صباح الفل
الحمد لله, امبارح تمت الصفقة ودفعت شقى عمرى وجبت ابيزا 2006, اللى كنت كتبت عنها قبل كده.
ربنا يستر عليها ومانزلش الاقى واحد ابن حلال خبطها.
النهارده روحت بيها الشغل, احساس تانى الصراحة, عزل صوت مميز, امتصاص افضل للصدمات واستجابة موتور افضل كتير
بس كان هايجيلى ذبحة صدرية قبل الشغل بكيلو كده, لقيت الار بى ام على 6, ومش بينزل ولا بيتحرك اصلا, بس صوت الموتور عادى جدا, فواضح انه ركن, حتى بعد مابطلت العربية فضل راكن
ان شاء الله شويه شويه كده هابتدى اغير السيور والسوائل والفلاتر وابتدى اظبط العدادات دى

يا ريت لو حد يعرف كهربائى "محترم" يشوفلى ماكينة الزجاج الامامى (بيطلع بس مش بينزل) ويكون قريب من مصر الجديدة

شكرا يا رجاله على مساعدتكم على مدى السنتين اللى فاتوا دول, وان شاء الله هانستمر فى المسيرة