هو احنا ((الصعايدة)) وحشين اوى كده !!!!!!!!

**Khalid_Mostafa** · 10-11-2013 08:02 AM

لأ نتكلم جد شويه....دي ظاهرة موجوده في كل الشعوب و البلاد و بتشوف في الأفلام الأجنبي الكلام ده
وهنا في مصر كل المحافظات نالها من الحب جانب و الناس الي دخلت جيش عارفه الكلام ده كويس ...يعني بذمتك مسمعتش عن الإسكندرانية حاجه ...ولا المنايفة،الدمايطة،المحلوي ة، البورسعيدية..الخ
المحافظة الي متسمعش عنها نوادر تعرف علي طول انها محافظات هجينة و سكانها مخلطة من المحافظات الأصلية ...فعادي يعني خد الموضوع بشكل كوميدي و ميهمكش كلنا مصريين و كلنا فينا مشاكل

**iwantes350** · 10-11-2013 08:49 AM

على فكرة حضرتك انا مش زعلان والله ابدا وانا عارف كلام حضرتك سليم
بس انا كتبت الموضوع بشكل كوميدي شوية مش اكتر وكان للنقاش بس لكن انا والله مش زعلان
وشكرا على تفاعل حضرتك فى الموضوع

**Mohamed_Hamid** · 10-11-2013 09:25 AM

كبر دماغك ياباشا عادى هو ده النقص المعتاد عند حثالة المصريين
تلاقى واحد مشحم كدة وشكله غلط وحاسس بنقص الدنيا ويقللك انا ساكن فى المعادى وهو اصلا ساكن تحت بير السلم فى حتة متطرفة بس داخلة فى نطاق المعادى او يبقى قاعد فى اطراف مدينة نصر ( كلنا عارفين المنطقة دى عاملة ازاى ) ويقولك انا من سكان مدينة نصر ويحسسك انه عايش فى دور لوحده فى سيتى ستارز. عادى ده نتاج النقص الاجتماعى اللى بيعانى منه كثير من المصريين. الشاب من دول عايش فى منطقة متواضعة جدا ومش عارف يترسم او يتمنطر على اللى عايش فى التجمع مثلا فبيلاقى الفرصة لاشباع النقص جواه لما يلاقى واحد من اقاليم (بحرى=فلاح / قبلى=صعيدى) مع ان اللى من بحرى او قبلى ده ممكن يكون انضف منه وفرق بينهم وبين بعض بالسنين الضوئية سواء فكريا او علميا او اجتماعيا... ربنا يعف عنا ويرزقنا حسن الخلق

**adelghanem** · 10-11-2013 11:14 AM

عادى جدا
الكلام ده انا عيشته من تلاتين سنه
بحكم انى من الصعيد ودراستى فى الزقازيق والقاهره
واقامتى كانت بالقاهره
ايام زمان كان اكتر الناس مبعرفوش انى بالصعيد محافظات
يعنى انت من فين : من قنا :يقولك هيه فين قنا .تقوله فى الصعيد
يقولك هى الصعيد بلاد ده انا افتكرها بلد واحده
كمان كان يطلق علينا فلان الصعيدى بدون ذكر اسم الاب.
الحاجه التانيه انه لما تتصرف تصرف حضارى ..عادى
انما لو غلطت طبعا ما انتا صعيدى
فى النهايه احب اقول انه اى واحد بيغلط فى الصعايده يبقى ماعاشرهومش
اللى يعاشر الصعايده يعرف المميزات اكتر من العيوب
انا عارف انه فى عيوب فى الصعايده زى الطبع الحاد والتصميم على الصح والغلط
ولكن المميزات من الشهامه وعدم الخيانه والصدق وعدم اللف والدوران
ودى عندى الاهم
خدها ببساطه...وبص على اللى بيتريق عليك وانت تعرف تفكيره ازاى
وشكرا

**wawamoha** · 10-11-2013 12:47 PM

الصعايده اجدع ناس و هما رجاله البلد دي .....

ما تبصش للهاموش و لو كتر ...هايفضل هاموش

**احمد المصرى** · 10-11-2013 01:01 PM

كل المواقف ال انت بتقولها عادى جدا لانك مش عايز فى مصر عموما وفى القاهره خاصه يا راجل دا احنا بنهرب من الزحمه ومن المترو ومن القاهره عموما وموضوع المترو كل الموضوع انك اول مره تستخدمه مش اكتر

**mr_vampire** · 10-11-2013 01:57 PM

باشا انا من بنها اللي هي علي بعد 45 ك للقاهرة والناس حاطة في دماغها ان وسيلة المواصلات الاساسية هي الحمار فاكيد اي حد من الصعيد هيبقي لسة عايش علي لمبة جاز يعني في اعتقادهم ههههههههههههه. مع انك تلاقي اللي بيتريق ده عامل زي ال ..... ولا بلاش.
فمتحطش في دماغك

**trise2** · 10-11-2013 02:15 PM

بحكم اني من الصعيد....اقولك الصعايده عايزين الحرق ببنزين وسخ....بس كده

**trise2** · 10-11-2013 02:33 PM

مثلا فمره العربيه غرزت علي صحراوي اسكندريه اكتر من عربيه وقفت تساعد منهم واحده باجيرو حاول يسحبها بس الحبل قطع وفالاخر وقفت عربيه ربع نزل منها 4 شالو العربيه شيل وطلعهوها

حصل موقف زيه علي صحراوي الصعيد عند الرست محدش ...طيب في الرست خلو بالكم من العربيه اوصل اجيب ميكانيكي...ملناش دعوه...كل سواق يسال علي المقاوله يسحبها لمدخل اول مدينه. ...ويقول لا...طيب خد اللي عايزه...برضه لا. ..امال بتسال ليه ذلوني ولاد ال.....شهامه فعلا
بس كلمه حق في الاخر واحد وقف نص نقل وسحبها لمدخل مدينته عند اقرب ميكانيي وجابلي كولا :) ومرضيش ياخد فلوس
ومن عند الميكانيكي ابتدي مشوار تاني من الاستغلال :/