محدش بيتكلم ليه عن كيا ريو ؟؟

**Oushy** · 04-10-2010 03:35 AM

يا جماعه كيا ريو 2011 نزلت ولا لسه وأخبارها ايه وسعرها كام اوتو كلموني عنها .... ده كلو طبعا لو كانت نزلت اصلا؟؟؟ وعموما رأيكو فيها ايه هي ولا نيو أكسنت العاديه !!!

**memoman** · 04-10-2010 05:42 AM

العربيه دي مظلومه من الوكيل بتاعها في مصر والسيراتو السبب
انا قدامي وحده 2006 فبريكا كامله مانيوال عداد 68000 عاوز اعرف تمنها لو حد يفيدني في سعرها

**M.ABDEEN** · 04-10-2010 10:22 AM

عربية محترمة جدا بس التوكيل مش عارف يسوقها

**NoRmAl** · 04-10-2010 08:22 PM

هو محدش بيتكلم عليها عندنا لأنها ملهاش ملاك فى المنتدى
تقريبا واحد أو أتنين بس ومشاركتهم قليله جدا جدا

**lolozema** · 05-10-2010 11:34 AM

انا روحت اتوكيل من كام يوم ملقتهاش عنده اصلا.......... و مش لاقيها في اي مكن تاني

**mohamedgamall** · 05-10-2010 11:48 PM

انا شفت الكيا ريو 2011 فى الدوان تاون فى اسكندرية شفتها هى و النيو اكسنت بصراحة هى احلى و افخم بكتير بس فعلا قليلة اوى بس شلكها عربية محترمة و تقفيلها جميل و اوسع من الاكسنت

**mr_sameh** · 06-10-2010 02:35 AM

العربية دي كل اللي ركبها شكر فيها

**tahayt** · 06-10-2010 06:34 PM

انا شفت العربية دى امبارح بس فى شارع استوديو مصر فى الهرم شكلها اتغير شوية عن القديمة , الشبكة الامامية بقت نيكل زى السيراتو (مش عارف هو دة التغيير الوحيد ولا فى حاجة تانية) بس بصراحة شكلها جميل جدا احس من الاكسنت و افخم
ربنا يبارك لصاحبها فيها .اصل انا خايف اكون حسدتها...بجد تحفة

**gladuter** · 07-10-2010 02:50 AM

مع ان سعرها قريب من النيو اكسنت بس انا قررت اجيب كيا ريو 2011 وده لاني محتاج عربية هلف بيها كتير يبقي لازم توفر في البنزين والريو 1400 ومع ان كيا وهيونداي شركة واحدة دايما بحس ان الكيا انظف وافخم وامتن من الهيونداي حتي اني سالت تاجر عربيات قالي ان الكيا انظف الكوري

**M.ABDEEN** · 07-10-2010 09:18 AM

المشاركة الأصلية كتبت بواسطة gladuter

مع ان سعرها قريب من النيو اكسنت بس انا قررت اجيب كيا ريو 2011 وده لاني محتاج عربية هلف بيها كتير يبقي لازم توفر في البنزين والريو 1400 ومع ان كيا وهيونداي شركة واحدة دايما بحس ان الكيا انظف وافخم وامتن من الهيونداي حتي اني سالت تاجر عربيات قالي ان الكيا انظف الكوري

كلامك مظبوط يا باشا والكلام ده انا والله قلته كتير تحس ان الكيا مخدومة عن الهيونداي وخاصة في حتة التقفيل والمتانة بس العقلية الغريبة بتاعت بعض الناس تقولك كيا ايه وكلام فاضي ايه دي توكيلها ضايع وملهاش قطع غيار ومش منتشرة وطبعا الكلام يخص خصيصا الريو وانا عن نفسي الريو افضل من الافيو والاكسنت والياريس كمان ....
بالتوفيق لحضرتك بس فيه نقطة
الريو المانيوال 1400
الريو الاوتو 1600
وتقبل تحياتي