الموضوع: بفكر في كليو وخايفة جدا

المشاركة الأصلية كتبت بواسطة mooonlight

السلام عليكما :)

دي اول عربية اجيبها وانا بنت فا مش هعرف الف كل يومين على ميكانيكي و بجد هحوت فيها كل اللي معايا من 45000-48000

انا بفكر اشتري كليو اوتوماتيك 2005 - 2006 فهل الاوتوماتيك كويس ؟

محتاجة اعرف من الاعضاء هل هي سيارة كويسة ولا لأ و كمان انا كدة هاجيبها مستعملة حوالي 7 سنين و لسة هتعود معايا كتير 5 سنين مثلا فهل هي هتستحمل ولا لأ

هل موديل 2005-2006 كدة يبقى بقالوا كتير و هيفتح كل شوية تصليح؟

المبلغ بتاعي يجيب عربية حالتها كويسة جدا ولا لأ واخد بالي من ايه فيها و اكشفها عند مين وقت الشراء

شكرا جدا وجزاكم الله خيرا ..

سلام عليكم...الكليو عربية ممتازة وقطع غيارها متوفرة سواء جديدة او استيراد والناس اللى بتشتغل فيها موجودين .... وبالتوفيق ان شاء الله
http://www........cars.com/usedcars_...?CarID=1439495
ده عربيتى بس هى مانيوال ومحتاجه رش من بره للأمانة

ضرورى جدا جدا يتكشف على العربيه في مكان متخصص زى التوكيل مثلا لان مشاكل الكهربا بتاعت العريبه دى محتاجه متخصصين وكمان عشان تكتشفى اذا كان في تلاعب في عداد الكيلومترات او لأ وكمان عشان تتأكدى ان الكنترول متلعبش في قبل كدا
ومن خبرتى المتواضعه في الكليو ان اهم حاجه تتأكدى منها هى كهربه العربيه وان متلعبش فيها قبل كدا وان الضفاير كلها سليمه
ومش مهم تخسري 300 او 500 جنيه احسن تتغشي في عربيه وتخسري الاااااف الجنيهات
وبالنسبه لقطع الغيار فيها متوفره ومش غاليه ولا حاجه