افضل لون في البيجو 301

**amrelsaqqa** · 10-11-2013 09:46 PM

المشاركة الأصلية كتبت بواسطة abohend

أنا حاجز شامبين
و في رأيي الشامبين ثم السيلفر ثم الأبيض (دي برضه رغباتي فالحجز)
أنا ساكن في منطقة مليئة بالغبار و التراب و ده طبعا أثر في إختياري للون

الشامبين شيك جداً و جديد و ميتالك و بين الفواتح و الغوامق فتاخد رحابة الفواتح و شياكة الغوامق

السيلفر تقليدي لكن عملي جداً و شيك و ميتالك

الأبيض مكبرها (تدي على ال508) و شكله حلو بس مش ميتاليك (مطفي)

البترولي مبطيأوش لما شفته عند المصرية مكنتش هجيب العربية (أذواق)

الموكا شيك و ميتالك بس غامق فالتراب بيبان فيه و بيصغر العربية (هي أصلا كنزة من ورا)

الفراني تحفة و شيك و ميتالك بس بالنسبة لي غير مناسب عشان التراب و مصغر الغربية شوية

الأسود مش فالمقارنة بالنسبة لي عشان التراب بيبان فيه و مطفي مش ميتالك و بيصغر العربية (كله عيوب)

يتهيألي كده لخبطتك أكتر.....

إستخير ربنا و إن شاء الله خير
بس لو هتركنها بره جراج يبقى إبعد عن الغوامق
بالتوفيق

ياه ده انت تقريبا رأيك زيي بالظبط في كل حاجة

**Ahmed Amin** · 10-11-2013 11:39 PM

الأبيض جميل جداً عليها,, الأسود بيصغرها شوية.
وحاول تشوف الألوان علي الحقيقة عشان بتفرق كتير جداً في العربية عن الصور,,,

**Akram.Gamal** · 11-11-2013 02:50 AM

انا شايف ان فيه ميزه فى البترولى مش موجوده ف باقى الالوان
وهي ان العربيه بتبان فاتحه اوى بالنهار و غامقه اوى بالليل
فكرة احساس بالاختلاف مش اكتر
مع ان البترولى ده اصلا قديم اوى فى البيجو موجود فى 504 السماوى

**mahmoud_afifi** · 11-11-2013 10:50 PM

اللون السيلفر مع الجنط ال16 بتاع الهايلاين. من الأخر

**abohend** · 12-11-2013 08:07 AM

المشاركة الأصلية كتبت بواسطة amrelsaqqa

ياه ده انت تقريبا رأيك زيي بالظبط في كل حاجة

Bright minds think a like
و الله يا عمرو أنت متعرفش أنا زعلت إزاي عشان اللي حصلك فالتوكيل
كأن عربيتي اللي اتخبطت
يا رب تكوت مش باينة و الحمد الله جت فحديد

**abohend** · 12-11-2013 08:14 AM

المشاركة الأصلية كتبت بواسطة chemist1998

لا يا استاذنا الفاضل مفيش لخبطة ولا حاجة انا عارف ان دي مسالة اذواق وميول ولكني ارغب في معرفة اراء الاخرين واشوف فكرهم ايه ف الموضوع
بس انا لي تعليق بسيط على موقفك من اللون البترولي, انا مكنتش بفكر ف البترولي على الاطلاق قبل مشوفه ولما شفته في المعرض وكانت العربية هاي لاين وبجوارها الموكا حسيت انه ظاهر اوي ومكبر العربية وموضح معالمها ودرجته معقولة بس اللي مخليني متردد ان عربيتي الحالية سماوي فكنت بفكر ف تغييير درجة اللون. والموكا حلو وعجبني جدا بس حاسس ان العربية معالمها مش واضحة اوي زي البترولي والاسود مثلا

مانا قلتلك من اﻷول ده موضوع أذواق
الغوامق فعلا بتبين خطوط العربية بس مشكلتها معايا فأني منطقة مليئة بالغبار
و مشكلتي مع البترولي شخصية....يمكن عشان أنا مهندس بترول ههههههههههه
التوفيق إن شاء الله

**amrelsaqqa** · 12-11-2013 08:19 AM

المشاركة الأصلية كتبت بواسطة abohend

bright minds think a like
و الله يا عمرو أنت متعرفش أنا زعلت إزاي عشان اللي حصلك فالتوكيل
كأن عربيتي اللي اتخبطت
يا رب تكوت مش باينة و الحمد الله جت فحديد

تسلم يا باشا والله كلك ذوق
بس بجد والله الحمد لله ما بقتش باينة خاااااالص واتعملت صح ، ودى حاجة انا استغربتها الصراحة ، معرفش ان عندهم سمكرية كويسين كدة