عاااجل .. انا معايا سكودا a5 ستبترونيك 2008
و لسة مغير زيت الفتيس يوم الخميس في توكيل الغردقة يوم الخميس
و العربية كانت ماشية كويس جدا و مفيش حاجة فجأة دلوقت بعد ما ركنت الفتيس مش راضي يجيب الغيار P
و طبعا مش عارف اطلع المفتاح من العربية و قاعد فيها دلوقت .. مش عارف اعمل ايه ؟؟
يا ريت يا شباب اللي يعرف الحل يقول او يكلمني 01100009939
مش عارف اعمل ايه مقدرش اروح و اسيب المفتاح في العربية و حتي معيش مفتاح تاني
و قاعد في العربية مش قادر اروح
أزيك يا دكتور,
دا لنك الموضوع اللي حكيت لك عليه,, ودا الرد اللي كنت أقصده,
http://www.nilemotors.net/Nile/37605...post3875159177
أنت في الغالب عندك مكنة الاستوب أو السويتش اللي بيقفل علي حارة ال P بدأت تبوظ أو في حاجة بتقفش فيها,
واللي لما بتكون العربية علي P الصبح بتدوس فرامل الصبح عشان يفك اللوك عن الغيار وتقدر تحرك عصاية الفتيس وتنزل بيها لتحت R وبعدين N وبعدين D.
ودا موضوع تاني أوضح فيه سبب المشكلة اللي كانت عندك,
http://www.nilemotors.net/Nile/379870-shift-bloch.html
وحمدلله علي سلامتك.
بعد محاولات مضنية .. جاتلي فكرة اني اطلع بالعربية امشي بيها مسافة طويلة و اخد سرعات بيها .. و احاول تاني
المهم عملت كدة و جيت احرك العصاية اتحركت معايا علي p و قعدت عملتها كذا مرة بس فيه مقاومة و الحركة مش ناعمة زي بقيت الغيارات ... يعني بييجي بس بصعوبة سنة عن باقي الغيارات .. ما رايكم دام فضلكم ؟؟
و لا انسي ان اشكر الاخ العزيز احمد امين من منتدي بيجو لاتصاله بي و محاولته مساعدتي بأفكاره .. جزاه الله عني خير الجزاء
الشكر لله يا دكتور وحمد لله علي سلامتك, :tumb:اقتباس:
المشاركة الأصلية كتبت بواسطة abohalmos
أبقي أقراء الموضوع دا, دا نفس مشكلتك وشوف بكرة الفيوز ومكنة الأستوب
http://www.nilemotors.net/Nile/37987...t-bloch-2.html
وأعمل المفتاح الأسبير بكرة برضه عشان لو عملتها تاني لحد ما تصلحها,
وخليه معاك أحتياطي لحد ما تروح التوكيل أو تصلح المشكلة دي عند حد بيفهم.
فى الاول حمدالله على سلامتك اخوك بلدياتك بس خبرتى قليله فى الاوتوماتيك كنت عايز استفسرعن غيارزيت الفتيس اللى انت عاملته فى التوكيل.
1- هل تم تغيير فلتر زيت فتيس .؟
2- هل تم غسيل الفتيس باى مواد قبل التغيير .؟
3- هل تم وضع زيت فتيس اصلى وماهو شكل العبوة .؟
4- كم التكلفة بالتفاصيل .؟
5- هل انت راضى عن الاداء وحاسس بجودة الخدمة وكفاءة الفنيين .؟
انا اسف طولت عليك لكن التفاصيل الدقيقة من خلال التجارب يستفيد منها جميع الاعضاء ونتبادل الاراء
والاهم طبعا تكون ان شاء الله عربيتك اتصلحت ومفيهاش حاجه .
معلش يا دكتور لسه شايف الموضوع حالا علشان انا النهارده مدخلتش خالص علي المنتدي علي العموم في الأغلب مكنه الاستوب ابتدأت تعلق ولما تعمل كده حاول تضغط فرامل كذا مره ولو مناعي خد عشره متر شواهق بالعربيه وخلالهم تضغط علي الفرامل برده
والمطلوب تغير مكنه الاستوب