميه على المنظف وهرشل ف المانفلود كدا المية هتخش على البساتم اعتقد ان العربية هتبطل وممكن يحصل اي حوار ومتشتغلش ياريت توضح اكتر للاستفادة

**mhopa2440** · 26-03-2013 12:47 AM

وكمان ياريت توضح انت جبت المعلومة دي من فين وليه منظف دبلو 40 ليه ميكنش منظف كاربراتير وليه هنضيف الميه ممكن نضيف سولار او جاز ابيض له قدره اعلى على تنظيف الكربون فياريت مصدر المعلومة عشان نجربها بقلب جامد

**dr.hazem** · 26-03-2013 02:14 AM

أفضل حل لازالتها هو الانجن فلش flush وهو مضر ولا ينصح بيه....
تحياتي

Sent from my SE Arc S using Forum Runner

**mhopa2440** · 26-03-2013 01:28 PM

شكرا جدا جدا على ردك واهتمامك بس انا متعود اني اعرف اصل المعلومة وتعبت حضرتك معايا

انا ان شاء الله راح احاول اعملها انهاردة وان شاء الله هكتب النتيجة اللي وصلت ليها

-

الموضوع: ما هى طريقه تظيف البساتم من الكاربون

LinkBack

أدوات الموضوع

عرض

-

-

-

المواضيع المتشابهه

البساتم مبوشة هل دي مشكلة

توسيع البساتم؟؟ ما هو وما هى اضرارة

سؤال عن زيت البساتم

مشورة بخصوص بنوز البساتم للديهاتسو شاريد

منظف البساتم اللي بتحط مع البنزين؟

الكلمات الدلالية لهذا الموضوع

المفضلات

المفضلات

ضوابط المشاركة